مافي شي بدون ضريبة و30 الف رسوم الصندوق لأنه يدعمك للآخر حتى إذا صادفت مشاكل في المشروع يساعدوك وبعدين بنك التسليف مرمطه اكثر ومين بيكفلك في الزمن هذا عشان تسوي مشروع حتى اخوك مايكفلك
استعين بالله ولا تضيع فرصة العمر من بين اديك
الصبر ثم الصبر إن الله مع الصابرين والله يرزقك من حيث لاتحتسب
موفق بإذن الله

و الله فعلا انا اتصلت بنفسي على خدمة العملاء في صندوق المؤوية .. قالت من 15 الى 30 يحددها الصندوق لازم تدفعها و تكون فوق المبلغ الى انت طالبة يعني لو طالب 200 الف يحسبو على عليك 230 مقابل مرشد و دورات و تسهيلات و متابعه و خلافه الخ

لكن قالت لو ما تبغى تدفع ال30 فا الصندوق يحولك على بنك التسليف بس يكون معاك كفيل

تصير المراحل الاول من الصندوق بعد كذا تصير مع بنك التسليف.... بحكم انه في بينهم اتفاقية


يعني فيها فيها ... مافي شي بلاش

ممكن توضحلي اكثر وش تقصد انا ادفع حق الصندوق وبعدين اصير تبع بنك التسليف وش استفيد على كذا ؟؟

وعليكم السلام ورحمة الله وبركاته

ياحبيبنا ودي اوضح لك كثير من الامور لعل وعسى ان الروؤية تتضح قبل اصدار الاتهامات وذكر كلام غير صحيح.

انا مرشد متطوع بالصندوق واعرف جيدًا الكلام الي بقوله، قرض الصندوق حسن ولا ياخذون فوائد، لان الفوائد ماتجوز. والصندوق ياخذ رسوم إدارية مقابل الخدمات الي يقدمها بشكل كامل للمتقدمين. ونحن المرشدين متطوعين وماناخذ فلوس على الخدمة الي نقدمها ولكن الصندوق يتعب على المرشدين من ناحية التدريب والاستقطاب، ناهيك عن باقي الخدمات الاخرى ..والخ.
كما ان الرسوم لا تحتسب من حجم القرض ولا بمدة زمنيه وانما حسب فئة المشروع ويتم حسابها فوق مبلغ القرض.

انا انصحك ان تقدم شكوى ان كانت لديك مشكلة بالتاخير او خلافه الى ايميل مسؤول هناك عن الشكاوي info2@tcf.org.sa

والله يوفقك ويفتح عليك باب الرزق