الله يوفقك أخوي وأن شاء الله يجي من يفيدك بالموضوع

بالتوفيق اخوي

وان شاء الله تلاقي أحد الأخوان من الاعضاء يفيدك ويجاوبك على استفساراتك

وأنصحك ان تنزل للسوق وتسوي دراسه بسيطه وتستفسر على أرض الواقع هذا أفضل لك

تحياتي

عليكم السلام ورحمة الله وبركاته

بخصوص فتح مؤسسه ما عندك اي مشكله تروح لادارة السوق وتستأجر في جملة الخضار بمبلغ 38500 ريال وتشتغل زي زي اي مؤسسه موجوده والايجار متاح هذا بخصوص بيع الجمله تكون دلال ( بيع الكمسيون ) بخصوص افضل طريقه للعمل انت سالت وجاوب تقول عندك راس مال جيد وعقود توريد لشركات كبيره موجوده خلاص وش باقي ؟ نظام الكمسيون يعتمد على من يورد لك هذا اولا بس اذا ما عندك احد يورد لك وانت في بدايتك وش تسوي ؟ الي زيك عنده عقود توريد لشركات ما يتوهق يشتري من السوق ويصرف عليهم ويبداء يكون له موردين من مزارع ومن خارج المملكه على حسب النشاط وبخصوص العماله تلاقيهم في السوق يجونك عادي تلبسهم لبس المؤسسه واسعارهم من 50 ريال الى 80 ريال في اليوم + سعودي يكون موجود انت في البدايه لازم تكون موجود

افضل وقت تبداء فيه بخصوص المؤسسه اي وقت ما يضر واعتقد من نصف 8 تبداء تجهز للموسم من رمضان وطالع وبالتوفيق اخوي واي شي تحتاجه انا موجود

اخوانى منصور السلمانى وخاص جدا جزاكم الله كل خير

اخوى اخر الصبح يعطيك الف عافيه وجزاك الله خير ما قصرت بس حبيت تضيفلى اذا حبيت استأجر ثلاجه لحفظ بعض انواع الفاكهه اللى راح تكون مستورده لحيت تصريفها كم يكون سعر ايجار الثلاجه فى السنه وهل يوجد ثلاجات متاحه فى السوق ام لا

أخي تاجر انت دخلت شعبان وسط رمضان حدد الي تبية لن إسئلتك في اكثر من مجال

- بالنسبة لسوق الخضار يوجد قسمين القسم الوطني والقسم المستورد الخارجي

القسم الوطني

هو انتاج مزارع السعودية وهذا يتم بيعه عن طريق الدلالين في السوق يحرجون على انتاج المزرعة ويبيعونة بنظام الجملة

واذا انت تريد فقط تشتري من السوق سواء الوطني او الخارجي وعندك عقود فقط احضر الحراج واشتر للاصحاب العقود وسلمهم البضاعة التي متفقين على تأمينها لهم ويادار ما دخلك شر لاسجلات ولابلدية انت زبون مثلك مثل غيرك تشتري وتضرب الباب

اما اذا كنت تريد إن تصبح دلال هذا فيه نوع من الصعوبة والصعوبة ليست في التصريح بل لابد من وجود مزارع تنزل إنتاجها في مكتبك وتحرج لهم على بضاعتهم ولك نسبة 10% كذلك تحتاج لراس مال لن البضاعة يوجد زبائن يشترون بالدين وصاحب المزرعة حقة كاش فلابد من وجود مبلغ لديك تسدد المزارع ثم بعد ذلك تجمع ديونك


القسم الخارجي (المستورد)

مثل ماذكرت جميع الدول المصرح لها يحق لك الأستيراد منها سوا خضار او فواكه ولابد من استخراج سجل تجاري من وزارة التجارة يسمح لك بتوريد وتصدير الخضار والفواكه والمواد الغذائية

بعد ماتطلع السجل تستاجر معشق وهذا هو مكان ماتوقف فيه التريلات في الحلقة لبيع المنتج المستورد سوا إستاجرتة من البلدية او استاجرتة من الباطن واسعار الرياض حسب المعلومات التي لدي تتراوح الأيجارات من ستة الأف الى تسعة الأف في الشهر

بعد ماتخرج سجلك وتستاجر المعشق (الموقف) نجي لتجار الذين سوف يوردون لك من الخارج والتجار هناك حالتين

اما تشتري منهم وانت تبيع في السوق
او انت تدخل بضاعتهم بإسمك وتبيعها لهم وعمولتك 5% زايد نصف ريال على كل صندوق


بالنسبة للبرادات الخضار التي تحتاج لبرادات هي من الأصل توصلك محملة في برادات ولك 3إيام مجاناً تقف عندك حتى تصرف بضاعتك ومن النادر تحتاج اكثر من ثلاثة ايام لتصريف البضاعة

اما الأصناف التي لاتحتاج برادات وتصل على السطحات نفس نظام البرادات

اما الشحنات التي تصلك عن طريق البحر هذه تحتاج تستاجر سطحات حتى توصلها للحلقة عندك وكذلك عندك تحتاج سطحات توقف البضاعة عليها


رد سريع وانت حدد المجال الذي تريده ونفصل لك بشكل اكثر

اخوى ابن الهيلا الله يعطيك الف عافيه وما قصرت وبارك الله فى جهودك

ان شاء الله راح يكون كل تركيزى الاكبر واللى هوا اساس فكره المؤسسه هو الاستيراد من الخارج جميع الخضر والفاكهه يعنى فى الاساس مؤسسه استيراد وتصدير منتظر ردك بأستفاضه عن العمل فى الاستيراد علما بانه تحدثت مع اكثر من شركه تصدير خارج المملكه لتأمين الخضار والفاكهه وان شاء الله تسير الامور طيبه

عطنى تفصيل التفصيل عن الاستيراد واحضار خضار وفاكهه من الخارج ويجزيك ربى الجنه

هل استيرادك سوف يكون عمولة او شراء

أرسلي رقم جوالك على الخاص وبمشيئة الله أعرفك على شخص تستفيد منه كثير في أي معلومه تبيها
وبإذن الله الأسبوع القادم نتقابل معاه