السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

ابحث عن فتـــــــــوى وبحثت في قوقل ومالقيت الجواب الكافي

انا بقولكم ايش الموقف اللي صار معــي ومن ذاك اليوم وانا شاكـه في عمري ومدري انا منهم أو لا

" أسنام البخت "

أنا أرفع شعري على شكل u مقلوب وبعدين أمسكه بالشباك بس لأن شعري طويل تطلع له نفخه كبيره مرررررررره

ووالطريقه هذي اغلب الأحيان اسويها و خلاص تعودت عليها

وذاك اليوم وانا طالعه مع اخوي للدوام


قالي وش عندك انتي وعلبة الزبادي اللي حاطتها براسك

قلت ماحطيت براسي شيء

قال شوفي كيف شكلك

ترى اكتشفو ان البنات اللي يسوون بف يحطون علبة زبادي ام ريالين برووسهـم

انا هنا تذكرت حديث الرسول صلى الله عليه وسلم

"صنفان من أهل النار لم أرهما , قوم معهم سياط كأذناب البقر يضربون بها الناس , ونساء كاسيات عاريات مائلات مميلات رؤوسهن كأسنام البخت المائلة , لا يدخلن الجنة ولا يجدن ريحها و إن ريحها ليوجد من مسيرة كذا وكذا " . رواه مسلم

الفتوى اللي ابحث عنها رفع الشعر ويكون هو طويل بدون ما احط بف ولاشيء ويطلع شكله منفوخ مررررره
من ضمن هؤلاء أم لا

لاتقولون لي غيري تسريحتك وارتاحــي

الشعر الطويل يطفش ومع الصيف ماتريحني الا هالحركه

أو بضحي فيـــــه وأقصــــــــه

فاللي سمعـــــت شيـــــــخ أو فتوى مشاببه لهذي تنور بصيرتي الله ينور عليها

لا تعليق

هلا اختي ..

الي اقدر اقوله لك تغيري تسريحة شعرك ..

لان فاهمه قصدك وعارفه كيف شكلها يطلع ..

في البيت في اي مكان ارفعيها الي ودك فيه ..

بس اذا جيتي تطلعي بدل ما تكون " التفخه " او الشعر ملموم على فوق يكون ملموم على تحت او بحركه دائريه تكون على تحت ..

انا احكي على شي مجرب و معروف ..


الشي الي فيه شك نحاول نتجنبه قد مانقدر

وآنا بعد اقولك غيري تسريحة شعرك ممكن تلفي شعرك بس يكون تحت شوي مآيكون ملفت

واتصلي ع الرقم اللي أعطآكي قلب المملكه


تحيتي