فمــــــــــــان الله.....

العنا · #1 (**permalink**) 24-08-2007, 01:46 AM

فمان الله سافـر للنصيـب وديـرة المقسـوم
فمان الله سافـر للحنيـن وحلـل أشواقـي
فمان دموع عيني والغـرام وحبـك المرسـوم
مثل نقش الحجر في وسط قلبي له أثـر باقـي
فمان الله فاتت شرهة الخافـق ووقـت اللـوم
لك الله ما بقت غير الدموع تباغـت أحداقـي
ولا باقي سوى جسم(ن) نحيل وناظر(ن) محروم
يراقب شمس(ن) أقفت من سماي وشالت اشفاقي
زمن عدى على ذاك الفراق اللي تقـول اليـوم
وأنا أرشف من يمين الجرح نزفي وأشكر الساقي

رحلت وكل حرف ما لبس من هالكلام هدوم
تذكر يوم أصافح غيبتـك وأمـد خفاقـي ؟
أنا للحين مدري هو أنـا الظالـم أو المظلـوم
أنا مدري وإذا تدري تعـال وفتـش أعماقـي
أعرف إني سقيت الليل دمع ولاظهر بـه نـوم
عقب ما مرني فصل السهاد وحتـت أوراقـي

يقولون العرب أن الأوادم ما عليهـا وسـوم
وأنا لو أدري أنك من نصيبي ما أنكسر ساقـي

شعـر / محمد الهاشمي - دافي الجرح