السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


يعلم الله ان الجميع هنا بحسبة اخواني واخواتي

و أدري اني أزعجتكم بمواضيـــعي الخاصـــه بس تحملوني لأن ماعندي احد اشكي له غيركم

اعذروني حتى الصديقه الصالحــه ماوفقت باختيارها سوالفهم ع المسن اما اغاني او ..... ؟؟

ومافيه منتدى محافظ وفيه أخوان يوقفون مع بعضهم الا هالمنتدى



انا محتاره بين أمي وابوي

وبالأمس سألني الوالد قال من المخطي انا ولا أمك

قلت لاتسألني كل واحد يعرف نفسه

وقعد نص ساعه وهو يحاول فيني و أصر اني اجاوب

واحترت أمي ولا ابوي " مع ان المخطي ابوي الله يشفيه ويعافيه ويهديه ويسخره لنا "

قلت 50 % انت و 50 % امي

قام وأعطاني كف قعدت خمس دقايق أصوات بأذني من قو الكف

وأمي زعلت منــــــــي وقالت ليش ماقلتي الحق وانه هو المخطي قلت 50 % جاني كف لو قلت انت الغلطان وش بيسوي

ومن بعدها يهاوشنا ليش مقابلين امكم اتركوها ولا تقعدون معها أطلعو عندي وعند زوجتي وسولفو معي

يعني بالعربي بيقهر أمـــي

و اليوم

الوالد الله يشفيـــه ويعافيــــه ويقومه سالم

دخل المستشفى عشان يتحدد موعد العمليــــــــه

وهو طالع جيت بسلــــــــم عليه لأن الزياره بالمستشفى ممنوعــــــــــــه

ومارضى يسلم علي ونظر لي بعين حاقده وهــزأني

بسبب اني""" العصر ماطلعت عند زوجته """

يعلم الله ان مابيني وبينها شيء

بس النفس عايفتها يكفي انها سبب المشاكل بين الوالد والوالده

ومايحتاج اتكلم واغتاب أكثر أصعب شيء يكون انسان محاتفك بالدنيا وبالآخره كمان تروح حسناتك عليه

وانا ما احب النفاق

أطلع واسوولف ويظهر لها الحب وانا في باطني كره << لحد يقولي ليش وربي غصب عني

ومايعلم بالحال غير رب العالمين

الوالد مارضى يسلم علي والزياره ممنوعــــــــه وبيسوي عمليه خطيره وطلع وهو زعلان منـــــــي

وربي بكيت لين تعبــــــــــــت وش اسوي ؟؟؟ .....

أضغط على نفسي والعب دور المنافق وأطلع لزوجته

عشان توصله اني طلعت لها ويرضى علي

ولا ايش الحل ؟؟؟؟؟


لحد يطلع من الموضوع الا على الأقل بدعوه بشفاء الوالد

أسأل الله العظيم رب العرش العظيم ان يشفيه شفاء لايغادر سقما

الله يعينك اختي ويشفي ابوك ويصلح احوالنا واحوالكم يارب

الله يشفي الوالد ويهدي سره هو والوالدة
ويخليهم لك ..

الله يشفي ابوك يارب

ويصبرك يارب

اطلعي عندها شوي عشان ترضين الوالد واهم شي نيتك مو نفاق لان الاعمال بالنيات وان شاء الله ما يعتبر
نفاق والله يهدي ابوك ويشفيه يااااااااااااااااااااااااااااااااااااارب ويطلع بالسلامه وامك الله يكون في عونها اهم
شي انتي تعوضيها بحبك وحنانك عليها سولفي معاها ونسيها همومها
والله يحنن قلب الوالد عليكم

الله يشفيه ويرجع لكم بالسلامة
مهما سوى فيك ابوك
انتي ادعيلو من كل قلبك
وزوري في المشفى اكتر من مرة لا تفقدي الامل ان شاء الله بيرظى عليك
ويسلم عليك قبل العملية
الله يشفي والدك ويرجع ينور بيتكم
امين يارب

لاحول ولاقوة الا بالله

الله يفرج همك ياسعادتي
ويشفي الوالد ويهديه ...