09-07-2010, 09:30 AM
|
|
Guest
|
|
تاريخ التسجيل: Mar 2010
الدولة: {㋡ المريخ㋡} .~
المشاركات: 6,112
معدل تقييم المستوى: 0
|
|
·.¸¸.· الاياسديدالراي لاهنت ويش الراي؟ ·.¸¸.·°
صباحـكمـ \مسائـكمـ سعاده
الاياسديد الراي لاهنت ويش الراي؟
ترا الفكر شتتني والاعصاب منهاره
على صاحب ٍ حُبه سبب علتي ودواي
مضالي شهر وانا اتردد على داره
انا لامتى في شارع الزين رايح جاي ؟؟؟
تنقدت في نفسي وشكوا هلا الحاره
احبه ومن حُبه تبرعتله بعضاي
بقلبي ومعلوق هوابعقلي وبفكاره
وانا عارف ٍ في خافقه ماحد ٍ سواي
شعورٍ تبادلناه 0والحُب باسراره
لكن الغضي حساس والحرص جاب اقصاي
وصار الخلاف 0وشوفة النفس غراره
ورماني بعد مازين ابليس له مرماي
رماني رماية طُعم في خيط سناره
انا مطلبي ان كل ليله وهو وياي
وهو لولوه مكنونة ٍ وسط محاره
وكبرت معي واقفيت 0والشوق قص ارشاي
وهو ياحسافه نطّح الغاره الغاره
انا دايم ٍ اخطي ويصبر على عجفاي
ويعتب على تاره 0ويرضى علي تاره
وذلحين مدري ليش ماهمته فرقاي
عسى ماتغيّر نهج حُبه ومقداره
انا لو اشوفه بعترف له بكل اخطاي
علشان يعذرني والاجواد عذاره
والا يابن عسكر ياصديقي ويامشكاي
طريق الغرام اشوف في جنته ناره
تنشد وعطني العلم عن غايتي ومناي
ترا كنك جاين به اذا جيت بخباره
|
العرض الشجري
