من شدة قهري هاللحظة ياليت على القهر والله من شدة ماحس فيه مثل النار تحرقني

مقابلات ورا مقابلات وابتسامات صفراء كل شوي وكلام يطيرني لسماء ويخليني اتفائل ايام
وبعدها اطيح على وجهي واصدم بالحقيقة رشح اسم غيري كيف؟ ماعندي خبر

حتى الواسطات الله ياخذها مانفعت كرهت كل شي ياشين الطموح بس


مدري وين اروح حتى اني اشتغل بجنب زميل قلت اوكي خليني اشوف يعني هل بيوظفوني ارجع واصدم مايبغوني مدري وش يبغون

اربع سنوات دراسة وش اسوي فيهم انساها اربع سنوات تعب وقرف وظلم وحرقه تروح كذا مثل المطر اذا جف

خلاااااااااااااااااااااص انا معاد اتحمل شي ولو بيدي انتحرت وفكيت نفسي من التفكير الغبي الي مايعترف بالناس الي تبغى تشتغل

قالوا نبغى انجليزي قلنا طيب ونلقى شغلهم عربي في عربي مدري يلعبون علينا عبالهم كشخة الحين
قالوا نبغى اختلاط قلنا ابشروا تدللوا خلونا نشوف بس الوظيفة واخرتها مع السلامة

قالوا نبغى معرفة حاسب قلنا تأمرون أمر عندنا خيــر قالوا هاه لا غلطنا بالشرط

قالوا نبغى خبرة 10 سنوات او 5 سنواتي يعنبوا شياطينكم تستهبلون هاه؟؟ وش 10 يعني بللهي من وين اجيب سنوات ؟؟؟اخترع آلة الزمن يعني


لا وطالعين بحركة 3000ريال على تسعة ساعات عمل او 2500 ريال لالا معلييييش ماني بصومال ترى الله ياخذكم انتم ووظائفكم الي تنشف الدم في القلب

خربتوا حياتي الوردية وقلبتوها مثل الحطب المحترق
لعبتوا باعصابي بس دعوه ادعيها من كل قلبي يـــــارب كره اي موظف او مدير تلاعب بالترشيحات لأسباب عقائدية عنصرية بوظيفته واجعله غير مستقر لا عقليا ولا نفسيا

بكتب من حروفي قصيدة لا وزن ولاقافية

طلعت معي كذا مثل ماتطلع شروط الوظائف

صارت دموعي في عيوني مثل صرخة غريق

والمشكلة اني بدنيتي مازلت على طبعي مكتوم

ليلي طويل ونهاري اطول اكتوي بجرح الحريق

وأنا من الوجع ساكت ومغبون احتري حظي يقوم

وصباح العطالة ياقوم العطالة

برجع اذا ماهدت اعصابي