ها الكلمه واجهتني كثير في تساولاتي
ليش عيب .. وش هو العيب
كان تسأولي
ليه مانقول لكل انسان نحبه انو احنا نحبه... بدون صعبه ؟؟؟؟
مهما كان ها الشخص ...رجل او امراءه ... غريب ولا قريب ..
ليه مانقول لكل انسان نحترمه انو احنا نحترمه.؟؟؟؟
ليه مانقول لكل انسان اعطانا شي .. من نفسه او من وقته او من مجهوده ...شكرآ ؟؟؟؟
ليه مانحضن عائلتنا ... واصدقائنا ..واحبابنا..وكل انسان مهم بحياتنا؟؟؟؟
ليه ما نهدي لك انسان كان له تاثير بحياتنا ...هديه صغيره تعبر عن امتنانا وشكرنا له ؟؟؟؟

اشياء بسيطه ويمكن غبيه بنظر البعض لكنها راح تحسن كثير من نفسياتنا ..
ورغم اننا في بيئه محافظه تربى فيها الابناء على الخجل من التعبير عن مشاعرهم
والخجل منها ..بس سكوتنا عن مشاعرنا يدفنها يقتلها
يخنقها
..


من ردود البعض على فكرتي ...
انهم يحضنون كل انسان يحبونه ... او يعطونه هديه بدون مناسبه .. او يقولون له ببساطه انهم يحبونه
اول شخص طرحت عليه الفكره ... عمي
سالته .. عمي ممكن تعطي احد تحبه هديه بدون مناسبه ؟؟
قال .. ما اظن والله ... احس الدعوه أحراج .. طب لو سالني ليش الهديه .. وش ارد عليه
قلت له ... قول عشان انت تحبه ... ونفسك توصله قد ايش هو مهم بحياتك
طالع فيني بأستغراب ..قام من عندي وقال من جد الاجانب خربوا عقلك ...
( الحين الحب والموده والمشاعر والتواصل خراب .... سبحانه )
المهم
رديت على خالي الثاني ( تمكنت الشياب مساكين )
لقيته قاعد بالمجلس جلست جنبه دخلت زوجته ...قلت هلا بحبيبتي هلا والله
طالع فيني باستغراب ..شنو حبيبتي استحي يابنت
طالعت فيه ... وقلت ببساطه ايوه حبيبتي ..اش فيها حتى انته حبيبي
توقعوا وش عمل ؟؟؟
صدقوني حمر وجهه ونزل راسه ..بمعنى انه انحرج من كلامي حيل
( ليش ما ادري .... انا ماقلت شي غلط اظن ) ولا انتو وش رايكم ؟؟؟

مسكت جدي
قلت جدي انته تحبني ؟؟؟
طالع فيني باستخفاف ..وقال اكيد ..يعني
قلت طيب عبرلي عن حبك ....انا مو مصدقه انك تحبني الحين ؟؟؟
قال براحتك صدقي ولا تصدقين
( ما عطاني وجهه ) المهم رديت سالته جدي لو تحب كيف بتوضح لشخص انك تحبه ؟؟؟
قال احنا للأسف لو كرهنا احد نتفنن نعبر له عن مدى كرهنا له
بس لو نحبه ولا نفكر نعبر له ...ويمكن يحسب مانحبه ..
من كثر اهمالنا ...له

رديت سألت واحده من الربع ... ممكن تحضني ابوك او اخوك بدون سبب ؟؟؟

قالت .. والله انا اسلم على ابوي فوق راسه وعلى ايده واحس ها الشي كافي
وماله داعي للاحضان .. استحي
اصلآ انا ما اسلم عليه الا لما يرد من السفر ..بس
سالت وحده ثانيه ..
ممكن تهدين ابوك هديه .. وتكبين عليها الحمد لله على وجودك في حياتي يا اغلى مخلوق ؟؟
قالت ... وربي يقول اش ها الخبال ولعب العيال ..
خليني احا فظ على كرامتي احسن لي ...يكفي اسلم عليه واسال عليه


المهم
ابيكم تجابون على ها التساؤلات
اذا تحب احد ممكن تقوله انك تحبه ؟؟؟ بدون صعوبه ؟؟
في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟؟؟
ممكن تعطي احد تحبه هديه ...بدون مناسبه ؟؟ وياترى وش بيكون جوابك على تساؤله عن المناسبه ؟؟
اذا تحس ناحية شخص
بالحب او الاحترام او التقدير ..او باهميته بحياتك
وشلون بتعبر له ؟؟؟؟

وياترى باي موقف منها ممكن تقول عيب ....استحي.. والله احراج


ملاحظه ...
المقصود بالموضوع الحب بكافة اشكاله
في الزماله والصداقه والعائله ..وليس بالافق الضيق


مما راق لي:

كلامك جدا جميل
انا خواتي الصغار يقولو لامي وابوي عادي
هدية وكلشئ اقدر اهديهم
احنا ماتعودنا من صغرنا على هلاشياء
ون قلنا نطبقها يطالعوك بنظرة تانية

انا اذا حبيت شخص اعبر له بأي طريقه كانت ومستحيل اسكت والهديه حتى لو من دون مناسبه بس انا تعبيري عن الحب بالكتابه اكثر من الكلام

موضوع جميل جداً
ربي يسعدك

اذا شخص نحبه راح يحس بالشعور بدون حروف حتى

من تصرفاتنا واهتمامنا وخوفنا عليه ..

بالاحساس فقط ..

اذكر ابوي الله يحفظه دايم يقول لنا الي بقلبكم الناس ماراح تعرفه لازم تبينوو هالشي من حب واحترام وغيره

يعني ممكن انا احب صاحبتي بس تصرفاتي عاديه معها جدآ والي بقلبي لها شي كبيير يمكن ماتحس لانو مافي فعل


.


يعني الحب احساس وافعال وتصرفات ..

.


شكرآ لك

الله يسعدكم دووووم واتمنى لكم حياه مليئه بالحب



ولد مكة مكاوي



جنة الورد




الغازي


تعابير الروح

الله يعطيك العافيه

وموضوعك بصراحه رائع....

لاكن أحب أقولك أنا المشكله ان ماتعودنا على هذي الاشياء وصعبه أنك تكسر قاعدة المثل الي يقول: ( من شب على شىء شاب عليه )

أما عني أنا كنت أنسان مشاعري جامده اتجاه الاخرين ومع الوقت حسنت علاقتي مع خواتي وعماتي وخالاتي وصرت أضمهن وأبوسهن بدون أي سبب

على العموم: قال الرسول صلى الله عليه وسلم: ((( تهادو تحابو )))...

~ موضوع مميز و نقل جميل اخوي ~
~ الله يوفقك و يرزقك مــــن حيث لا تحــــــــتــــــــسب و يعوض صبرك خيـــــــــــر ~

شكرا لك اخوي

فيصل العامري (( تقريبا انا مثلك اخوي بس انا انتظر من ابوي وامي احضاااانهم وحنانهم بس انا بعيد عنهم ويحليله من يعيش مع ابو ه وامه *** الله يسعدك يااارب ))

شكرا لك اختي

تووتي ((( اسعدني مرورك الكريــــــم والله يوفقكم دووووووم وجميع اعضاء المنتدى وجميع المسلمين )))

أؤيد رأي تعابير ,, أفضل أن يعبر الشخص عن حبه بتصرف وفعل بدلاً من ترديدة حتى

لاتُفقد هذه الكلمة قيمتها ... وأن تقال في المواقف اللتي تحتاج لذلك عندما لايكون هناك وقت كافي للفعل ..


أشكرك ..