السلام عليكم ورحمة الله وبركاته

وشلونكم وش اخباركم عساكم مرتاحين

عندي كم سؤال وبغيت شوركم الله لايهينكم

ويقول الشاعر ومن لا ستشارك لاتبدي له الشوور وانا ابي شوركم

الحمدلله خلصت الثانوية عقب طلعة الرووح والنسبه 81

وودي بالعسكرية ولا ودي
وودي اطلع بعثه كم سنه ولا ودي

المهم

نصيحتكم لاهنتم

لان تسجيل كليه الملك خالد الحرس الوطني بينتهي 1 / 8 يعني باقي 5 ايام وينتهي
والحمدلله اموري ماشيه يعني لو بسجل بيقبلوني عندي حرف واو هع

سؤالي

لو اروح بعثه سنة وارجع واقدم لكلية الملك خالد يقبلوني ولا لا يعني هم يقبلون المتخرجين من كم سنه ولا بس المتخرجين السنه ذي

فلذلك انا محتار ودي اروح بعثه واسجل بجامعه كم سنه وارجع ان شاء الله
وعقبها اشوف اما عسكري ولا مدني لاكني خايف اروح وارجع ثم اتوهق مافي وظايف ويكون تسجيل الكلية راح علي لاستفدت لامن هنا ولا هنا

و من خلال خبرتكم اغلب الناس معهم جامعه ولا لقو ووظايف عاطلين

يعني الافضل ادخل العسكرية والوظيفه مظمونة ان شاء الله

ولا اروح بعثه وجامعه ويمكن تزين الامور

باختصار لو ادرس برى وارجع هنا لو مالقيت وظيفه كويسة اقدر ادخل كليه الظباط ولا لا

مشكورين مقدما والله يوفق كل عاطل ويرزقه بالوظيفه

اول شي حياك الله بالمنتدى بما انك انت عضو جديد

وثانياً مبروك التخرج

والعقبا للوضيفه

أخوي انا ما ابي اضيق خلقك وألحس مخك
انا تخرجت العام بنفس نسبتك 81,66
وسجلت بالكليه العسكريه اللى تقول عنها وما قبلوني
هذي الكليات اذا عندك واسطه تخش سلام بسلام
والله اعلم وهو كاتب لك رزق من قبل لاتخرج للحياه
ولكن الكليه اذا انت شهادتك ثانويه بس لازم تكون حديث التخرج
ويمكن لو تجي بالشهاده السنه الجايه تكون من الافضل
المووهم
ودرست بالجامعه ولما جاء تقديم الامن سجلت والان احتياط :>
أنحرمت من الجامعه ومن الامن
والان عـــاطـــــل

أنصحك كمل دراستك أحسن لك والله يوفقك بـ أحسن وضيفه
وفر فر بالمنتدى وشوف مواضيع العاطلين ومعاناتهم



ما ودي اقول ذا الكلام بما انك جديد وتوك متخرج
بس تعرفني لسان شآعر
<<<<<<<<<<<<<<<<غصب عني

يارب يوفقك يالغالي تحياتي لك
وودي وورودي

هلابك ياشاعر حياك الله

ومشكووووور

ومن ناحية الواسطه الحمدلله مثل ماذكرت لو بسجل بـكلية الملك خالد للحرس بيقبلوني مظبط حرف الواو ههههه

بس اللي محتار فيه لو ادرس برى وارجع هنا لو مالقيت وظيفه كويسة اقدر ادخل كليه الظباط ولا لا

مبروك على التخرج اخوي اذا الجامعه الي تبي تخشه معتمدة لدى التعليم العالي يقبلوك
طيب يخوي انا عندي راي واراي رايكطبعا ولي تبي سويه
انا اخوي درس جامعه وقال بعدين اخش العسكرية
ومن يوم ماتخرج الى الحين ماانقبل في اي قطاع يااحتياط يا لا
وانا بعد الثانوية الحمدلله قدمت والان انتظر اتصال لقبول النهائي بعد اسبوع ادعيلي

بتوفيق

اذا خلصت دراستك
وش يضمن لك الواسط
تكون موجوده
قبل لاتختار فكر الف مره
وصل استخاره