|| مــن بــاركولي ترى انقبـلت ، إلى سامحوني ترى سحبت ||

طخاخ · #1 (**permalink**) 19-07-2010, 05:18 PM

السـلآم يا كرآم

وش ذا الكتمه يآ كآفي

كح كح
كيفكم يا إعـزائي ، أدري إن الحين اللي جالس يقرآ موضوعي
قاعد يناظر بنص عيــن ، ويقول وش يبي ذا الغثه

|| مــن بــاركولي ترى انقبـلت ، إلى سامحوني ترى سحبت ||

عنــوان عجـيب ، يلف ويدور أمام العين ، ويرن ويطز ويسوي مسد كول في الأذن !!
تخيـلو لو في الأيام الجايه يصير من عنوان في أحد المنتديات ، إلى شيء يلامس الواقع
وش ذا الخمبقه ؟ ، شسـالفـه ؟ ، وش اللي صــاير بالــدنيـــا ؟

في الحقيقه للموضوع من وجهة نظري عدة أبعاد جوهرية <- قسم بالله اني كبرت في عيني من بعد هـ الكلمه وبسحب عليكم وبروح أشارك في المنتديات الأدبية

.

البعض منا يا إخواني العــاطلين من يوم قدم في أي قطاع عسكــري وهو ناوي العسكريه
بخيرها وبشرها ، سواءاً كان مسجل في في الأمن العام ، أو أمن المنشئات أو غيرها من القطاعات وهو نااااوي عليهاا ورجـــــال قد كلمــتــه ، لكن البعض منا للأسف تهبق الفكره في رآسه فجــأه

بمعنــى تلقــاه عــاطل ، وتلقاه تفــرج فيلم أمريكي عن حرب فيـتـنـام ، أو حرب العرآق ، عاد تحمس وقام يقــول خلـيني اسجل بالعسكريه ! ، وهذا أكبر غلــط ، فيـقوم وش يسوي بعد ما سجل بالعسكريه ، وبعد ما تعب وراح للقياده الفلانيه ، واختبر ، وقبـلوه ، وسوا الفحص ، وقعـد ينتظر قبوله النهائي ويصلي ويصوم ، ويتصدق ويتعب عمره ، ويقعد يتحلم بالعسكريه ويصيح يبي يسمع جواله يرن ، وبقدرة قــآدر ينقبــل قبول نهــائي ويحلق أقرع ، ويودع أمـه وأبوه وقرايبــه وأصحابه وجماعــتـه ، ودموع وصياح عند باب البيــت ، وأمه تدعيله وأبوه معلق عليه آمــال ، ويدخل العسكــريه متـناسياً بدوره شدة القطاع العسكري بشكل عام ، وشدة الـتـدريـبـات ، وأهم أمر في العسكريه واللي يجهله الكثير منا للأسف هو إن العســكريه تســاوي الإلـتـزام ، والالتـزام يســـاوي العسكـــرية ..

الإلـتـزام + العسكــريه = عسـكري نــاجح قادر على التعايش مع أصعب ظروف الحياة

.

* ملاحظة ( طبعاً ربطت الإلتـزام بالعسكرية ، عشان احنا في قسم عسكري )

- للإخوان اللي سحبو من الدوره ، بعد ما شــاف الـويــل والشمس والكرف ، وش استفدت ؟
طيب للناس اللي مشالله ربي منعم عليهم فلوس وكذا هذول سالفه ثانيه ، طيب النصف الثاني من الناس ، اللي تلقى أبوه متـدين لا قدر الله ، ولا بيتهم إيجــار ، ولا تلقى أبــوه رجال تعبــان في عمره ومو قــادر يحصل لقمة عيش ، ولا رجــال تحصل أبوه كان معتمد عليه ؟
وش استفدت من تحطيم آمآل أهلك ، وش استفدت من إحبـاط والدك اللي كان متأمل فيك خيــر ؟

بعـض الناس تلقاه دخل دورة في القطاع الفلاني وسحـب ، وقدم على قطاع ثاني وسحب بعد

ههههههههه له وجه بعـد

، قسم أنااا انقمط وجهي يوم صرت أقرأ عن هذولا الناس ، اللهم يــاكافي

..

* كيـــف تصــبح طالبــاً عسكــرياً ملـتـزمــاً ، صــاملاً * ؟

حقيقـتـاً .. أنا في البداية كنت متخوف يوم قدمت على معهد الدراسات الفنية للقوات البحرية ..
حتى يوم كلمت الوالـد وشرحت له الوضــع ، قال لي (( وانا أبوك دامك للحين في مرحلة التقديم وما انقبلت اسحــب ، لكــن يــا ويلك لو يقـبـلونك وتدخل وتجـيني اليوم الثـاني سـاحب )) !

