الله يشفي الوالد يارب شفاء لا يغادره سقما

ويفرج همك ويسر أمرك ويشرح صدرك

" عاادي إطلعي على زوجته الحياة مجاملات مو مسألة نفاق

أهم شيء ما يزعل أبوك على شيء ما يسوى وبالأخير تندمين "

الله يصلح حالكم والجميع يااارب ~

آسفه اختي والله المفروض واصلك ردي أمس لكن المودم علق مدري وش صار له و انفصل علي النت ,,,

××أختي سعادتي أسال الله العظيم رب العرش الكريم ان يشفي والدك ويهدي سره ويسخره لكم ويسخره لأمك ويرضى عنكم عاجل غير اجل ××

وأسال الحي القيوم ان يجعل بينكم الآلفة والمحبه ,,,

نصيحتي اختي انك تروحين لزوجة ابوك على الاقل يدري انك مهتمه في رضاءه,,

وبعد خلي نيتك خالص لوجه الله ع اساس انك تبينها من جهة لرضى الله أولآ ورضى لوالدك وصلة رحم وانتي تعرفين الحديث لا يحق لمسلم ان يهجر اخاه المسلم فوق ثلاث ليالي الله يعفي عنا,,

وامك حبي راسها وسولفي معها بأسلوب حلو وقولي لها يمه ترضين ان الله يغضب علي ويحرمني الخير واكيد
راح تقول لا قولي لها طيب رضى الله من رضى الوالدين وهاه باسلوب انتي عاد ماشاء الله عليك في المنتدى من
اسلوبك مايحتاج ماشاء الله ,,,

والله أعرف لك وحده كانت زوجة ابوها شرانيه بشكل اعوذ بالله وكلن يكرها وتحب المشاكل وكانو يكرهون بعض وصار شي روتيني بينهم هواش ومشاكل ومدري ايش الين فكرت هالبنت انها تغير حياتهم بطريقة,,,,

ماعجبها وضعهم على هالشي وبدت شوي شوي بالاول لازم تصير حركات لكن خليك قويه واستعيني بالله ,,

بدت عزمة زوجة ابوها وصرفتها بمناسبة قهوة شاهي حلى وسوالف مع ان امها كانت ماتحبها وهي بعد بس البنت
بتغير اللي مو عاجبها وصارت اذا عاملتهم بأسلوب شين تصير احسن منها ومع الوقت زوجة ابوها تفضل هالبنت
على الباقين مع انهم ماكانو هالثنتين يطيقون بعض وبالتدريج قربت لها خواتها واخوانها وامها وحبه حبه ومع
الدعاء وماتركت شي ماسوته والآن والله زوجة ابوهم مثل اختها لدرجة ان زوجة ابوها جهزت معها ايام زواجها
وصارو يطلعون مع بعض واذا شرت ملابس او اغراض لها توريها البنات لا بعد تنزل عندهم ويتقهوون وياكلوا مع بعض
ومسويه حفله لبنات زوجها لانهم نجحوا وشي ثاني والله العظيم هذا شايفته بعيني تصب القهوة لزوجة زوجها
الاولى وجالسه قدامها لانها كانت الحرمه الكبيرة بين الجالسات مع ان قبل مستحيل يسلموا على بعض حتى قدام
الناس وماتصدقين كيف صارت حياتهم ماشاء الله يديم هالحب بينهم يااااااااااارب ويجعل حياتكم نفس حياة هالبنت
واحلى الان ماشاء الله تبارك الرحمن ماكانهم اللي قبل مشاكل ونكد ونصيحتي ياختي انا حاطتك حسبت اخت والله
العالم ,,,

ابي منك تروحين لزوجة ابوك وتسلمين عليها واتركي سالفة انك ماتبينها وانسي الماضي كله حتى لو
سوت وماسوت انسي كللللللللللللل شي و توكلي على الله وادعي والله العالم وش يدريك بإذن الله تكون هالسالفه
خطوة ايجابية لتغيير حياتكم لكن خذي بجميع الاسباب لهالشي وترى انا مسميتك مطوعتنا يا البنات وترى كل
شي فالبدايه بيكون صعب البنت هذي صبرت ماشاء الله 5شهور الين تغير كل شي ,,

