ابي افصل

عسكري متبهذل · #1 (**permalink**) 15-07-2010, 11:36 AM

السلام عليكم ورحمه الله وبركاته ياشباب انا موظف عسكري في الشرطه الجوية برياض رتبتي جندي
وابي افصل مع ان خدمتي سنه كامله فقط واذا فصلت هل علي محكومية سجن45يوم ولا كيف ابيكم تفيدوني وتعلموني الله لا يهينكم وابي اعرف كيف طريقة الفصل هل اغيب7ايام وانفصل واعدل مهنتي طالب ولا وشولن علموني بليز انا متقروش ومتبهذل بدوووام والله عذاااب تكفون ردو لي خبر

ع بدالله · #2 (**permalink**) 15-07-2010, 11:50 AM

افا ليه
عسى ماشر
اخوي اصبر
دامك عديت الدورة ولك سنه نصيحه لوجه الله اجلس ولاتتركها
واذا مصمل الله يعوضك خير
تحياتي لك

عسكري متبهذل · #3 (**permalink**) 15-07-2010, 11:56 AM

يابن الحلال والله صبرت لين طلعت روحي بس ابي اعرف وشولن افصل؟؟

راجو القحطاني · #4 (**permalink**) 16-07-2010, 04:29 PM

الله يساعدك اخوى
أقول أصبر و أنت في الرياض ليست غربة
افضل من الخرخير و غيرها
و الشرطة الجوية أفضل قطاع أخرى
مع أني ذكرت أكثر من مرة يجب مراعاة العسكر خاصة الافراد
و توظيفهم في امكان قريبة لألهم و سكنهم حتى يعملون براحة و معرفة
بدل التغرب و البعد و العزوبية و السكن
و العسكرية لم تعد تستحق كل هذا العناء

على كل حال دامك مقتنع بفكرة الفصل
حاول تنقل أولا عند اهلك او المكان المناسب لك
أما الفصل ما عندي خبر و يمكن صار عادي دامك جندي
هم يبون يرتاحون و يوفرون راتب

أمير الرياض · #5 (**permalink**) 16-07-2010, 09:11 PM

مثلك كثير فصل وبعدها ندم

من عسكري الراتب 5 الاف

بكره حارس امن 1500 ودوام 10 ساعات

اذا دوامك تعب انقل لمكان ثاني اهم شي لاتفصل

ولا كمل دراسه وانت تداوم ولا ادرس معهد وخلك فالعسكريه لين تظمن الوظيفه وفصل

sh2sh2 · #6 (**permalink**) 16-07-2010, 10:51 PM

اللي يبي يعيش لازم يتعب وانت ماصارلك الاسنه يعني لسى ماتعودت

وذا فصلت ممكن تندم

بالتوفيق ان شاء الله ،،ولاتتتخذ قرار الفصل الا لمن تستخير

متزوج--وعاطل · #7 (**permalink**) 17-07-2010, 01:40 PM

والله واللي اسمه الله لو اشتغل ليلي ونهاري مافصلت

يارجل احمد ربك ان الله رازقك به

وين اللي يحصل مثل وظيفتك

والله امنيه اني مسك مثل وظيفتك

نصيحت اخو لا تتركه تكفى خلك به والله تندم بعدين

sad eye · #8 (**permalink**) 17-07-2010, 02:42 PM

اصبر وخلك الين تهدى ولا تتاخذ اي قرار وانت في حاله نرفزة اجلس مع واحد ثقه
يعني خويك او احد يحبك من ال ي يقربون معك وفضفض معه وان شاء الله
انك تتخذ القرار السليم
اهم شي الصبر
موفق اخوي

رحابي · #9 (**permalink**) 17-07-2010, 05:38 PM

حرام عليك والله تفصل

روح شوف الناس اللي فصلت والله تبكي تبي ترجع وماقدرت

ايش راح تقلى افضل من العسكرية تبي تصير سكورتي 1800

ترى العاطلين كثير والزمن صعب تلقى وظيفة

فكر في التقاعد بكره تصير شايب كيف تصرف على نفسك

اسراررر · #10 (**permalink**) 17-07-2010, 08:16 PM

اخي انت تعرف هالايام الوظيفه لا تاتي ال بعد عناء وتعب
خصوصا انك موظف حكومي
والعسكريه راتبه حلو افضل كثر من بعض الوظائف
لاتفرط في وظيفتك وتندم بكره
بالتوفيق