والله الجرايد والصحف تجيب مفعول

لو احد يعرفله صحفي يخليه يكتب عن حالتنا باذن الله راح تجي وظائف

ماعليه يكتب مره واثنين وثلاثه اهم شي راح يجي مفعول باذن الله

فانا اشوف الصحف والجرائد تادي مفعول اذا ماشفنا منها مفعول نعمل تجمع

نصيحتي : ان صاحب الموضوع (بما انه هو اللي فتح الموضوع وبيض الله وجهه) يكتب موضوع لجميع اللي تخرجوا لهم سنين من الكلية ولا توظفوا يرسلون عليه على الخاص ارقام جوالاتهم و كم سنه عاطلين وياليت ينشر للموضوع في خارج المنتدى ويصير واحد هو اللي يستلم الارقام لين تتجمع عندهم اسامي الخريجين وارقامهم , ويكونون كثير عشان الموضوع يكون ضاهرة عند المسؤولين والصحفيين ,

الخطوة الثانية : ان صاحب الموضوع او اي شخص آخر يرسل لصحيفة الجزيرة او الرياض , رسالة عبر الفاكس او البريد الالكتروني موضوع طويل عريض يتكلمون عن حال الخريجين وكشف باسمائهم (عشان لابغوا يسوون تحقيق صحفي او سبق صحفي ) ويرسلونه للجريدة ومنها للصحف الالكترونيه مثل سبق الوئام وغيرها ولازم يكون الموضوع فيه تمليح وتبهير عشان نلفت انتباه الصحف , وبكذا يوصل الخبر لاصحابة ويمكن يهتمون فينا او يكثرون البكالوريوس عند الكليات ويفتحون اقسام جديدة , لان الدبلوم ماينفع بريال ( وهذا لازم تحطونه من ضمن الحلول المقترحة في البحث المقدم للصحيقة ) وتعرضون حلول تقبلونها عسا يسمع لكم صوت

خريج لكن جديد ,,, ماصار لي شهر ,,,,,,,,,,,,,,,,,,,, وادعوا لي بالتوفيق الله يرضا عليكم

مساء الخير / صباح الخير

فيه موضوع حصلته وانا اتصفح اح الجرايد بخصوص الكليات التقنيه على هذاالرابط:

http://www.5abr.com/news-action-show-id-21303.htm

والله انا كلمة صحيفة ينبع بما اني ينبعاوي ^؛^

انا ارسلت وخويي ارسل ردو على خويي وقالوله نمر للكليه ونجتمع مع العميد ونشوف وضعكم ونفهمه

وابشر راح نتطرق لقضيتكم ونكتب عنها


عاد يكتبون ومايكتبون الله اعلم


كل واحد يعرف صحيفه جريده صحفي يكلمهم يخليهم يتطرقون لحالتنا


بس الواحد وش يقول

يارب فرجك ياكريم

شباب الله يرضا عليكم افهمو علي شوي
هذا رابط للي بيكتب قضيته لصحيفة الوئام تمام
http://www.alweeam.com/contactus.aspx

وهذا رابط للي بيكتب لصحيفة خبر

http://www.5abr.com/ersl/

انا دوبني ارسلت لهم وكتبت بالمطالبه انهم يتطرقون لوظعنا احنا خريجي الكليه التقنيه


بس يد وحده ماتصفق المطلوب من الجميع يرسلهم عشان يتاكدون من الخبر وقضيتنا ويكتبو عنها


وترا الوئام صحيفه كبيره يعني لو كتبو عنا راح يفيدونا




ــــــــــــــــــــــــــــــــــــــــــــــــــ ـــــ


ثاني شي


اتمنى تكتبو بصحيفة سبق وجميع الصحف الكبيره ترا ما تاخذ شي من وقكم كلها ترتيب كلام على الكيبورد وارسلهم وانتهينا


بس زي ماقلت لزم يكون فيه عدد كبير يرسلهم عشان يناقشون ويسلطون الضوء على الخريجن التقنيه


لانه ما يقدرون يكتبون الا اذا كان فيه عدد كبير يشتكي من نفس القضييييييييييه


تكفووووووووووووون ياشباب

الكل يرسل ترا ما تاخذ دقيقه من وقتك تكفوووووووووووووووووووووووووووون

السلام عليكم ياحلويــن .. وكل عـام وانتم بخير .. ~
شباب انا خريج معهد فني دبلوم ثلاث سنوات . تخصصي مساحه .. يعني ماني بخريج كليه ولكن اعتقد اني في نفس المركب معكم .. حتى ولو انا مو معكم بحشر نفسي تحملوني الله لايهينكم ^_^
والردود ماشاء الله كثيره لو بعدد الردود كل واحد كتب لجريده او لكاتب مقال يمكن نستفيد والله يعطيكم العافيه ..

UOTE=عالمي سبشل;3064326]نصيحتي : ان صاحب الموضوع (بما انه هو اللي فتح الموضوع وبيض الله وجهه) يكتب موضوع لجميع اللي تخرجوا لهم سنين من الكلية ولا توظفوا يرسلون عليه على الخاص ارقام جوالاتهم و كم سنه عاطلين وياليت ينشر للموضوع في خارج المنتدى ويصير واحد هو اللي يستلم الارقام لين تتجمع عندهم اسامي الخريجين وارقامهم , ويكونون كثير عشان الموضوع يكون ضاهرة عند المسؤولين والصحفيين ,

الخطوة الثانية : ان صاحب الموضوع او اي شخص آخر يرسل لصحيفة الجزيرة او الرياض , رسالة عبر الفاكس او البريد الالكتروني موضوع طويل عريض يتكلمون عن حال الخريجين وكشف باسمائهم (عشان لابغوا يسوون تحقيق صحفي او سبق صحفي ) ويرسلونه للجريدة ومنها للصحف الالكترونيه مثل سبق الوئام وغيرها ولازم يكون الموضوع فيه تمليح وتبهير عشان نلفت انتباه الصحف , وبكذا يوصل الخبر لاصحابة ويمكن يهتمون فينا او يكثرون البكالوريوس عند الكليات ويفتحون اقسام جديدة , لان الدبلوم ماينفع بريال ( وهذا لازم تحطونه من ضمن الحلول المقترحة في البحث المقدم للصحيقة ) وتعرضون حلول تقبلونها عسا يسمع لكم صوت

خريج لكن جديد ,,, ماصار لي شهر ,,,,,,,,,,,,,,,,,,,, وادعوا لي بالتوفيق الله يرضا عليكم[/QUOTE]

عالمي سبشل;