كم العمر اخوي؟

الله يوفقك ان شاءالله الزوج سبحانه الله يجي رزقه معه سبحان الله انا ماتزوجت بس ناس كثير يقولون كذا
بالنسبه للمشاريع والله كثير اللي يبي يترزق كثير الشغل في اشياء كثيره مثل البيع يعني تشتري وتبيع في اي شي
اي شي اجهزه سيارات اي شي هذا فيه بركه ايضا لاتغامر بالفلوس كلهاا يعني ابد شوي شووي مع التوكل على الله والصبر يفتحلك الله
الله يوفقك ان شاءالله

ماشاءالله عليك شاب وتفكر في التجارة كثر الله من امثالك

والله الشباب عندنا في الرياض سهر في الليل ونوم في النهار الله يخلف على اهلهم

المهم
التجارة طيبة والزواج اطيب ولكن كبداية التجارة افضل لكي تمن مستقبلك

ولكن انت تنقصك الخبرة وينقصك ايضا افلوس و لكن بستطاعتك اخذ قرض واستثمارة في الاراضي اي شراء ارض وستثمارها على المدى البعيد طبعا من 5 سنوات وفوق ويكون في مخطط لة مستقبل

هذي نصيحتي لك اتمنى لك التوفيق


تحياااااااااااااااااااااتي

أنا كنت مثلك دخلت مجـــــــــــال التجارة بسن صغير ( بس خسرت ) اللي قدامي واللي وراي ..

وقاعد أعظ أصابع النــــــــــدم .. لأنه لخبط علي أشياء كنت مخطط لها مستقبلاً زي الزواج وإني أكون نفسي صح ( لكن ) الطريقــــــــــة هذي من وجهتي نظررررررررري خاطئة تماماً .

فأشور عليك أخوي بالزواج ( لأن ) فيه بركة مو طبيعية وربي راح يفتح عليك أبواب الرزق إنشاء الله ..



وبالتوفيق

[align=center]
حبيبي تاخذ اراضي المنح في مخطط الرياض
ـ50الف بس


وعندك لو تبي تجاره حدود43009شامله التكاليف والعماله وكل شي والتصريح والبوياء وكل شي يعني الين ماتفتح المحل انا تحت امركـ
[/align]

بسم الله الرحمن الرحيم
أسأل الله أن يبارك لك فيما أعطاك

إذا تبي نصيحتي توكل على الله وتزوج ترى الزواج فيه بركة إذا أخلصت النية لله عزوجل ونويت تستر نفسك عن الحرام خاصة في هالزمن اللي كثرت فيه الفتن وأترك عنك اللي يقولن لاتزوج ماورى الزواج غير النكد ..مايقولك هالكلام غير اللغير منظم لنفسه ولحياته ولم يستطع إدارة حياته على الوجه الصحيح..
بحكم خبرتي في العقار ... حالياً العقار يعيش حالة إحتضار يعني كثر العرض وقل الطلب ولا يغرك طهبلة أهل المكاتب أقسم بالله إن فيه أنباء شبه موثوقه إن العقار بيضرب الأرض مثل ماضربت الأسهم قاع الأرض ونخلص من جشع التجار ..

لكن خذها نصيحة وأنا أخوك والله مابي منك غير دعوة صادقة فقط بالزوجة الصالحة لي..

توكل على الله وتزوج ولا تفكر بالعقار بالوقت الراهن ,,

وترى الأرزاق بيد الرحمن لاتقول بكر وبعدين وش بيصير أنت تضمن نفسك تنام اليله وتصحي..
قال تعالى (( وفي السماء رزقكم وماتوعدون))
وقال تعالى (( وماتدري نفس ماذا تكسب غدا))

الله يوفقك ويرزقك ببنت الحلا ل اللي تسعدك وربي يرزقك بالنية والذرية الصالحة ..

تزوج وانا اخوك والرزق ع الله سبحانه
تمنياتي لك بالتوفيق

نصيحة من واقع تجربة


أخوي انا تزوجت بعد ماتوظفت بسنتين طبعاً تفكيري كان اسوي مشروع وبعدين اتزوج ولكن الله سبحانه مااراد وخسرت في الاسهم وتزوجت وصعبت علي الامور والله والله الزواج وعليك ديون صعب صعب وأنا في هم مايعلمه الا الله راتبي يروح في ديون زوجتي تبي مصروف وبنتي أو مستشفى ولا استطيع أن اوفر شي حتى شحن للجوال أوالله مااستطيع من كثر الديون (هناك مصاريف لك واجار شقة ومصروف لأهللك هذا غير إذا جاك ضيف أو احد مريض لا سمح الله أو تريد أن تساعد والديك وين تقسم راتبك والاسعار كل شوي وهي في زيادة) تمنيت أني اخرت الزواج حتى كونت نفسي بس الحمد الله على كل حال واهم شي الصحة والعافية

أنا انصحك أنك تبدأ بمشروع بعد ماتدرسه دراسة كافية يحتى تكون نفسك عني مثلاً أنا براسي اشتري تريله وأجرها لشركة وأريح مخي وأخذ دخل شهري ثابت أو مغسلة ملابس او بوفيه وإذا راتبك يكفي تشتري أرض وبعدها بسنه أو سنتين تتزوج بس بشرط أن يبقى معك صافي من راتبك على الأقل نصفه من غير الاجار والقرض وغيرها

وقبل كل شي استخير الله سبحانه وتعالى