لاتزيد طعوني اوجعت الخناجر ** مابقى عرق بقلبي مافنيته


لو عيوني غيم وأهدابك محاجر ** ماضما رمشك تحت دمع بكيته

عاشق ... صح الله لسانك


الجرح ماهو خاطر شوي ويروق
الجرح حتى لو تشافى يعللك

واذاك متحمس متاهات وطروق
انا تعبت اشد حيلي واحاولك

سماي ما شي شمس ورعود وبروق
والريح ماهبت ولايجري الفلك

والقلب ناشف بحر وشقوقه شقوق
وشلون بيكون سحاب ويبللك

يا ضامي انا الضما ومتشبع حروق
واذاك ضامي للمواصل انا هلك

هلك وقف في وجهي الاصل والذوق
والمجتمع والعرف والفقر واهلك

متعومس وحزن النبلاء مرموق
يعني لو احتاج الك ماجيتك اسألك

اللي علي اشكي واعاتبك برفوق
واقولك ودي ماعاد اتأملك

من دورة الايام ياخوك مخنوق
الوقت مشاني من السلك للسلك

ازل خطوه بس ما ازل منطوق
ولو صارت ابحب خشمك واجاملك

يبقى البني ادم مجرد ومخلوق
ملك ولكن في الحقيقه بلا ملك

كذاب قايل كل مطرود ملحوق
سنيييين وانا اطردك وازريت لا اوصلك

كنك تطيش وكني ادور في طوق
كل ما وصلت اخرك يطلعلي اولك

ليت مافي خاطري شوق وحروق
ماكان حسيت ان انا بس من كلك

الشوق ماهو رعشه وقبضة عروق
وماهو اللي من شينك فعينك يجملك

وماهو شعور ياخالق الروح برفوق
وماهو سحر ولا ادري والله شقول الك

انا سحابة حلم وتطير بك فوق
وتطير ولا ودك انها تنزلك

الشوق هذا والا انا شوقي البوق
ماقد حصل في شوق هذي ولا تلك

تدري وش اسوي ليا اضناني الشوق
اسوي بعيوني كذا واتخيلك

واقربك واتوق واتوق واتوق
واكثرك واحلف ماعاد اقللك

واصورك في الموق وتكبر على الموق
وتطيح مع دمعي على ايدي واقبلك

هذا غلاي اللي مع الدم مدقوق
ولا عاد تسأل عن شعوري وازعلك

سعد علوش

ماعاد يرضيني وفا ، ولا يزعلني جفا ..!
متساويٍ في خاطري [ ظلم الع ـرب ، وانصافها ]


ولا تاقف الدنيا على شمع الغ ـرام اللي طفا
بع ـض الشموع أنا اتع ـمّد [ كسرها ، واتلافها ] ..!

سامح الله من جمع فالعمر ياسي
وسامح الله من ترك فالقلب ضيقه

كاسهم والحزن مو حزني وكاسي
حملوا نفسي بمحملٍ ما تطيقه

علّقت لكَ ب ضلوع ( قلبِي ) أمآنيَ ! ،
.... و إنتَ ،
أعتبرها في غيآبك - مرآجيح
............إن كنت تلعَب , لآ تمادَى .. عشآني
.............. إخآف " تآخذ راحتك حييلَ ، و تطيح " !

مساء الخير ...




الشوق ماله عمر , يفنى وينعاد
........................له في الضلوع أن عاد وأن غاب رجفه


مع كل فرقا , له ورى الجفن ميلاد
........................وأن ماتت الفرقا لقى الشوق حتفه



جيت أقتل الفرقا من بلاد لــ بلاد
........................ملّ الطريق يشيلني فوق كتفه


وأنا بعد مليت من كثر ما أرتاد
........................هالشارع اللي كان لك فيه شرفه


تظمأ عيوني شوفك , وتشبع سهاد
........................عيّا الزمن يقطع ظماها بــ رشفه



لاوجهك أسقاها , ولا ذاقت رقاد
........................ماغير طيفك , طيفك اللي أعرفه

هو حلم 00 والا نار تغريك بسكات 0000 يهمك أوتار 00 عليها عزفتي



في صوت لحضه تنتهي كل الاصوات 0000 خيال شاعر يسكنك ما حترفتي


واذا احتواك الليل في عالمه جات 0000 احلى فواصل للزمن وانصرفتي


ياصوره الدهشه على مركب أهات 0000 أصدقك 00 لو ببتسامه حلفتي

مساء النور ..روح



اضيق لاشفتك من الوقت طفشان

واضغط على نفسي وانا فيك هالك

تدري من اول {ماعرفتك} الى الآن

وانا احس ان الغلا لك لحاااالـك