السلام عليكم ...

ياشباب انا قبلوني مبدئي ومتورط مادري وش اسوي

تكفون الي عنده اجوبه ع اسالتي لايبخل علي ..

اول شي ماحددوو متى يبغون اروح للرياض اقدم طلب الالتحاق!!؟

بعدين مادل شي بالرياض ابي وصف وين اروح بالزبط

وعندي بعد الوزن زايد الطول 173 والوزن 88 تقريبا

مادري تمشي اموري والا اصوم هاليومين

واللي منكم عنده اي معلومه حاب يفيدني فيها ماقصر والله وجزاكم الله الف الف خير..

كيف ندلك وانت ماعلمتنا وش مقدم عليه



؟؟؟؟!!!

بسم الله الرحمن الرحيم

السلام عليكم ورحمة الله وبركاته

كيف حالكم إن شاء الله بخير جميعا

أول شيء دعواتكم لي إني أتعدى الكشف الطبي و القبول النهائي

ثانيا كان موعد القبول المبدئي يوم السبت 7/7 و دقوا علي الجمعة الماضي 4/8

وقالوا تجي يوم الثلاثاء 8/8 الساعة 5 ص وحلق رقم 2 و جيب معك بطاقة الأحوال الأصل فقط و بالزي السعودي ثوب وشماغ

و رحت لهم يوم الثلاثاء بمركز الحاير بالرياض عاد و ينادون بالأسماء إذا جاء إسمك تبرز بطاقة الأحوال للعسكري و يقول روح على جنب لين يخلصون من الأسماء كلها و العدد كان حوالي 50 متقدم .

و ركبنا الباص و رحنا للأدلة الجنائية اللي جنب المحكمة العامة و بصمنا و جلسنا حوالي 20 دقيقة إلى 30 دقيقة و فيه بوفيه يقولون اللي يبغا يفطر و إلا يشرب ماء يروح علشان شوي فيه تحليل بول و أنتم بكرامة و ركبنا الباص و رحنا لمديرية المباحث في عليشة و جلسنا على الكراسي و ينادون بالاسماء اللي ينادونه يحلل بول و أنتم بكرامة و أحترينا لين خلصنا كلنا و طلعنا حوالي الساعة 9 ص و اللي معه سيارة يرجع معهم للمركز في الحاير علشان سيارته هناك و اللي ما معه سيارة يقولون له تبغا تنزل عند المديرية للمباحث و تركب ليموزين و إلا ترجع معنا هناك عاد على كيفك
و قالوا لنا بكره الأربعاء تروحون لمستشفى قوى الأمن بالرياض الساعة 10 ص .

الأربعاء 9/8

رحت للمستشفى حوالي الساعة 9.30 ص و دخلونا الساعة 10.30 ص
تجلس على الكراسي و ينادون بالأسماء علشان يعطونك ورقة المستشفى و بعدها ترجع لكرسيك و تجلس لين يجيك الدور وإذا جاء دورك تروح لعسكري و تبصم بالسبابة اليمنى و تعطيه بطاقتك الأحوال و ينظر فيها و يرجعها لك و يقول لك روح لقسم الأشعة أول باب على اليمين
وتدخل غرفة الأشعة يحط جهاز على صدرك و بعدين يحطه على ظهرك و ويقول خذ نفس عميق و تخلص و ما تأخذ خمس دقائق في الأشعة و تمشي للبيت و قالوا تعال يوم السبت 12/8 بعد بكره تسوي باقي الفحوصات طول ووزن و تحاليل دم و بول و أنتم بكرامة فقط .

كان ودي أنزل الموضوع من يوم الثلاثاء و لكن جاتني ظروف خارجة عن إرادتي

لا تنسووني من دعائكم

و بالتوفيق للجميع ..

انت مقدم على اي قطاع

ياشبااااااااب قصدي الكليات العسكريه القوات المسلحه

تسلم ياخوي والله

بس سؤالي متىىىىىىىىى اروح لمهم ماعطوني وقت بس خشيت وحملت الملحق حق التقديم

متى يبوني اروح لمهم وجزاك الله خير

والله مدري عنك

حاول تدق عليهم او إسأل

انا والله ماعندي خبره

لكن اسأل لك واشوف

https://www.btalah.com/t212542.html

شف هالرابط

هاذا تجمع لكم

ادخله وان شاء الله تلقى الاجابه الشافيه الوافيه

كلية الملك خالد العسكرية مكان قبولها ( لواء الخاص ) خلف مبنى رئاسة الحرس الوطني بالضبط .. ورئاسة الحرس الوطني على طريق خريص بعد ماتنزل من كبري الخليج تجيك للوحة مكتوب رئاسة الحرس الوطني
وتجيك على يدك اليمين....