اولاً: الف الف الف الف مبروووك للي اتصلوا عليهم
الله يوفقكم وييسر امركم ويسخر لكم عباااده ياااااارب
ويجلعها من نصيــــبكم بإذن الله
ثانيا: الاخوان يسألون عن مستشفى قوى المن بالطائف وفيه كذا عضو
ارسلي ع الخاص
يسألني عن الموقع ،،، ولعيووونكم طلعت أخذت فره وصورت لكم الطريق
عشان محد يضيع
بسم الله نبدا
وصف المستشفى للي جاي من الهدا
طبعا اول ما تدخل الطائف بنقولك ( مرررررررحبا تراااااحيب المطر تو ما نور الطائف)
روووح على طوووووووول لا تلف لا يمين ولا يسار
لين تجيك اشاره مقفله ( أحالوها على التقاعد 
) اذا شفتها هدي من روعك وانتبه وخلك بخطك وامش شوي ليين تشوف هالكوبري قدامك
الصوره رقم (1)
صورة رقم (1)
.................................................. .................................................. ..................
طبعا هذا كوبري حديقة الملك فهد اذا شفت هالكوبري خلك ماسك اليمين
وبعد الكوبري مبااااشره بيجيك مخرج مكتوب عليه جامعه الطائف وفيه لوحة ثانيه لونها بني لسوق عكاظ وهذي صورة المخرج
الصورة رقم (2)
صورة رقم (2)
.................................................. .................................................. ..................
اطلع معاه وروووووح على طووووووووول بتجيك اشاره تعداها
وبعدها بتجيك اشاره ثانيه برضه تعداها وعلى طووووول
(بس ياليت تهدي من سرعتك اخي السائق لان فيه لفه قويه واحنا نخاف على حياتك وصحتك )
طبعا بتشوف مباني عسكريه على يمينك ويسارك عادي كحل ناظريك وتمعن بالدبابات 
وبعد هاللفه بتشوف هاللوحه لزياده التأكيد انك ماشي صح فقط
خلك على طووول برضه لا تلف لا يمين ولا يسار
الصوره رقم (3)
صورة رقم (3)
.................................................. .................................................. ..................
روووح على طووول لين يجيك هالكوبري معترض قدامك
اللي هو يسموونه كوبري الصيانه خذ من تحت الكوبري يمين وروح على طول
وهذي صورة الكوبري
الصوره رقم (4)
صورة رقم (4)
.................................................. .................................................. ..................
بعد ما تاخذ يمين من تحت الكوبري ،،، روح على طوووول وبتشوف الكليه التقنيه على يمينك
والثانويه الصناعيه بعدها بتشوف هاللوحه رقم (5)
الصوره رقم (5)
صورة رقم (5)
.................................................. .................................................. ..................
^
اذا شفت هاللوحه ^ هدي من رووعك وامسك اليمين وبعدين ادخل يسار
(اعتبر نفسك رايح تصيف بالباحه )
بعد اللوحه اللي فيها الباحه (يالبى قلبي ع الباحه )
بيكون مستشفى الامير منصور على يمينك وبتجيك هالاشاره اللفه اللي تاخذ معها يسار
كأنك رايح الباحه 
صورة رقم (6)
صورة رقم (6)
.................................................. .................................................. ..................
اذا دخلت يسار رووح على طووول بتجيك اشاره بلفه غبيه مدري وش تبي
جابتلنا المرض وربي 
المهم خذ الاشاره وروووح على طول
وعشان تتاكد انك ماشي صح وانت واقف بالاشاره بتشوف هاللوحه قدامك على اليسار
مكتوب فيها مخطط قصر جبرة
الصورة رقم(7)
صورة رقم (7)
.................................................. .................................................. ..................
رووووح على طووول بتجيك طلعات ونزلات عادي لا تنخرش وامسك بطنك 
المهم بس انتبه اذا طلعت الطلعه الثانيه هدي ترى فيه لفه قويه بالنزول لو ما تنتبه لها
بتحضر في الخط الثانيه 
المهم رووح على طووووووول بيجيك دوار مدري وش يبي لا اسم ولا لوحات ولا شي
خذ الدوار ورح على طووووول بتشوف ارض كبيره فاضيه على يمينك
وهذي صورة الدوار
صورة رقم (8)
صورة رقم (8)
.................................................. .................................................. ..................
