المشاركة الأصلية كتبت بواسطة يارب الفردوس

ياشباب اللي ماقد مشى على جهاز السير كييييف وضعيته يعدي ولا يطيح ولا لازم أدرب علية ...

أو مايبيله سهل تكفوووووون ردو اللي مجربين

المشاركة الأصلية كتبت بواسطة rjhh

سلام عليكم ورحمة الله وبركآتـه ..
آتوقع ان الاخوان ما قصروا بخصوص كشف طبي 1 ولكن انا راح آتكلم عنه بالتفصيل عشان تكون مشاركتي مرجع للجميع ان شاء الله ..
في البداية يتم نقل الطلبه عن طريق الباص إلي الصالة الرياضيــة وياحبذآ تجي بدري عشان تخلص بــدري ..
بعد الوصل للصالة الرياضية هناك يقوم العقيد السرحاني بتوزيع الاوراق الخاصه بالكشف الطبي ويطلب منك كتابه اسمك وكذلك رقم سجلك المدني ورقم الطلب الخاص فيك وتضع صورة مكشوف الراس في المكان المخصص ..
بعد ما تقوم بتجهيز الورقــه ياخذكم الشخص المسؤول من الصف الايمن واحد بعد واحد حيث تمر على مرحلة التدقيق ويآحبذآ تكون البطاقة جاهزهـ تمر على الشخص الاول يقوم بالتاكد من انك صاحب الصورة وصاحب البطاقة ثم تمر على الشخص الثاني ويطلب منك رقم السجل المدني ورقم الطلب .. ثم تمر على الشخص الثالث ويقوم بطلب رقمك الوظيفي واسمك الرباعي اما الشخص الرابع فيقوم بالختم على الصورة الموجوده في الورقــه ..
الان تنتقل للمرحلة الاخيره في مقر الصالة الرياضيــة وهي فتح ملف كشف طبي راح يعطيك الشخص المسؤول ملف مثل ملف طلب الالتحاق النهائي ولكن خاص بالكشوفات الطبيــه يطلب منك تعبيه اللبياناات ووضع صور داخل الملف واشياء هو يقوم بشرحهـآ لك والطريقة سهله ولا تاخذ منك وقت طويل بس خلك مجهز صورتين وقلم وراح تشوف ان الامور تمشي معك بسرعة ...
بعد ما تعبي الملف الخاص بالكشف الطبي يقوم الشخص المسؤول بالختم عليه والتآكـد من بياناتك ومن ثم تنتقل للعيادات عن طريق الدرج مع شخص اخر حيث يوضعون الطلاب في مكان الانتظآآر ..

:تقسيم العيادات :
عيادة العيون :-
في البداية تجلس في المقآعد المخصصه للعيادة الخاصه بالعيون ..
ترفع الملفات ويتم استدعائك بآسمك عندها تدخل على دكتور العيون .. تجلس على الكرسي اللوحة تكون خلفك واآمآمك مرايــه ويختبر النظر وهذا اختبار كلنا نعرفه نفس االلي موجود في المستشفيآت ولكن الفرق عن المستشفيات هو انك تجلس وهي خلفك وآمآمـك مرايــه تعكس الحروف طبعـآ هنا انت وحضك اما يعطيك صغيره او كبيره بس اللي اشوفه وانا في صالة الانتظار بعد الكشف انه يعطيك تقريبآ من السطر رقم 5 والسطر رقم سته وهي سهله وواضحة جدآ الا الششخص اللي مايشووف .. بعد هالمرحلة تقوم وتجلس عند الدكتور لان هناك شخصين واحد يقيس النظر ع الحروف والثآني يقوم باختبار الالوان " عمى الالوان " يطلب منك رقم واحد حاول تركز ولا تستعجل لان شغلهم سريع جدآ بعد ما تجآآوب على الصفحة الخاصه بعمى الآلوان يفتح عيونك ويناظر فيها بكشاف صغير ..
نصيحــة " الاخوان اللي يلبسون نظارات ياليت يجيبنهـآ وكذلك اللي يلبس عدسات يكلم العقيد خالد قبل ما يدخل على العيادة لان بالعيادة ما راح احد ينفعك اما قبول ولا رفض ..

عيادة الانف والاذن والحنجرهـ :-
بعد الانتهاء من عيادة العيون تنتقل للعيادة التاليه وهي الانف والاذن والحنجرهـ وهناك يوجد شخصين واحد يكشف ع الاذن ويكشف ع الحلق بالخشبــه هههه طبعـآ في ثوآآني ..
تنتقل بعدها للشخص الاخر في الطرف الايسر من نفس الغرفه وهو الخاص بالاسنآن ويكشف على الاسنان وتنتقل بعدها اللي الانتظار لحيين دعوتك من قبل العيادة الاخر .

عيادة الضغط والنبض :-
هنا راح تتآخرون شوي يكشف على ضغطك ونبضات قلبك وهو ولد سعودي عسل من النوع الاصلي ..
بعد ما تخلص من هنا تتنتقل للمختبر ..

المختبر :-
هنا يتم سحب منك 3 انبوبات دم ويعطيك علبه خاصه بالبول الله يكرمكم جميعـآ .. تاخذ االعبه وتنتقل لشخص خال يقوم بتفتيشك قبل الدخول ومن ثــم تدخل في احد الامآكن المخصصه وهي غير مكشوفه تعملهـآ في العلبــه وتسلمها للآشخاص المسؤوليــن عن تحليل البوول آعزكم الله ..

بعد ما تنتهي من كل هالاجراءات فيه شخص على بااب المختبر تقوم بتوقيع الورقه من عنده راح يحط لك صح في كل الامآكن ما عداء الاشعه لانها في مبنى مختلف .. تطلع من العيادات تحصل شخص على باب العيادات اللي دخلت معه اول مرره يقول لك إشاعة تقول له "ايوه " يقول لك روح يميين ثم انزل مع الدررج وتلقاء الطلبه قدامك والباص واقف ..
ياخذكم الباص لعيادة الاشاعة

الاشآعة :-
هناك الامور سهله ولا تاخذ ثواني وانت واقف امآم الجهاز ياخذ صورة للعمود الفقري وحاول انك تكون معتدل وشاد نفسسك يسوي لك صورة للعمود الفقري .. وكذلك صورة للصدر .. وتطلع تركب البااص وعلى شقتك ..

آتمنى اني وفقت في شرح الخطواات وإذا كان هناك خطآ فانا انسان وماني معصوم من الخطـأ
دعواتكم لي بكرة في كشف طبي 2 واللياقة البدنيــة ..

أخوكم : رجـة

المشاركة الأصلية كتبت بواسطة بلاإسم