اللي اختبر عمى الألوان ، الرجاء توضيح طريقة الاختبار .

مع الشكر مقدما

صديق لي تخصصه علم اجتماع انقبل طبعا ماجستير وماكمل للاسف سأله قلت له ليش قال كرهتها نفسيا

رقمه 2133

صراحه ماعرف ليش بس تعب نفسيا فلا تيأسو كثير ينسحبون وكثير ماينقبلو وكثير يهربون من الدوره

وانا كذلك تخصصي -------- دوره 38 انقبلت في كل شي والفرز النهائي ماطلعت وعادي عندي مالي فيها نصيب وخلال ايام قريبه بكمل ماجستير بأمريكا وانا الان وموظف مدني م6

ليش اقولكم هالكلام لان البعض احس فيه نوع من الجنون وووووو

اكون صادق معكم ولا أخفيكم العسكريه هويه قبل ماتكون وظيفة او مصدر رزق

فأنا إلى الان لازالت بقلبي كانت شي مهم بنسبه لي لانها كانت هويه وميول وطموح منذو الصغر

أنا خريج علم اجتماع معدلي 4.39 وزميلي ايضا تخصصه خدمة اجتماعية ومعدله 4.20 و واحد من الشباب تعرفت عليه اثناء التقديم على الكلية الامنية السنة اللي راحت تخصصه علم نفس ومعدله 4.77 بمرتبة الشرف الاولى وجميعنا وصلنا الفرز النهائي وكل امورنا تمام في الفحص والمقابله واللياقة ولكن تفاجئنا بالجملة المعروفة عن هذي الكلية وهي نأسف لعدم قبولك كثير منكم راح يشوفها فلا تأملو كثير ولا تحلمو واجد ترى والله تتعبون نفسيا اللي بختصره لكم زميلي نفس تخصصي معدله جيد على الحافه يمكن 2.77 او 2.76 ماني متأكد منه لكن تقريبا حول هذا الرقم انقبل طبعا ما انقبل بشطارته او بضربة حظ الرجال عنده واسطه قووووويه ودخل زي السلام عليكم وعلى فكره من ايام دراستي معه وهو يقول الكلية الامنية في جيبي وخالص منها وفعلا طلع كلام الرجال صدق لذلك لا تتعلقون في هذي الكلية زيادة عن اللزوم لأن الواسطات موجوده والكرش شغال عندهم سواء في مراحل القبول او الفرز النهائي يا ناس والله العظيم انكم مساكين احسكم متفائلين بقووووووووووه بكره بذكركم في رمضان وتشوفون هذي الكلية مهما تظاهرت امامكم بأنها موضوعيه وبأنها خالية من الواسطات صدقوني راح تعرفون حقيقتها بالشكل الحقيقي اثناء الفرز النهائي ...كلامي هذا مو تحطيم لكم ولكن لازم تعرفون ان التفائل الكثير راح ينعكس عليكم بعد الفرز النهائي ..مهما كان تخصصك مطلوب ومهما كان معدلك ومهما أديت من لياقة ومقابله ترى ما تضمن قبولك 1% اتمنى للجميع التوفيق .