16-07-2010, 07:48 PM
|
 |
عضو مميز
|
|
تاريخ التسجيل: Apr 2010
المشاركات: 800
معدل تقييم المستوى: 41
|
|
شباب الله يهديكم انا اشوف اسئلة مالها داعي تقول توكم متخرجين من الثانوي اختصر الموضوع ...كل واحد فيكم يجيب معه ملف شفاف احتياط يحط فيه الصور وصورة كرت العائلة والمشهد والنموذج وكل شي يشوفه مهم ويخدمه في القبول ويخليه معه بجانب الملف اللي بيقدم فيه ...اما الشعر نصيحة مني لا تحلقون شعروكم على الماكينه ترى بتطلع روسكم انواع الجح والخربز يعني خففو الشعر تخفيف بسيط ما يكون طويل مرره ولا قصير ولا يكون كدش وقصات ثانيه حتى الشعر يخدم مظهرك الخارجي وما هو من المعقول تطرد لان شعرك ما هوب على الماكينة انت لازلت مدني وما اللتحقت بالسلك العسكري ...من ناحية سجل الجد وغيرهم اذا ما لقيت معلومة عنهم اتركه فارغ او حط مكانه (ــــــ) ......من ناحية الملابس الرياضية حاول تجيب لبس حلو ولايق ماتجيب لبس المنتخب مسوي فيها وطني ولا لبس نادي رياضي اشتر لبس شكله حلو والوانه ما تكون فاقعه ولا عليه رسمات كثير ...من ناحية الجزمة الله يكرمكم اشترو من الفالح جزمة اصليه خاصة بالجري وتكون خفيفة وطبيه وشكلها حلو ....النموذج الاولي اللي مطلوب اللي ما طبعه راح يطبعه في الكلية الامنية وهذا حاسبته الكلية اغلب الشباب ما طبعوه .....اللي بعيد من الرياض يحاول يبكر في الجيه قبل الموعد بيوم على الاقل منها يفطر زين ومنها يرتاح جسمه لان اللطعه فيك فيك والله يعين .....فيه شي مهم اثناء وجودك في الكلية اذا قاسوا طولك وطلعوه ناقص وقالو لك مع السلامه انشب لهم ولا تروح الا وانت عايد قياس الطول اكثر من مررره خاصة اللي طولهم168 على الحافة .....اتمنى من الاخوان اللي موعدهم بكررره يفيدونا بالتفاصيل حتى نستفيد وندعي لهم من القلب ....اخيرا الله يوفق الجميع ويسهل لهم كل امورهم في يوم جمعته المبارك قولو آمين اخوكم خفايا اسرار....الشباب طالب اعلام وفتى الباحه وابو راشد والفارس السعودي ومن كان معنا في الجزء الاول اتمنى انكم على اتم الصحة ومابكم اي خلاف صررراحة نبي نشوف اخباركم وقبولكم .
|
العرض العادي