وامك أسال الله ان يهدي سرها ويسخرها لزوجها ولعيالها المفروض تكونين انتي قويه بالله وتبدين انتي بتغيير وضعكم وصدقيني لو استعنتي بالله وبديتي من بكره ونسيتي الماضي راح تريحين امك من عوار الأس والقلق كل يوم اولا وراح ترضين ابوك ,,

وتسلمين حبيبتي على انك حاسبتنا مثل اخوانك واخواتك وبالعكس اللي يضيقك فضفضيه لنا وان شاء الله ربي يقدرنا
ونساعدك او على الأقل ندعي لك ,,,

آآآآآآآآآآسفه طولت عليك ببربرتي كنت برسل لك ع الخاص لكن قلت ع العام يمكن يستفيد الكل من هالكلام
سوووووووووري ع الاطاله مرة ثانيه ,,,

وانا عندي سر خطيررررررررررررر ومستحيل احد يجربه ومايحس براحه هالسر هو ,,,



قيام الليل والله الذي لا إله إلا هو راح تحسين براحة لو يصليها احد بقلبه وبعقله وموقن بالله ومتوكل عليه راح
يجرب بنفسه مايحتاج احلف او أقول لاحد عنها لكن جربو هالاحساس وانسو الدنيا كلها سحر عجيب عجيب ,,,

سبحان الله اللهم لك الحمد كما ينبغي لجلال وجهكـ وعظيم سلطانكـ’’’

^
^^

أخـــــــــتي اتشرف بمعرفتك وسامحيني بالأيام اللي راحت كنت أظن انك ولد

أما عن مطوعتنا الله يهديكم والله اني بشر مثل باقي البشر وعندي ذنوب يمكن أكثر منكم

مو اضيعي هنا

براسي شيء واحد بس اذا توفيت كل مشاركاتي هنا باقيه

وتبقى خير لي

هذا الموضوع كله لا أكثر ولا أقل

أما عن السر الخطير فوالله انك صادقـــــــه قيام الليل راحه بعد تعب

أما عن القصه اللي ذكرتيها

ماشاء الله على البنت الله يوفقها ويسعدها حيث ماكانت

لو حاولت ماقدر أصيـــــــر مثلــــــها

أنا فيني خجل بزياده يقيد تصرفاتي وتحركاتي

أشكرك على المرور يالغاليه

الله يعينك...

آه الزوجه الثانية نكد ومعكم في نفس البيت الله يعين قلب امك..

روحي زوجك ابوك بس ارضااء لابوك..

وامك خليك معها... وباللليل صلي وادعي ربك انه يسخر قلب ابوك لامك ويهون على امك مصابها..

مو سهله بنتها تنضرب عشان عيون ضرتها..

الله يسخر لك..

الله يشفيه ويهديه

لآ حول ولآ قوة الإ بالله


الله يهدي الوآلد ويشفيه .. ويهدي بآلكم .. ويفرج همكم ..

شاكره مرور الجميع

واللهم آآآآآآآآآمين

لكل من قالي اطلعي لزوجة ابوكـ

طلعت لها قبل شوي

وقعدت أكثر من نص ساعه عندها وهي ساكته وامها ساكته ومحد عبرني ولحد عطاني وجه

وأمها سألتها سؤال وانا تلقفت وجاوبت زي اللي يقول انا هنا

بس محد عطاني وجه ولحد التفت لي

يوم جيت بطلع قلت

اشوفكم على خير ان شاء الله

قالت ان شاء الله

""""""""""""






أهم شيء عندي رضا ابوي

ياماما خذي الامور بأريحيه تامة
باين ابوك _الله يشفيه_ عصبي لكن رضاه سهل ، هو بس يبغاكي تطلعي لحرمته اجل الحمدلله
اطلعي عندها وسولفي معها وقدميلها طبق تحبه ودايما حاولي تكسبيها
طبعا فهمي امك انه تسوي الشي دا عشانها بالدرجة الاولى ثم عشان ابوك لا يزعل منكم كلكم
اول رديت عليك في نفس الموضوع قلتلك قولي لأبوك انا اخدمك انت بس ، لكن طالما السالفة فيها كف معناه لا الموضوع اكبر من كدا
انت اكسبي حرمته بكل ما تقدري ان شاء الله هي لما تشوفكم طيبين معها بتنحرج وابوكم بيفرح
والله يبعد عنكم المشاكل ويقرب القلوب