28-07-2010, 08:18 PM
|
 |
عضو مميز
|
|
تاريخ التسجيل: Jul 2010
المشاركات: 1,211
معدل تقييم المستوى: 1552
|
|
اقتباس:
المشاركة الأصلية كتبت بواسطة أبي جندي
انا متشوق جدا لاعرف مقابله رقم 1 و2 وخاصه لك انت ياليت تفصل فيها
وياليت تعطينا اللياقه شسويت فيها وكم حطيت السرعه مع الاطاله
ومششششششششششششكور
|
أما عاد متشوق
يالله عشانك بأجل النوم وبتكلملك عن الجزئ الأكثر تشويقا بعد قسم الجراحة طبعا
مقابلة واحد كانت أكثر من رووووعة وفلة والحمد لله أكلت الجو
مقابلة 1
عبارة عن أبلكيشن يعطونك فيه عدة نقاط يهتمون فيها وانت راح تقراها من ضمنها
1- مظهرك ولبسك
2- تناسب سمتك ومظهرك مع الذوق العام
3- النطق وعدم التأتأة
4- عدم وجود أحرف مضروبة مثل السين = ثين والراء = واء وغيرها
5- تناسق الجسم
6- الجرئة
7- الصوت هل هو حاد أم خشن أم ناعم
هذي أشياء باختصار وعند كل شيئ ثلاث درجات أهم شي ماتحصل على صفر لأنها تعني غير لائق
إيش عليك من ذا الكلام كله أهم شي وصلت الفكرة .. إلبس لبس متناسق متوافق مع الذوق العام لاتقول كيفي بلبس اللي يعجبني وادخل واثق وسلم بصوت واضح وأريحية
يبدا يدردش وياك ويحاول يصكك بمجموعة أسئلة بسرعة وأحيانا يسألك أسئلة غريبة
خليني أعطيك مقابلتي:
سلمت وسألني عن إسمي جاوبت سألني من وين وجاوبت سألني عن تخصصي ليش دخلت هندسة ميكانيكية جاوبته: صدفه ناظرني وابتسم
بعدها سألني إنت نمر ولا أسد ؟؟ قلتله نمر طبعا بكل ثقة استغرب وقال ليش ؟؟ قلتله لأني إتحادي قال عجييييب ولا عشان في بدلتك نمر طبعا كنت لابس طقم المنتخب السعودي قلتله لا هذا فهد قالي مين أسرع الفهد ولا النمر قلتله أكيد الفهد هو أسرع حيوان بالغابة وبعدها قالي خذ ورقة واقرا اللي فيها طبعا لازم تكون قرائتك واضحة وصحيحة والجملة عبارة عن سؤال يقولك جاوب
سؤالي: لو لقيت واحد يدخن ورما الدخانة بالمحطة إيش تسويله؟؟ جاوبته النظام في السعودية مايسمحلي أقوله شي قال طيب وش تسوي قلتله لو شكله سمح بكلمه ولا ماراح أقوله شي إلا إذا كان بيدي سلطه قال طيب تخلي المحطة تحترق قلتله والله ما أقدر أسويله شي كل اللي أسويه أكلم أقرب مسؤول أو شرطي قالي ممتاز
بعدها قالي مد يدك فوق يبي يشوف تناسق جسمي وقالي تقدر تلمس الأرض بدون ماتثني ركبتك قلتله بالراااااحة ولو تبيني ألمس براسي ركبتي قال تقدر قلتله أكيييييييييد
بعدها أخذ الأبلكيشن وأعطاني صح على كل شي وتقيم كامل وكتبلي درجة ماشفتها كم وطلعت
الخلاصة مقابلة 1 الغرض منها مظهرك ونطقك وشخصيتك الظاهرية وسرعة رد فعلك وهندامك
ممكن يسألك أسئلة غير تماما عن أسئلتي لكن نفس الهدف
وعلى فكرة لا أنا ولا غيري راح يفيدك بسرد الأسئلة اللي جاتنا في المقابلة إلا إنك تكون هاااادئ وواثق من نفسك
إنتظرني في مقابلة 2 (ولا خلاص ماودك  )
التعديل الأخير تم بواسطة بلاإسم ; 28-07-2010 الساعة 08:32 PM
|
العرض العادي
