سجلو عندكم اول متعثر بسبب الاسنـــــــــــــــــــــــان
البارحه مشيت من القصيم ووصلت ودخلت الكليه مبكر
> كلمت لي رجال هناك قال الاسنان واللهي مااقدر لأن الكشف الطبي لجنه تجي من خارج الكليه
لكن بحاول بتشوف لك احد ~}
الوكاد اني رحت
ومريت العيون وماشاء الله علي تووووب فيها سريع سريع
ومريت الانف والحنجره< بالسليم
ويوم جلست عند الدكتور
خالد العتيبي
< حق الاسنان
قال ابتسم ياسلطان < والله وابتسم
له < سن مفقود
واخذ عود < ورفع البرطم
يناظر اللثه ويناظر اللثه اللي تحت
قال افتح فمك !!
عاد وش يشوف الضروس بها تسوسسس
قال تفضل وحط عند رقمي بالكشف حق التحضير علامه
[ صح ]
أنا قلت له جزاك الله خير < فرحان
طلعت وجلست بالانتظار انتظر ينادون اسمي للعياده اللي بعد الاسنان
اللي هي الظغط ~ }
انتظرت وانتظرت وجو ناس بعدي من عياده الاسنان
وراحو قبلي لعياده الظغط
جيتهم قلت للممرض حق عياده الظغط قلت ياولد انا لي 20 دقيقه هينا ماطلبتو اسمي مع العلم ان به طلاب خرجو من عياده الاسنان بعدي وطلبتوهم قبل اسمي ؟؟
قال يمكن الملفات تلخبطت
لحظه يجيك الدور ~ }
وانتظر واناظر الساعه صار لي من الوقت 45 دقيقه طالع من الاسنان
وينادون اسمي حقين المختبر <
واجي واقوله ترى ماقست الظغط !!
قال هو لحظه اجل انتظر !!! ليما تخلص الظغط
وانتظر شويات !!
واجي واسأل نفس الممرض حق الظغط
ويدور ملفي الطبي < مالقاه عندهم ويدورونه بالمختبر مالقوه
ويرجعون للأسنان مالقو الدكتور نفسه< طالع
ويروحون للعيون نفس الحكايه
ويروحون
لواحد مدني < من وزاره الداخليه < عنده ملفات الغير لائقين
وانا ادعي ربي اقول يارب مايقلونه هينا
لأني اشوف اللي يتعثرون بالعيون يودون ملفاتهم عنده
والطالب يتوكل على الله
الوكاد يوم جاء الممرض معه الملف
والله وينادي بأسمي / سلطان الوسمي
جيت لمه قال اخوي سلطان انت غير لائق !!
قلت ليه ؟
قال عندك تسوس بالاسنان
واشوف الختم احمر
<
قالي الله يوفقك ويرزقك ويعوض لك ...الخ
قلت انا ياخوي وراه الدكتور خالد العتيبي ماعلمني
ليه ماقالي انت غير لائق؟؟ عشان امشي من اول
جالس لي ساعه انتظار بالكراسي واخرته غير لائق
والله ويفك الصوره < من الورقه ويعطيني اياها واطلع من عندهم
للقصيم على < سهران رايح جاي
الحمد لله على كل حال الله ماكتب نصيب
مع اني شفت واحد قدامي طلع من عياده الاسنان
و خش عياده الظغط والمختبر وطلع للأشعه
وفيه سن من اسنانه مفقود ~} < وشفت اسمه بالورقه اللي معه
قبيلته < نفس قبيله دكتور الاسنان / خالد ~
< الله يوفقه ويرزقه اللهم لاحسد
راضي بحكم القدر وان شاء الله السنه الجايه اكون جاهز ~..}
من اسنان ولياقه واختبار قدرات وواسطه وكل شي ان شاء الله
والله يرزقكم القبول النهائي ياااااااااارب ~ كلكم واشوفكم دوره 41 وانتم[ دبلوم ]
انا كنت متوقع اتعثر بسبب الاسنان وفعلاً صاب التوقع ~
04-08-2010, 09:33 PM
العرض العادي
