السلام عليكم ورحمة الله وبركاته ..
كيف الحال . فرداً فرداً ..
ياشبـاب أول ماشفت هالتقديم أنبسطت كـ بداية لكن عرفت ان ( مطرح رأسك تبوك )
ياعيال أشوف "8" صفحات " اللي خايف واللي متردد واللي مدري أيش " يا أخوان .. ترى ملينا من الجلسه !!
( عدم توفر الوظائف ) إجرم في أم مخيخاتونا < حلوه ذي هههه ..
ياعيال ، سواليف ( رأس المدفع بالحرب ) أتوقع اننا كفو لـ الإمور ذي .. لو حطيت قدامنا ، سياره وحنى .. كم شخص ، يمدينـا نقبل امهـا .. وأتوقع فِ موطن أميـن .. ولا له فِ الحروب .. وسواليف { كرف !! } وش من كرف ؟ تخيل نفسك في نادي رياضي .. والمدرب يقولك امتد .. أنهض ؟ بتصمل لو تفكر بـ أن هالمدرب بيعطيك شهرياً 5000 ريال أكيد بتصمل ليش لإنك { حُر } .. لكن ليش هالناس تقول { كرف لإنها مُقيده } بين إربع جدران ( بتصكك نفسيه أول أسبوع بعدها فلـه )
لكن ياعيال إلى متى وحنى عاطلين !! إلى أن يصك عمرنا 27 .. إو .. 30 ؟ بعدها لا عسكرية ولا بطيخ !!
ياعيال توكلوا ع الله واللي كاتبه ربك بـ يصير لك لو انت ( إدارية فوق سطح بيتكم دوامك ) بيجيك القدر
والله يوفقكم .. إن شاء الله .. وأتمنى لكم الخيـر كما أتمناه لـ نفسي .. ونسأل الله العفو والعافيه لي ولكُم ..

لا تنســـــــــــون .. التقديم إخر أسبوع هالإسبوع ذا .. ..

للرفع .. تكفون الي راح

اكبر عيب في تقديمات القوات البرية ان تقديمها ملفات

لو ان تقديمها في النت تحصل بشريه تقدم عليها

انا عن نفسي ودي اقدم ملفي بس مستكسل المشوار ومستخوف اني ما انقبل بسبب الطول 168

ياأخوان أنا خلصت دورة الفرد الأساسي في المظلات 45يوم وأخذت بعدها بأربعه أيام دورة المظلات لمدة شهر وسويت محضر أصابة بسبب وقوعي بالمظله على ظهري وعندي الأن انزلاق غضروفي بس سهالة ولله الحمد مو قصدي أخوفكم بس أنا ماأتقنت المسكة

المهم دورة الفرد الأساسي صراحة دلع ومتعه مدربين ممتازين وفي بعض الأيام صعبة شوي وهي أختبار ضغط نفسي متعه والله

بعدين دوة المظلات ومدتها شهر كامل والأسبوع الرابع أسبوع قفز وأنا قفزت 4 قفزات لأنها هي 6قفزات للحصول على وينق المظلات المفخرة

وأي استفسارات أنا جاهز

أولا " الحمد الله على السلامة وإن شاء الله نسمع عنك إنك لواء المظلي

والله من قبل فترة ابغى أعرف رواتب المظلات لو إنها فوق 6 ألف رايح أقدم فيها

وإذا أقل راح أدور غيرها وإذا ما في ما في إلا غيرها

المهم كم الرواتب الله يجزاك الجنة

التعيين بالرياض؟

أول مربوط يجي بعد الفرد اساسي 4500 ريال

وبعدين مكافأه 900 ريال طول دورة المظلات والصاعقة

وبعد هذه الدورتين ينزل راتب اساسي مع البدلات الرائعة