افيدوني بالحل اتعشم بالحلول منكم بعد الله

وآفي المجآفين · #1 (**permalink**) 10-07-2010, 02:14 AM

السلام وعليكم ورحمة الله وبركاته

اخواني محتاج مشكورتكم او الاحرى مساعتدكم قدر المستطاع

انا موظف قطاع خاص والان لي موظف 3 اشهر ولله الحمد

لاكن لازلت غير رسمي واحتاج لسياره على قد الحال تمشيني

راتبي 2800 ومااقدر اجمع منه بسبب التزاماتي ومصاريفي

البنك والشركات ممكن احصل من يعطيني سياره لاكن الى 4 سنوات ومبالغ وارقام مااستطيع عليها ابدا

او ممكن اقدر بس مغامره ممكن انفصل او ممكن اظغط نفسي الخ

المهم مابغى هالمغامره ولاابي دين 60 او 50 الف علي وانا مازلت شباب

ابي تشوفون لي حل او احد منكم يعمل بااقراض مبالغ بسيط او سلعه استفد منها ومده ماتتجاوز سنه او سنه ونصف

ابي لي 15000 او 20000

وتكفون لاتقولون كفيل لاني مااعرف احد يكفلني

ابي ولد حلال يدلني ويعتبرني اخوه وطالبه فزعته

الله لايحوجكم الى احد

اتمنى يبقى موضوعي هنا لو كان ماهو مكانه لاكن انا وضعته مخصوص عشان الاعضاء بالقسم هذا وتفاعلهم جدا مميز وعشمني كثيرا فيهم

ف الرياض
باانتظااااااركم

العمــــــــــلاق · #2 (**permalink**) 10-07-2010, 02:25 AM

اخي العزيز انت شخص منا الله بك بالوظيفة والرزق الحلال وراتب شهري 2800ريال

أكثر أعضاء هالمنتدى عاطلين عن العمل يتمنون نص الي انت فيه

بالنسبة للاقساط انسى احد يعطيك اقساط بدون كفيل غارم

واذا تقول بدون كفيل معنى الكلام أنك ودك تتأخر عن السداد

والله يوفقك و يرزقك ان شاءالله

وآفي المجآفين · #3 (**permalink**) 10-07-2010, 02:29 AM

اقتباس:

واذا تقول بدون كفيل معنى الكلام أنك ودك تتأخر عن السداد

عزيزي فيه كثير اشخاص لايستطيعوا تأمين الكفيل هل معنى ذالك نيتهم تأخير السداد ؟؟؟

يعلم الله وحده اني لن اتاخر بقسط ابدا ولايوجد لدي نية لذالك ولن ارد المعروف بالنكران بالمماطله

واكيد اللي بيقرضك مبلغ لو تنازل عن شرط الكفيل بيحط شروط تضمن له حقه وانا راضي بالشيء هذا

انا طلبت ذالك لان ليس لي بعد الله احد
يكفلني وسيتخلى عني الجميع

وكفى بالله وكيلآ

مخاوي العبرة · #4 (**permalink**) 10-07-2010, 11:21 AM

يا اهي بسيطه جدا
طريقة الحصول على قرض
مكاتب التقسيط كثيرة
فيه صابون وفيه بطاقات سوا
الطريقة يعطونك صابون وتاخذه من المحل وتحمله وتروح تبيعه وتأخذ فلوسه طبعا يعطونك الى 15 الف ريال
وحسبونه عليك تقريبا 25000الف ريال
وتروح انت والا مقسطك الصابون لبنك الراجحي وبالاتفاق مع البنك يخصمون من راتبك مثلا 1000ريال لمدة 25 شهر ولا كفيل ولا شي
لا تسألني وين المكاتب هذي لاني صراحة ما احب شي اسمه دين ولا اقساط تحياتي

ابن الهيلا · #5 (**permalink**) 10-07-2010, 12:15 PM

لحظة اخي قبل نجيب لك الحل المبلغ فين رايح تودية حتى نساعدك

وآفي المجآفين · #6 (**permalink**) 10-07-2010, 03:24 PM

حياكم ابن الهيلا ونعم ياولد العم ولايهونون الرجال
الفلوس طال عمرك ابي لي سياره تمشي اموري واداوم عليها
الحين متعطل ومتورط ورطه كبيره
ومابي قرض اربع سنوات وفوائد خياليه مثل البنك وشركات التاجير
الفز

ultan$ · #7 (**permalink**) 10-07-2010, 05:02 PM

الله يسهلك أخي الكريم.

وأنا اشوف انك كل شهر توفر من رأتبك 1500 ريال لمده عشرة اشهر بتملك السيارة ومن غير دين.
وصدقني أنها بتعودك على التوفير وتجمع بعدها لك راس مال وتسير صاحب شركة مثل اللي انت تشتغل فيها.
وإذا على طريقة التوفير أعط العجيز إذا كانت موجوده وهي تجمعها لك.

تحياتي,,,

وآفي المجآفين · #8 (**permalink**) 10-07-2010, 07:01 PM

اخوي انا موظف الان ومتعطل وانت تقولي اجمع الى 10 اشهر كيف اداوم خلال هالاشهر ؟

و 1500 من 2800 وش يبقى لباقي المصاريف ؟؟

الشرح والتقسيم سهل نظري لاكن التطبيق للي محتاج صعب وصعب جدا .

اسال الله ان اجد من يقف معي ويساندني

الخوف كله من فقدان وظيفه طال انتظاااااااارها