السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

ياجماعه اللي عنده خلفيه عن ورشة حدادة ومكسبها او مشاكلها

او يعرف احد عنده حداده يعطينا التفاصيل

عطونا وجه ياجماعه

للرفع
للرفع
للرفع
واتمنى التوفيق للجميع وتقبلووو مروري

والله انا سمعت كذا واحد يمدح فيها واعتقد ماتكلف

عليك أن تقوم بدراسة الوضع بشكل كامل ،دراسة المشروع تساعدك على اكتشاف مواضع المميزات والسلبيات :
ابدأ ببحث مسألة إيجار الورشة لأني أعتقد أنه مرتفع
ثم اسأل عن مواد الخام من الموردين أسعار الحديد وأنواعه فيه ناس تشتري الشينكو المتر بـ13 وفيه 14 و18 ريال على حسب المورد
ثم تحتاج شراء سيارة نقل خفيفة وجهاز لحام وقاطعة
الإستقدام على حسب مساحة الورشة وغالباً في البداية 2
الورشة تحتاج لعمالة ماهرة ولها دراية ، قبل فترة كنت بأعمل مظلة لسيارتي ومريت ورش الحدادة وكانت أسعارهم متفاوتة بشكل كبير بعضهم 1800 وفيه باكستاني جديد قالي بـ800 ريال طبعاً لو أخذته مصنعية فقط والمواد علي كان معقولة كيف والمواد عليه
طبعا لوني موقع عقد مع الباكستاني راح أتأخر وأدخل في متاهات مع كفيله بسبب قلة خبرة عامله ..
الخلاصة كل شيء فيه مكسب إذا عرفنا قبل لا ندخل فيه كيف نكسب وكيف ما نخسر
هذا ما بخاطري والسلام

والله وانا اخوك انا اخوي عنده ورشة حداده والالمنيوم
الصراحه ارباحه حلوه بس تعبها كثير ومشاكلها كثيره مع الزباين
اول شي تحتاج مكان مناسب وتستاجره طبعا سوا من البلديه او من صاحب عقار
بعدين تقدم الفيز للعماله اللي بتشتغل عندك واقل شي في الحداده اربعه الى خمسه عشان يمشي شغلك في السليم
بعد كذا العده للورشه وهذي راح تكلفك من عشرين الى اربعين الف بالكثير طبعا العده معروفه
مكينت لحام ماطور كهرب صاروخ يمكن 2 كبار و2 صغار ايضا مكينت هواء
تحتاج سياره طبعا ياما دينه او ددسن

وعشان يمشي الشغل تحتاج شغل مع الزبون يعني الموعيد اهم شي عند الزبون معروف هذا يبيلك تنسيق حلو
بالنسبه الحديد وكيف تشتريه اذا كنت صاحب ورشه في موزعين يعطيك بسعر حلو على الكميات اللي تاخذهاا منه
طبعا اذا مسكت شغل ان شاءالله تحتاج اول شي تسويه عربون هذا اللي تشتري به الحديد عشان تسوي الشغل والباقي يعتبر ارباح لك
مكااسبها حلووه بس يبيلهاا دراسه وشغل وترتيب وابداع بعد في فن التعامل مع العامل والزبون لان العامل بعد يبيك تاجرهاا له بس انتبه منهم الهنود وغيرهم من الاجانب

بالتوووووووووفيق

شكرا للجميع

اخوي احياء ممكن اعرف كم تقريبا الربح الصافي شهريا تقريبا

واللي عنده اضافه ياليت يعطينا

من طول الغيبات جاب الغنايم

ياهلا والله بشنتر بن عداد

بنسبه للحداده للأسف ماقدر افيدك
بس زباينهم واجد فيها رزق
واتمنى لك التوفيق ان شاء الله

هلا فيك زيزو

ياليت من عنده معلومات ينورنا