هنا ..متابعة الكشف الطبي للمباحث بالرياض

الواصــــــــــل · #1 (**permalink**) 15-07-2010, 05:44 PM

سوري ع الـتأخير والله انا بالرياض وماعندي نت ودق علي واحد من هنا يقولي عن موضوعك يابن الباحه
لكن ابشروا بقولكم وش صار معي بالتفصيل
طبعا كان موعد حضوري بالرياض يوم الأثنين وسوينا البصمات بس ويوم الثلاثاء كان موعدنا في المستشفى أشعة صدر وظهر وبطن وبس طبعا اول ماجيناهم بالمستشفى سلمونا اوراق الكشف الطبي وسوينا الأشعه يوم الثلاثاء وطلعنا وقالوا بكرهـ الأربعاء تجونا للطول والوزن وفحص الدم وتحليل الدم والدم (وانتم بكرامه)
جيناهم الأربعاء الساعه 7.30 واول مادخلنا جلسونا على الكراسي وعلى طول مجموعات على الطول انا من ضمن المجموعه الثالثه وكل مجموعه تقريبا 10 عيال

ثمن جاء دوري وجيت اخر واحد عشان بكلمه يمشيني

بس عن جدطلع كفو وقالي ليش أنت خايف بمشيك بس اوقف زي الناس

واول ماقاس ونزلت قالي ارجع ثاني مرره بقيسك قلت ياولد وش دعوهـ الحياهـ حلوه

ضحك وقال مو دايم حلوهـ بس عن جد الرجال شبابي وفاهم وحاس بمعنانتنا مع البطاله
الوكاااد يوم قاسني ثاني مررهـ قالي انزل يوم جاء يكتب الطول قال وين بطاقتك قلت ضااعت قال لا مستحيل تكمل الأجرائات قلت ياولد والله امس سويت الاشعه عندكم وضاعت هنا ولا فقدتها الآ لمن جيتكم قال مو مشكلتي قلت وش السواهـ قال انسى انك قدمت فالمباحث بدون بطاقة أحوال
قلت طيب انا الحين لو رحت للاحوال بالديرهـ لازم اجيهم السبت والسبت عندي موعد هنا والبرنت تقول ماينفع الا اصل البطاقه وش السواهـ
قال باين عليك اسلوبك ذرب لكن فيه امل قلت دلني جعلك للجنه قال تروح لمدير اللجنه الطبيه بمستشفى قوى الأمن بس ماااأظن انه بيوافق
قلت وين مكتبه بس
وصف لي مكانه ورحت له بس للحين ماداوم
وكل ماسالت واحد عنه قالي وشو وين فلان الفلاني ترى هذا مدير المستشفى تسأل عنه كنك تسأل عن خويك

المهم لمن داووم جيته بالسيـــب وقلت له السالفه قال انت والصوره اللي بالكشف وصورة البطاقه ماتتشابهوون قلت والله العظيم انه أنا
المهم قالي تعال المكتب وجيته وقال روح عطني صور لك وعطني بطاقة ابوك وكرت عايلتك وصور لك بشماغ وصور مكشوفة الراس بس غير اللي عندي يعني شكل ثاني
رحت وجبتها له من الســــــــــيارهـ
وقعد يناظر فيني وفي الصور واخذ ربع ساعه وهو يميز في خشتي

وفي الصور اللي عندهـ
الوكااد كتب على صورة البطاقه
(لامانع من اكمال اجرائات المذكور أعلاهـ نظرا لتأكدنا من بياناته يعتمد ووقع عليها وختمها)
وطلعت من عندهـ الدنيا مو شايلتني مو مصدق انه وافق فالوقت هذا قبل لايداوم كل ماكلمت واحد اقوله دور البطاقه واقوله اني انتظر المدير يداوم قالي مستحيل يوقع عليها
المهم رجعت للممرض حصبلته مخلص من المجموعات كلها وقالي ها بشر وافق قلت اي قال ماشاء الله عليك كيف اقنعته قلت ربك كبير قال غربيه بس عن جد ان شاء الله لك نصيب فالمباحث
المهم كتب الطول 168 والوزن 53 وقاتلي روح لفحص الدم والبول (وانتم بكرامه) وقياس الضغط وعطوني ورقة عشان تحليل الدم قالوا تجي السبت وتكمل اجرائات اخر يوم للكشف
طبعا قياس الطول سعودي والدم والبول (وانتم بكرامه) فلبينيتين وطيبات مرره

والسبت موعدنا لــ
كشف النظر والأنف والحنجرهـ والاذن والأسنان ويقول خمس اطباء راح يكونوا معاكم يوم السبت من يوم تدخل لين تطلع
ملاحظات
اللي ناقص طوله بسيط راح يمشئ بأذن الله يعني ناقص ساني ولا نص

الامور ماشيه حلوهـ ولاتاخرنا كثير مع القروشه اللي صارت لي طلعت الساعه 9

السبت موعدنا للكشف ألخير وربكم يستر دعواتكم بس

جميع من أرسلي على الخاص يدخل الموضوع هذا وكل شئ بيحصله لأني برسل لكم رابط الموضوع
شباب كل واحد سوا الكشف بالرياض يجي هنا ويقول لنا وش صار معه خلو الموضوع هذا هوالأساسي للقبول
النهائــــي لأهل الرياض

متقاعد عاطل · #2 (**permalink**) 15-07-2010, 05:53 PM

يالله الله يوفقك

والله يجزاهم خير

مدام هم سهلوها عليك الله يسهلها عليهم

بالتوفيق

انا ماني مقبول بالمباحث بس قلت اجي اشوف حبايبي وش اخبارهم

والله يوفقكم يوم السبت

روح القصيم · #3 (**permalink**) 15-07-2010, 05:53 PM

الله يوفقك ونا اخوك ونشالله من المقبولين في النهائي
وعقبال الزواج انشالله والحياه السعيده

قصف · #4 (**permalink**) 15-07-2010, 06:08 PM

الله يسهل عليك وفالك التوفيق

روسس · #5 (**permalink**) 15-07-2010, 06:30 PM

بالتوفيق للجميع
حتى الآن الأمور سهالة الحمد لله
بس بعد موعد السبت وش يصير باقي من إجرائات؟ والوقت بينهم؟ <-سؤال مهم لمن خارج الرياض

إلا العجيز السورية حقت الضغط والله يا هي إنشبت لي إلا اشبه ولدها جالسة تخذرق وتتحسر عالفلبينية وانا ادربي راسي كني ما اعرف إنجلش (بس شفقت عليه صراحة )

اللمعه · #6 (**permalink**) 15-07-2010, 07:14 PM

الله يوفقكـ أن شاء الله يالواصــــــل بعد الكشف يوم الثلاثاء خلصتوا بدري ولا طولتوا عندهم وبأي مجموعة الله يعطيكـ العافية ..

العود الاصفر · #7 (**permalink**) 15-07-2010, 09:20 PM

بالتوفيق يا الواصل اهم شي يوم السبت
لان اخوي موعده يوم السبت اهم شي النظر
وبعدين تكفى اسئل الدكتور حق النظر قله
اذا فيه واحد عنده ضعف يقدر يسوي عمليه ويرجع ولا مافيه