16-07-2010, 01:23 AM
|
عضو مميز
|
|
تاريخ التسجيل: Jun 2010
المشاركات: 792
معدل تقييم المستوى: 73195
|
|
((((قبل كل شي))))
انتي تبين تفتحين المحل (برخصة) البلدية او بتفتحيه (بسجل) تجاري
لكن بوضحلك
اذا بتفتحيه برخصة بلديه
اول شي : لازم الشخص اللي تبين تستأجرين المحل بإسمه مهنته (متسبب) يعني مو موظف حكومي
ثانيا : اذا حصلتي محل واعجبك تستأجرينه عن طريق مكتب عقار لا تقبلي بعقد اقل من 3 سنوات
ثالثا : تأخذي العقد وتروحي للبلديه عشان تحصلي على الرخصة و طبعا بيطلبون منك توضعي لوحه
إعلانيه وتكملي المحل من رفوف وديكور وبضاعه وبعد مايطلعون ويسجلون موافقه
(طبعا محل ابو ريالين لازم يكون فتحتين فـ أكثر) راح يعطونك خطاب للدفاع المدني والدفاع المدني
راح يطلب منك تركيب بعض وسائل السلامه للوقايه من الحريق مثل .. طفايات واجهزة إستشعار دخان
الحرائق وانظمة السلامه ....إلخ وجميعها موجودة في الملز جنوب ملعب الملز بـ 1 كيلو تقريبا
وبعد ماتركبيها بيطلع الدفاع المدني عشان يتأكد من تركيب جميع وسائل السلامه ومعاينتها على الطبيعه
واذا تمت الموافقه بيعطونك رخصة وتراجعين البلديه برخصة الدفاع المدني وبعد ذلك بيعطونك
البلديه رخصة المحل وتتوكلين على الله وتفتحين محلك ..
نصيحه لوجه الله ( صلحي وكاله لمكتب خدمات عامه (متمكن) وينجزها لك في وقت قياسي )
يمكن في اسبوع ورخصة البلديه والدفاع المدني في يدك وبسعر لا يتجاوز ( ألف ريال) يابلاش
ماتسوى مراجعتك لمده يمكن تتعدا 3 اسابيع
تكلفة الرخصه عن كل متر مربع في اللوحه 100 ريال يعني لو حطيتي لوحه 10 متر مربع=1000 ريال+20 رسوم بلديه=1020
وسائل السلامه لا تتعدا 2000 ريال تقريبا
تكلفت عمل اللوحه عند الخطاط 200 ريال للمتر المربع
بالتوفيق للجميع
التعديل الأخير تم بواسطة ابوسعودسليمان ; 16-07-2010 الساعة 01:29 AM
|
العرض العادي
