بالنسبة لي انا درست بمعهدين الأول ( وول ستريت) والثاني ( دايركت إنقلش ) الي هو معهد الخليج

بالنسبه للأول: وول ستريت
له فروع تقريباً بكل مدن المملكة بصراحة اكبر مقلب اخذته بحياتي يوم سجلت فيه ، معهد تعليمة جداً فاشل
يوم تجي تسجل ، يرفع المعهد فوق ، مثلاً زي يقولك اختار الموعد الي يريحك
انت تختار المدرس ، انت تختار زمن الاختبار ، معهدنا مفتوح 13 ساعه باليوم ، ومعهدنا ومعهدنا
وغير كذا " خسارة كل ريال يندفع فيه " وغالي بعد...


اما بالنسبة للثاني: معهد دايركت انقلش
إدرس فيه حالياً اخذ ( 4 مستويات بـ 7 آلالاف ريال )
طريقة التعليم :
5 حصص اسبوعياً ، ويوم الخميس نص دوام لو فاتك درس تراجعه يوم الخميس
اليوم عباره عن " اربع ساعات " ساعتين مع مدرس عربي
والساعتين الباقية تتقسم اما : تحضير الدرس على الكمبيوتر ، او مع مدرس اجنبي ( حصة محادثه )
وتختلف على حسب الجدول ، طبعاً كل مستوى 9 وحدات ، وكل وحده ثلاث دروس
والمستوى فيه " ثلاث اختبارات " ، يعني كل بعد ثلاث وحدات اختبار
الزبده: دامك بثاني ثانوي ، انصحك تآخذ ( دبلوم ) ، وتاخذه بـ معهد ( دايركت انقلش )

اتمنى اكون افدتك