فكرتك جميلة وتوقيتك ممتاز لان الكل برمضان يدور ملابس الاطفال افضل حل دوري وحدة درست خياطة او تعرف تخيط ووفريلها الخامات واتقاسموا كثير دارسين وخياطتهم جميلة ويدوروا الدعم من خريجات الخياطة

عسى الله يوفقكم

ربي يوووفقك عزيزتي

الكواكب .. هلالي 20 .. الحوريه

اشكر لكم ردودكم ومشاركتكم ودعواتكم الطيبه ..


اخوي عذب الكلام
اولا شاكره لك دعواتك الطيبه ولك مثلها ان شاء الله ..
.. بالنسبه للمأكولات الخفيفه .. اعتبر نفسي جيده .. وسبق خضت المجال هاذا .. لكن صار صعب علي شوي من ناحية اني اعرض طبخاتي ببسطتي واتعبني احضارها بشكل يومي وعرضها ببسطتي والباقي منه يكب بالزباله .. فيها مكسب بس مايتناسب مع تعبها وتكاليفها .. وعشان كذا ابتعدت عن هالمجال

وكنت اقصد بقول (( بضاعه تناسب المطبخ تخدم النساء بكوننا مقدمين على شهر رمضان المبارك لكن لم اتوصل الى بضاعه جديده غير مكرره وعمليه في رمضان)) ...
اقصد بها مثلا اكسسورات مطبخ بفكره جديده او معدات للطبخ او بهارات او غيرها .. امور يمكن عرضها بالبسطه ولا يحتاج مني حملها كل يوم الى بسطتي من وإلى البيت مثل المأكولات ..لانه امر متعب بالنسبه لي .. خصوصا ان مشاويري للبسطه عن طريق الليموزين ..


اتمنى اني اوصلت المعنى المراد اليك ..



وشاكره لك مره ثانيه ..


بالنسبه لراس مالي حاليا لا يتجاوز الف وخمس ميه ..

راجع لك ان شاء الله تعالى

حياك الله اخوي عذب الكلام مره ثانيه ..


تعليقي على ردك هو ان الاكلات اللي اصلحها بالبيت واللي راح اجلس لها طول اليوم ما تكفيها كرتون او كرتونين صحه !! انا كنت املا وانيت منها .. اقصد الددتسن .. اللي هي سياره ام غمارتين .. اكيد عرفتها ,, كان عليها طلب ,, وكنت اعلب الاكلات بصحون بلاستيك ام الغطاوي .. وكنت ارجع بكميه منها ومستحيل ارجع فيها ثاني يوم .. اخاف يصير تسمم او شئ انا اروح فيها استاثم بخلق الله ,, بصراحه كانت ايام الطبخ ماني مرتاحه فيها خصوصا اني ماني من الطباخات اللي يشار لها بالبنان .. بس انفع وقت الازمااات ..وهالشغله بجميع الاحوال تحتاج تكون معي شغاله وكثير من اللي دخلو هالنوع من المشاريع تكون عندهم شغاله لا غنى لهم عنها.. اما انا مومتوفره عندي ولا اقدر عليها .. وانا انهلك طول الظهر وانا اضبط واطبخ واجهز واعلب واكرتن ويالله على الساعه خمس اطلع وارجع الساعه عشر بليل منهلكه .. معي ربح بس بعد باقي بضاعه اذا مااكلها اهل البيت راحت بالزباله ومستحيل طبعا اشيلها معي من بكره .. وعلى اساس التعب هاذا فكرت ادخل بتجاره اريح لي ..تجارة الملابس ماراح تخرب عليك او تعفن من الجو .. او تخاف من تسممها اوتشيل وتحط فيها من البيت للبسطه ومن البسطه للبيت ,, ومنها كنسلت الطبخ كله ..


ويارب يوفقني فيها ..

بالتوفيق إن شاء الله