السلام عليكم ورحمة الله وبركاته

بسم الله الرحمن الرحيم

انا ابي استفسار كافي وافي من جد عن سيارة الاجره

انا خريج جامعي وناوي اشتري سياره وفكرت في التكسي

علما اني متسبب
ودي اعرف وش الشروط الملطلوبه بالضبط بالنسبه للرخصه والسياره انا بشتريهاا من حسابي الخاص
وهل اشتري تكسي جاهز او اشتري سياره وبعدين اقلبها تكسي
والرخصه معي خصوصي وش اجارة العمومي

ادري طولت بس من جد ياليت احد يساعدني في الملعلومات هذي وان شاءالله ربي يرزقني ويرزق الجميع

تحياتي لكم

في البداية يجب ان تهيئ نفسك وتستكمل الشروط الواجب توفرها في سائق التكسي:

أولاً: تصفيه النية لوجه الله تعالى .. وتكون نيتك صادقه في طلب الرزق ..

ثانياً: استخراج رخصة عمومي .. واستكمال طلباتها .. وهي كالتالي:
1- ان تكون المهنة متسبب .. وان لم تكن متسبب يجب عليك احضار خطاب من العمل يسمح باستخراج رخصه عمومي ..
2- شهادة من البصمات او الادلة الجنائية .. تثبت خلو سجلك من السوابق ..
3- تسديد المخالفات المرورية ..
4- الدراسة لمدة 4 أيام .. واذا كان عندك واسطه .. وانت في البيت ..

ثالثاً: السيارة .. والشروط الواجب توفرها هي :
1- ان لا تقل قوة المكينة عن 2000 سي سي ..
2- ان يكون لونها ابيض ..
3- ان تكون مفحوصة ومجدده ..
4- اذا كانت قد مضى على انتاجها اكثر من خمس سنوات .. فيجب عرضها على اللجنه ..

رابعاً: الإجراءات التي يجب عليك القيام بها لتحويل السيارة .. والبدء بطلب الرزق .. هي :
1- الذهاب للمرور .. واستكمال طلباتهم .. وسيطلبون منك التالي:
- برنت للسيارة من المرور ..
- برنت للرخصة العمومي من المرور ..
- برنت للشخص نفسه من المرور ايضاً .. لا تخوفكم سالفة البرنتات .. ترا وانت واقف تسويها ..
- تأمين السيارة (تأمين الأجره)..
- تصوير (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين)..

بعد ذلك يعطونك خطاب للإدارة العامة للنقل بوزارة المواصلات .. يفيدونهم فيها بأنك ترغب بتحويل سيارتك لإجرة .. وإستخراج تصريح الاجرة ..
وعند عرض الاوراق عليهم .. سيطلبون منك التالي :
-صور من (الرخصة العمومي ـ بطاقة الاحوال ـ الاستمارة ـ الفحص الدوري ـ وثيقة التأمين ـ دفتر العائلة ان وجد .. او برنت من الاحوال يفيد بأن مهنتك متسبب ) .. - وان كان قد مضى على سيارتك اكثر من خمس سنوات .. سيطلبون منك عرض سيارتك على اللجنة التي تقام في يوم الثلاثاء .. وبعدها يعطونك التصريح .. بعد ذلك .. يعطونك خطاب للمرور يفيدونهم فيه بان السيارة صالحه للاجره .. وان الشخص صالح ايضاً ..

بعد ذلك .. ترجع للمرور .. ويعطونك خطاب للشركات اللي تحول السيارة إلى اجره .. لوضع العداد والاستكرات .. اثناء ما هم يقومون بتلزيق الاستكرات والعداد .. ترجع للمرور تكون لوحة الاجرة جاهزة وتعطيهم لوحات السيارة القديمة .. ويعطونك لوحة الاجره الصفراء ..

بعد هذي الخطوة .. ترجع للخطوة الاخيرة اللي هي رقم التشغيل .. وهي خطوة سهله .. فقط ترجع لإدارة النقل وتعطيهم ماتبقى معك من اوراق .. وسند الشركة المحولة للسيارة .. ويعطونك رقم تشغيل وانت واقف .. ويستخرجون لك بطاقة تشغيل ايضاً ..


طبعاً اذا كانت السيارة لونها غير اللون الابيض .. يجب عليك تغيير لونها .. والمطلوب لتغيير اللون التالي:
الذهاب لمركز المعلومات بالمرور .. وطلب ورقة تغيير لون منهم .. وسيقومون بمعاينة السيارة .. وإعطائك الورقة .. وبعد تحويل لونها ترجع لهم .. ويقومون بالمعاينة مره اخرى .. وتصديق الورقة وتحويل لونها في الاستمارة ..

يعطيك العافيه على التوضيح الصراحه من جد كفيت وووفيت
والنيه ولله الحمد الله لان الشغله هذي كذا مره ركبت مع ناس يسوقون تكسي وسعودين
الصراحه يمدحونهاا ويقولون فيها رزق وان شاءالله اني بترزق الله لاني من جد مليت من الجلسه في البيت
يعطيك العافيه

بالتوفيق ان شااااء الله

جزاكم الله الف خير كل اللي شاركون في الموضع
والله يرزق الجميع ان شاءالله اني توكلت على الله وناوي ابد اطبق الشروط باذن الله والله يعيني ويعين الجميع