بعد ما تاخذ الدوار وتروح على طوووول بتجيك اشاره روووح على طوووول
فيه لوحه كبيره قبلها ما امداني اصورها فيه دوريه نشبتلي ماشيه معي
وهذي صورة الاشاره
صورة رقم (9)
صورة رقم (9)
.................................................. .................................................. ..................
بعد ما تاخذ الاشاره وتروووح على طوووووووووووووووول
بتجيك الصناعيه بتشوف ورش على يمينك ومعارض على يسارك
اذا شفت الورش والهناقر على يمينك امسك اليمين لان فيه لفه مو واضحه على اليسار
ادخل معها (ديور) وارجع خطك ورووووح على طووول بتشوف شكرة الاتصالات على يمينك وبتشوف شركة بالبيد برضه على يمينك تعداها وروح لين تشوف صيدلية خالد وشقق مفروشه اسمها نجمة المنتزة الصيدليه بنفس عمارة الشقق
هذي صورة الصيدليه والشقق
صورة رقم (10)
صورة رقم (10)
.................................................. .................................................. ..................
اوووول ما تشووووف هالصوره اللي فيها الصيدليه ابتسم وكشر عن انيابك
لانك وصلت
بعد الصيدليه على طووول ادخل يمين واول ما تمشي شوي
بتشوف مستشفى قوى الامن بوجهك فووق بالتبه لوحته سوداء
وهذي صورة المستشفى
صورة رقم (11)
صورة رقم (11)
ادري اللوحه مو واضحه بس فيه عسكري على دباب متكي بالزوايه مدري وش يبي شكله منحاش ويبي ياخذ غطه وصورتها من بعيد عشان لا ينتبه لي وأروح بخبر كان مجنون شهار يبي يوصف لشباب المنتدى
المهم اذا شفت هاللوحه السوداء تبع المركز بوجهك ادخل يمين وامش شوي وبتجيك لفه يسار
ادخل معها وادخل كمان يسار عشان تطلع فوق للمستشفى
والحمدالله على سلامتك ياباشا 
دورلك موقف وصف سيارتك
ولاتنسى تدعي ان ربي ييسر امرك ويعميهم عنك ويسخر لك عباااده يااارب ويجعلها من نصيبك
&*&*&**&*&*&&**&&*&*&*&*&*
الاخوان اللي جاييين من طريق السيل
طبعا حياااكم الله بالطائف ( مرحبا تراااحيب المطر تو ما نووورت الطائف بوجودكم )
طبعا رووح على طوووول لين تجيك الاشاره الاولى اللي دخلت معها يسار المره الاولى لما جيت للمقابله الاولى بس لا تدخل يسار خلك على طووووووووول
رووووح على طووووول رووووح على طووووول ليين تجيك
هالوحة
الصوره رقم (@)
اذا شفت هاللوحه هدي من وضعك وانتبه ترى بعدها بشوي فيه لفه يمين
وهذي صورة اللفه وقبل اللفه فيه لوحه مكتوب عليها الهدا مكة جده
صوره رقم ($)
ادخل يمين ورووح على طووووول بتجيك منطقة عسكريه واشاره بتكون فلشر
بيكون على يمينك وانت عند الاشاره الصيانه الرئيسيه بقاعدة الامدادات والتموين
اذا جيت عند الاشاره لف يسار وارجع خطك
ورووح على طووول لين يجيك الكوبري وبعدين ارجع للوصف اللي فوق من بعد الصوره رقم (3)
&*.&*.*&&*.*&.*&.*&&*.*&.*&.*&*.&*&.
ان شاء الله ان الوصف ما يضيع ولا يلخبط احد
وتراه سهل جدا بس هنا عشان الصور جايه ورى بعض ومعها كلام تحسه لخبطه
احفظ اللوحات ومكان اللفات وان شاء الله توصلون بسهوله
الله يوفقكم وييسر امركم ويسخر لكم عباااااده ياااااارب
ويجعلها من نصيبكم بإذن الله
(المعذره اذا الصوره مو واضحه مره بس اليوم خميس والدوريات مدري وش عندهم مصبحين بكل مكان )
دعوووواتكم لي بالتوفيق وان شاء الله يدقون علي ياااارب
08-07-2010, 12:55 PM
العرض العادي
