السلام عليكم ورحمة الله وبركاته ..


تحيه طيبه ..

هذي هي المشاركه الاولى لي في هذا المنتدى .. وقد سجلت به بعد ما تنقلت في صفحاته ولاحظت بعض الاعضاء الفعالين ماشاء الله بآرائهم وافكارهم ... وحاولت التواصل مع اخوي فتى نجد رغبة مني في استشارته بموضوع ولكن لم يسمح لي المنتدى بارسال رساله خاصه له قد تكون بسبب قلة مشاركاتي .. وانا في عجله من امري واتمنى ان يرد علي مشكور ويجزيه الله عني خير الجزاء .. او ممن له المقدره في مساعدتي

موضوعي انا عندي من الشهادات زيي زي اي بنت تخرجت وانطقيت في البيت لا وظيفه ولا منصب ( اويلااااااااه )
والاحوال الماديه ضعيفه وتعبااانه والحال يتعسر اكثر فأكثر .. عشان كذا قررت اني ادخل بتجاره على قدي وابسط ببسطه متواضعه ادخل من وراه ربح يفيد .. ومن الف ريال بديت .. شريت بكل وشباصات وربط شعر ومن حواليه بألف وبسطت فيها .. وللأسف ماحصلت أي مردود لها .. الا ضعيف .. تسلفت خمسميه ثانيه ورحت شريت عطور مقاس صغير وبسطت بنفس بسطتي وصارت مع البكل .. وبرضوا قعدت لي وماراح الا القليل وتحطمت نفسيتي وخصوصا انها سلف .. رحت وحولت البضاعه على وحده اعرفها بالقصيم تبيعها لي مع بسطتها وانا تسلفت خمس ميه ثانيه وشريت العاب .. وحاولت امشيها في بسطتي بس البيع ضعيف وباقي منها كميه .. انا اللحين لي بسطه بالسوق .. وحاليا معي 1500 تقاطيت انا مع وحده شراكه .. وابيك تدلني يا فتى نجد وش اقدر اسوي ... لأن من جد الدنيا مقفله معي ولا ادري وش اسوي .. استعنت بالله ثم فيك يافتى نجد تشوف لي فكرة مشروع ماتكلف الا المبلغ اللي حوشته .. ابي اكسب من وراه واغتني عن السلف والبهذله .. وخصوصا ان رمضان مقبل الله يشرفه وان شاء الله الرزق جاي معه ..


انتظر ردك اخوي بفاااارغ الصبر لاني مستعجله والله يجزيك عني خير .. ويفتحها بوجهك وين مارحت ..


مع العلم اني افكر حاليا اني اشتري كم متر قماش وافصله بذوقي ملابس اطفال .. وبكون كذا انا الوحيده بالسوق بهذا النوع والموديل .. بس اخاف يكلف علي الخياطه مع القماش .. والحريم مايبون يشرون غير ابو عشرين وخمس طعش وعشره لما تكون من عند بسطه .. انت وش رايك ؟