السلام عليكم ورحمة الله
اخواني ابغى رأيكم في موضوع وماخاب من استشار
انا ابغى اشتري مشغل معروض للبيع فيه كرسين وكرسي اطفال وجهاز حمام زيت وجهاز تنظيف بشره وكرسي صبغ وعدد2استشوار ومكينة خياطه وثلاجه وادوات تجميل عدد2شنطه ومعاه عامله فلبينيه وديكور مناسب وعارضته صاحبته ب90 الف
هل هو يستحق هذا المبلغ
وصاحبته تقول معاه 4 تأشيرات بس تقول انها باعة الفيز انا مافهمت هذي النقطه يعني معنى كلامها اني ماقدر اجيب عاملات للمشغل لانها باعت التاشيرات او ان هذي التاشيرات تبع اسمها وانا اذا اشتريته اقدر اجيب برخصة المحل
انا متردده كثير بالموضوع ياليت اصحاب وصاحبات المشاغل ترد بموضوعي
رجاااااااااااااااااااااااااااء خاص ساعدوني

شكرا اخي قلب المملكة على توضيحك
المشغل موقعه تقريبا بشارع فيه اكثر من7مشاغل وجنبه مشغل وقباله مشغل بس انا ماعندي خبره بالمشغل واسعاره انا مدري هل المشغل يستحق هالمبلغ او لا

السلام عليكم ورحمة الله وبركاته

بالنسبة للمشغل
في شي اسمه شهرة المحل او سمعة المحل طبعا بلمبلغ الا راح تدفعينه 90 الف ريال طبعا المعدات والاغراض الا ذكرتيها اقل من المبلغ هذا لو حبيتي تأسسين محل من جديد
لكن اذا المحل عمره قديم ومعروف وزباينه بالهبل والمشغل ما يلحق وشغل على قولتهم حريقه اقولك يستاهل اكثر من 90 الف ريال

لكن بشرط اذا المحل معروف وعدد العمالة اكثر من اربعه عاملات

تحياتي

عفوا اذا ما عندك الخبرة وامكانياتك ما تسمح في ادارة وتشغيل المشغل فانا اقول لا تقدمين عليه

او ممكن تدخلين شريكه مع اهل الخبرة في المجال من تثقين به

فاختي هذا المجال كثير من البنات دخلوا فيه وبعد اشهر عرضوه للتقبيل

فالمشغل مطلوب امرين قوه الادارة والحسم في بعض الامور من ناحية والانضباط والمتابعة من ناحية اخرى

بالتوفيق لك وللجميع

يالغاليه فيه مشغل صراحه فرصه
فيه 5كراسي ومكيفات اسبلت وديكور فخم وعليه تاشيرات وفيه كوافيرات مو على الكفاله شاملات تووووب
وسعره يابلاش 60 الف قابله للتفاوض اذ جاده راسليني اعطيك رقمها والحين مووووووووسم لايطوفك .بتجيبين مبلغ قدامك 4 مواسم عيدين ومدارس وزواجات وواجازات .

بصراحه غاليه شوي
يعني لو تفتحين محل انتي بنفسك راح تزودي شي اما لو اعطتكي التأشيرات شي جميل
اشرطي علها والمحل كيف الديكور وكذا
وهل في اقبال على المحل على شان تعرضو بهذا السعر
حتى لو في اقبال من العماله نفسها يلي تشتغل بالمحل راحو راحو الزباين معها


اذا رأيتي المحل ماشي سوقه وعارضته بـ90الف على شان الزبائن بأقوولك شغله
الزباين مايجو على على شان العاماله تكون سمعتها كذا وكذا..........الخ
طيب لو اخذتي المحل وراحو العماله راح تهشي ذبان ومايفارقك بف باف
انا اقوولك اشرطو انها العماله تكون موجوده او تنقليهم بأسمك واسف على الاطاله