طبعاً بعـد تهـديد أبـوي لـي زاد خــوفي ، وقمـت أدور وأبحث عن حلول سريعـة !!
وش أســوي ؟ وش أســوي ؟ وش أسوي ؟
فـكرت إني ألـتزم بشيء ما قدرت ألتزم فيه من زمــان ، مثلاً :

أنا إنســـان اخوياني في الحاره يسمـوني الشايب ، لأني تركت الكـوره وصرت إنسان يحب النوم
وعظامي من المكيف البـارد صارت هشه ومتكسوره وقمت اتدهن بزيت زيتون قبل النوم .
ويسموني ثـاني أكسيـد الكربـون لأني إنســان يدخن ويعسل و إنسان يحب الشيشه بشكل مرعب
أنا أتنـفس دخــــان ههههه

، قلت خلاص خلـني أبطل الدخان والبلاوي وأمارس الرياضة بشكل يومي ، طبعاً الكلام سهل جداً مقارنة بالفعــل ، أول يوم حسيت بتعب شديد وحاولت إني أرجع عن إلتـزامي ، لكن رجوعي عن إلـتـزامي راح يكون سبب رئيـسي للرجوع للكثير من إلـتـزاماتي المستقبلية مثل الدورة العسكرية ، او العمل مستقبلاً سواء كـ عسكري او موظف حكومي إلخ .!

مثــل ما يقـول المثــل الدارج "يــد وحده ما تصفق " ، وصعب جداً أن ينقلب الحـال بين ليلة وضحاها ، وش سويــت ، قمت أسجل بنــادي والنشاط اللي تسجلت فيه كان " ليــاقة " و ريـاضة قتــالية اسمها " كيك بوكسنج " طبعاً الهدف من التسجيل في اللياقة كان لرفع مستوى لياقتي بشكل مكثف ، والكيك بوكسنج تسجلت فيها لـتقوية جسمي والصبـر ، طبعاً ممكن البعض ماعجبته حركتي هذي ، لكن انا فعلتها عشان ما قدرت أصفق بيد وحده ، فـ اليد الثـانيه كانت يد مدربي اللي ما قصر معي من شهرين بديت معاه تدريبات اللياقة والكيك بوكسنج ، وانا وصيت مدربي قبل ما أبدأ في النــادي إنه يشد علي ويصرخ فيني ويسب ويكرهني في عيشتي لمصلحــتي ، لجــل يعـودني على الإلـتـزام اللي أبحث عنه ، لجــل إنـه يهيأني نفسياً وبدنياً ، والحمدلله من شهرين ليومكم الحــالي وانا مستمر في تدريباتي وتركت الدخان وكل البلاوي ورجعت ألعب كوره وليـاقتي ونفسيتي صارو أحسن من أول ، صرت ملـتـزم في صلاتي أكثر من أول ، خلاص انا صرت مستعـد إني أدخل لدورة معهد الدراسات وبحول الله ما راح أضيع كل ساعه تعبت فيها لأستمر في إلتـزامي ..
يا اخوان مافي شي مستحــيل ، مجرد صعوبات نلقاها دائماً في أول قرار لنا بالالتـزام لكن بالصبر والاستعانه بالله راح تتيسر وتتسهل أمورنا كلها ..

أدري إني طولت عليــكم ، لكن فضفضة حبيت أشــارككم فيهــا ،،
واعذروني لو غلطـت في شيء ،،
وتكفـون ادعولــي إني أنقبل قبول نهـائي بمعهد الدراسات الفنية للقوات البحرية

أحبكم كلياتكم <- قطعني يا ناانسي عجرم

أحبـتـي ، دعوه مني لكم لمراجعة نفسكم
ولتوثيق وتحسين جميع مجريات حياتكم

أخــوكمـ
طخــاخ الشـريف

( تحفظت بالاسم لأسباب أمنية

) <- كل تبن

|| مــن بــاركولي ترى انقبـلت ، إلى سامحوني ترى سحبت ||

إستفسارات ونتائج الوظائف العسكرية

السـلآم يا كرآم :d وش ذا الكتمه يآ كآفي :d كح كح كيفكم يا إعـزائي ، أدري إن الحين اللي جالس يقرآ موضوعي قاعد يناظر بنص عيــن ، ويقول وش يبي ذا الغثه...

|| مــن بــاركولي ترى انقبـلت ، إلى سامحوني ترى سحبت ||

تسجيل الدخول

|| مــن بــاركولي ترى انقبـلت ، إلى سامحوني ترى سحبت ||

إستفسارات ونتائج الوظائف العسكرية

السـلآم يا كرآم :d وش ذا الكتمه يآ كآفي :d كح كح كيفكم يا إعـزائي ، أدري إن الحين اللي جالس يقرآ موضوعي قاعد يناظر بنص عيــن ، ويقول وش يبي ذا الغثه...

|| مــن بــاركولي ترى انقبـلت ، إلى سامحوني ترى سحبت ||