[align=center]
السلام عليكم ورحمة الله وبركاته


عندي استفسار بخصوص صندوق المئوية

أنا طالب بالجامعة آخر سنه وأتخرج باقي أقل من 9 أشهر

1-هل يقبلوني صندوق المئوية ؟
2- اذا قبلوني هل يشترط تواجدي بالمحل على طول ؟ (عبد اللطيف جميل يشترط أنه صاحب القرض يكون متواجد بالمحل ويقوم بجولات تفتيشية على المحلات للتأكد)

لأن بالتسجيل بموقهم اخترت أني طالب جامعي وباقي ع التخرج 9 أشهر
[/align]

يا دوب ياصلك الدور بعد التخرج

من الحين ابدأ لأنك بتنتظر الى الليل
ربي ييسر لك

نصيحة ولو بتقول تشائمية لا تستنى المؤية لأن ما فيها خير اسال مجرب ولا تسأل طبيب لو قسنا جميع الضروف راح تطلع خسران حلك حبيبي تروح تسجل بالبعثات وتضبط وضعك وتفتح مشروعك بره البلاد ..

إن اخترت التسجيل فأنت حر ولكن لا تفرح فالواقع سيكون كالتالي :

صندوق المئوية كان اوج صعوده عند تأسيسه و3 سنوات بعدها ولكن الحال الأن معطل ابو التعطيل كل من جا وقدم وطاقم العمل عندهم قليل جدا واغلبهم مطوعين ما تعرف اي راس كبيره تكلم فيهم ولا تعرف شكواك وين توديها مالك الا الامير سلطان نفسه تكلمه لأن الي تحته مدري وش اقول يلعبون مدري شالقصة

تسجيلك سيكون كالتالي من تسجل وتضل على نار لين يقبلون يقولون انقز مقابلة بالرياض يبيلهم شهرين هذا ابعد تقدير وهذا بداية التعب بعد ما تقابلهم بيقون لك كم بتاخذ بفوائد متدري وش قصتها ومشروعك هو .....

وتنتظر ......................................وتنتظر...... ........................................وتنتظر ............................ مره لجنة مرة اشراف مرة تامينات مره اي خربوطة ناهيك عن اوراقك ضاعت اوراقك مدري وشو صار فيها

والانتظار يدوم لأكثر من 9شهور ولا تفرح ما خلصنا يعني كل الاجارات تناقز كل التسعيرات تغيرت كل الناس انولدت وماتت خخخخخخخخخخ حتى انت نفسك يمكن غيرت مشروعك او تفكيرك بس احلم تغير مشروعك مالك امل
ويفرحوك بوهم كاذب حنا مالنا دخل بنك التسليف ولما تكلم بنك التسليف العطل من المئوية ما رسلو اوراقك

وبعد كذ يقولن اسمك طالع وانت رهيب انت كل شي طيب يالله خلونا نبدا لالالالالالالالالالالالالالالا أنتظر وقع على بنود الاتفاقية وانتظر بنقعد معك نرتب الخطة الزمنية الي على اساسها نرصف لك الشيكات وعلى كذا يبيلهم 5 شهور طيب لو قلنا اول شيك اكيد بيكون عقد الايجار ولين تفتح يبيلك على ذا الحال معاهم وشيكاتهم وتعطيلهم سنة لا يقل 6 شهور من اجار محلك يعني خسرت اول شي اجار وبعدها يناس شيكات التاشيرات متى تطلع خلص الي بيدك اول يعني انتظر فوق 6 شهور متى بتوصل عمالتي وطارت 3 -4 شهور ثانية وفوق هذا كله بينقزولك بعد 6 شهور من اخر دفعة استلمتها منهم يبون افلوسهم يعني انت مالك بالربح شي يبيلك سنة عشان تقول بديت اربح

مجموع التقديم وفتح المحل وصولا لقبض الربح 3سنوات ووووووووووووووووووووووو تصدق انا نفسي ما حسبتها شكلي بنسحب من الحين خخخخخخخخخخخ

وهذا بقانون ادارة الاعمال مشروع لا جدوى منه نصيحة لا تزعج نفسك بصندوق المئوية مالك الا رجة الراس وتضيع فلوسك لين يقبلوك الا اذا كان عندك واسطة

هذا حالي ومصيبتي تهون لما اشوف مصيبة غيري اقصد الي استلمو منلعن حظهم يمشي الاجار ولسه ما فتحو محلهم
الله المعين وحسبي الله من ونعم الوكيل
اتمنى ما اكون عقدتك بس روح شوف حالك بالبعثات وافتح مشروعك هناك واكسب بعديــــــــــــــــــن تعال افتح بفلوسك بلا مذلة ومنه احد في بلدك ذكرتني يحسسونك والله انك قاعد تشحت منهم لو اوقف في اشارت الرياض اشحت كان طلعت فلوس مشروعي قبل نهاية رمضان خخخخخخخخخخخخخخخخخخخخخخخخخخ وربحي ليلة العيد خخخخخخخخخخخخخخخخخخخخخخخخخخخخخخخخ اضبط مشروع

ام الحالة

مجد العلا صادق .
صندوق المئويه استغلااااااااااااااااااال لا اكثر ..

ههههههههههههههههه
كل كلمه قالها مجد العلا صحيحه ميه بالميه
والخافي اعظم