حياك االله اخوي هزاف ...


اشكرك على ردك .. وبالنسبه لتعليقك .. لعنوان موضوعي .. مثل ماقلت انا جديده بالمنتدى شفت موضوع خاص بفتى نجد اعجبتني ردوده وعقليته التجاريه ماشاء الله .. فعلى طول سجلت ونزلت موضوعي بغيه انه يرد علي بشكل عاجل لما يكون الموضوع باسمه .. وانا هنا مااقلل من قيمة الاخرين لا والله .. الكل فيهم خير وبركه والدليل اللي ردوا علي مثل عالم القهوه والاخت لغز المشاعر وانت .. بس انا وقتها ما كنت اعرف الا فتى نجد طبعا من خلال مواضيعه فقط .. ومع ذلك ذكرت ان اي احد قادر على مساعدتي وارشادي لا يتأخر علي لاني بحاجته وربي يجزيه عني بالخير ..


بالنسبه لفكرتك سبق فكرت فيها .. بس بالنسبه لموقعي بالسوق مايشجع .. ونقطه ثانيه والمشكله العويصه اللي انا اعاني منها .. هي اني انا بسطه .. يعني بضاعتي معرضه للجو .. ماني داخله في محل وفوقي تكييف وكل شئ مرتب ولمااخلص اقفل الباب وامشي .. لا اجيب البضاعه جديده ومرتبه وخلال اسبوع تحصلها متأثره من الجو اي كان سواء بارد او حار .. وهالفتره مع حرارة الشمس كل شئ يقلب لونه .. ومنه تحصلني اشيل واحط فيها .. اما شاايلتهامعي للبيت ولا جايبتها ولا رافعتها ولا مغطيتيها .. سويت لي مستودع صغير مع طاولتي احط اغراضي فيها .. بس بعد مامشي الحال .. البضاعه صار يبين عليها انها قديمه حتى ماصار لها اسبوعين عندي .. وهذي معاناتي العويصه العويصه اللي زايده الطين بله .. ومنه الشنط بالنسبه لي وعلى اللي ذكرت مرااح تناسبني لان الشنط جلد وقماش وراح تتوسخ وتتأثر مع الحراره وببتقشر ,, وبتضيع بضاعتي للزباله خلال اسبوعين ..


فعلشان كذا .. فكرت بملابس اطفال .. اشوف انا ان التعامل معها يمكن يكون افضل ولي مقدره على المحافظه عليها اكثر .. والله يعين لا اتوهق بعدين .. بس لا زلت متردده واتمنى احد يرشدني



<FONT size=5><FONT color=purple>مره ثانيه اشكرك وم

ياربي يامعين

بعض الأخوات بدأن تجارتهن بشنط المكياج
وهي متوفرة بأسعار حلوة في جدة
من 60 - 100 ريال
والبيع بسعر 150 ريال
وهناك الأغلى من ذلك
وفقك الله

شاكره اخ ابو يحيى للفكره اللي طرحتها ..



وانتظر المزيد من الافكار والنصائح من البقيه من رواد هذا المنتدى ..

وش رايك تبيعين مويه وعصيرات بااااارده خاصه ان الجو حر..
واذا عندك موهبه في الخياطه ممكن تصلحين ورود وفيونكات وتبيعينها جمله على محلات الكلف والخياطه وقبل ماتسوين روحي عندهم وشوفي وش يحتاجون ...ترى فيها مكسب حلو وتشغلين وقت فراغك وانتي بالبسطه...
بس ماقلتي لنا انتي وش تتقنين ؟؟طبخ ,, خياطه ,, مكياج
وترى المشاغل يستقبلون كانك ببتوظفين فيها ويدربونك قبل..
وانا متاكده ان ربي بيرزقك دامك تبين الرزق الحلال

ربي يرزقك ويفتح لك ابواب الخير يارب العالمين

دام عندك بسطه

روحي محلات الجمله

واشتري لك

مثلا معمول البطل ومن البسكايت ذي وافرشيها فرش 500 ريال بتكفي وتوفي

الان المعمول الكرتون اعتقد فيه 10 او 12 حبه عبوه صغير فيه اعتقد 16 قطعه

انتي تبيعيه مثلا تبيعي العبوه بسته سبع ثمانيه

انتي وخراجك فيه واحسبيها

وقيسي عليها جميع البساكيت وشوفي لك اشياء ماتتعدى عشره البيع

تطلع عليك بسبعه بيعها بعشره

وهذي الاشياء تمشي بسرعه مع انتقى المنتجات المرغوبه

وربي يرزقك

الخفاق .. اشكر لك تفاعلك

بس بالنسبه لبيع العصيرات منتشره وكثيره عند كل بسطه .. مراح اجيب شئ جديد .. خصوصا ان يبيلها هات ثلج وطلع الثلج بهالجو الحار .. وبالنسبه للشغله ماعندي للاسف شغله معينه اتمنى لو كنت خياطه كان انحلت اموري .. بالنسبه للطبخ .. سبق دخلت المجال هاذا بس لاحظت ان مردوده مو بقد تعبه وتكاليفه ... ويارب ترزقنا



القلعه التجاريه .. يووه ياكثر البسطات وكلها هنود اصحابها اللي تبيع منتجات من المعمممول والبساكيت ولشابوره وغيرها .. وتحصلها في كل زاويه .. وانا اتمنى ابيع شئ مو منتشر ومتعارف عليه بكل مكان ..

يعطيك العافيه على الفكره والاجتهاد




ولا زلت بالانتظااااااااااااااااااااااار

شوفي اختي بساطه
اذا انتي ودك تتعلمين الخياطه تراها سهله مرررررره
توي شاريه مكينه خياطه وفصلت فيها فستان بناتي وطلع يجنن
بس اهم شي الرغبه ... وترى مو لازم باترون وخرابيط.. الا اذا تبين شغل مضبوط كلها جريده وارسمي عليها
وخصوصا الجلابيات راح تمشي معاك بقوووه
اشتري قماش من محلات ابو عشره عندهم اقمشه حلوووه واذا توسعتي اشتري بالطاقه بيجي عليك رخيص

ياليت والله يا الخفاق اتعلم الخياطه .. نفسي اتعلم .. كان اسوي الهوايل والحركات اللي تهوس .. بس ماعرف ولا ادري وشلون اعرف .. مين اللي بيدرسني ببلاش ..




بس صراحه الخياطه هي الصنعه اللي تدر على الواحد لأن من وراها يقدر يسوي للكبير والصغير وللرجال والحريم ..

مايبغالها دراسه في مواقع تعلمك من البدايه ..بس انتي ابدأي وربي بيسهلها عليك
واذا تبين احد يعلمك ترى مافيك مشكله لو دفعتي فلوس تراها بتنفعك بعدين..
وانا تعلمت بدون ماحد يعلمني ..
وترى المكينه ب500ريال وفيها غرز وسرفله واشياء ثانيه بعد

الروابط الخارجية مخالفة اذا اردت ارسليها على الخاص

واذا عجبتك الفكره قولي وانا اجيبلك اسم المكينه وطريقة عملها بالتفصيل
ولا تنسينا من دعواتك