السلام عليكم
كيفكم ان شالله كلكم بخير
انا مادري بأي قسم اكتب وقررت اكتبه هنا والمشرفين ينقلونه للقسم المناسب
انا ابي مساعده منكم
استشاره او مساعده مادري اهم شي ابيكم تساعدوني وتطلعوني من المشكله اللي انا فيها
وارجو اي شخص حاب يتفلسف او بس يعلق ويضحك انه ماكتب شي بموضوعي
ياناس ياعالم انا امي ماتحبني ابد اكيد بتقولون مستحيل ام ماتحب بنتها انا اقول لكم اقسم بالله امي ماتحبني ودايم تحب تشب الفتنه بيني وبين ابوي ودايم تحب المشاكل تصير علي
ودايم تتهاوش معي بسبب او بدون سبب وقفت بطريقي بكل موضوع
موضوع اكمالي للجامعه ومو ضوع زواجي والكل انتقدها وقال لها حرام اللي تسون في بنتك كذا بتضيعين مستقبلها وهي تقول مالكم دخل هذي بنتي وانا حره فيها
ارجوكم قولو لي وش اسوي هل استسلم لها واخليها تضيع باقي حياتي ولا اوقف قدامها وبوجها
مع العلم ان ابوي ماله اي كلمه الكلمه هي كلمة امي والشور شورها
تقفون ساعدوني حتى بموضوع الزواج مو راضيه تخليني اتزوج واعيش مثل كل البنات
ياناس امي تغار مني كثير وتكرهني ارجوكم مليت من الحياة ومليت من هالعيشه ابي حل
امي قالبه البيت كله علي دايم تسبب لي مشاكل مع صديقاتي ومع ابوي ومع جدتي وتغار علي من اي شخص
انا علاقتي في عمتي مره حلوه وهي دايم تهاوشني قدام عمتي وتقول هذي مو زينه وتتكلم فيها كلام مو حلو وحتى انها تطعن عمتي في شرفها وتقول هذي تبي تاخذ عيالي
ياناس ارجوكم اقسم بالله عيشتي ماعادت تطاق
اي طلعه او اي حاجه تحرمني منها اقسم بالله حتى اليوم العصر كان اخوي بيطلع للسوق وقلت له بروح معك وبجلس بالسياره لي 3 شهور ماطلعت من البيت وقلت لأبوي ووافق
ولما لبست عبايتي قالت امي لأبوي بتخليها بعد تروح تعرض نفسها بالسياره كيف تسمح لبنتك تسوي كذا انت ماتخاف على سمعتك
وفجأه ابو يغير قراره وقال خلاص ارجعي لغرفتك عيب البنت تطلع من البيت
مع العلم ان اهلي عائله متحرره ويسمعو اغاني وعندنا دش يعين كل شي عادي الا انا امي مسويه علي حملة بالبيت
ارجوكم قولو لي وش اسوي ارجوكم