السلام عليكم

أبارك لكل من وصل لشيكات المئوية وأسأل لتعم الفائدة بدل الإنتظار الممل وتكون انتظرت على فائدة وهو تضبيط وضعك حتى تسرع فتح محلك وتعوض الوقت الي ضاع عليك:


1)كم كان الفرق بين توقيع كل من الارشاد اتفاقية المئوية قرض بنك التسليف استلام الشيكات

2) مهم جدا كيف ارتب الخطة الزمنية بحيث ما يتأخرون علي واتوهق وهل العطل مني أو منهم وايش هي التفاصيل الصغيرة الي ممكن اتلافاها عشان ما يخلص 6 شهور وانا لسة ما فتحت

3) انتظر شيك الايجار والا من اوقع قرض التسليف لأن ناس وقعو وكما رأيت هنا ضلو بالثلاث أسابيع

4)طريقة صرف الشيكات هل اطلب شيك واصرفه بعدين اطلب ثاني والا ممكن اطلب 3 شيكات وايش هو الأفضل ومين يحدد ..


طبعا ببدأ معكم أنا مجد العلا وقعت ارشاد قبل 5شهور وها نحن في الويت لست كاني اقول البلاك لست بسم الله علي أنا في طريق المجد على اسمي خخخ لا انا في طريق العلا المجد يبيله يونيفيرسل 100 سنة عشان اقول مجد بس اقول اشوفكم هنا خخخخخخخخخخ

انا وقعت مع البنك وارسلت تسعيرة الاجار امس

وقعت مع البتك يمكن من شهر او 3 اسابيع
ولي فهمته من مدير الاقليمي لمنطقتنا
انهم
اتبعو سياسه جديده مع البنك ولي هي
ياخذون كامل المبلغ من البنك
ويصيرون يعطونك من لمئويه شيكات وكذا
تصير الشيكات تصرف لك اسرع من اول
يعني تقدم طلب 5 ايام بالكثير وشيك معك والله يسهل للكل

أشكرك كثير يا غموض أنثى والله يوفقك يا رب وتوقعين بنك التسليف بس صدق ليه كذا الوقت طويل من وقعتي المئوية لين الحين وبنك التسليف متى ؟؟؟
التراخيص متوقفة على الاجار يعني ما في فايدة اختصر وقت..

وبنت الطنايا لا حرمنا الله من فائدتك وطلتك طيب ليه انتي جبتي تسعيرة الاجار بس لأنه كذا بتدفعين الاجار وبترجعين بسرعة يعني عطل في عطل وراى ما تاخذين شيك الديكور معاه عشان تختصرين الطريق وقولي لنا متى تستلمين شيك الايجار وربي يسهل عليك وتفتحين مشروعك ..


أنا تفشلت مع مرشدتي من كثر ما اقول لها بيدقون عليك والى الآن محد دق عليها و يسألوني بعد ذا كله عندك مرشدة أقولهم للمرة البليون اي نعم عندي والله يخوفي يخلونها تدفع حق مكالماتها ومشاويرها والا بيخلوها عى ظهري الله يعين يبيلي اغير و اختار وحدة جارة المحل عشان لا اتوهق خخخخخخخخ


وين البقية محد وصل لشيكات اقول اكتب عشان الكل يستفيد وانت تستفيد تراك قسم بالله محتاج لكل دعوة عشان توفق

بعد معاناة مريرة ومعركة حامية مع فطاحلت صندوق المئوية وبزارينهم الي يشغلون خط التلفون ويصيرون بابا تيلفون الو موهون ...اسفرت عن انقاذ مشروعي والإبقاء على شمعة التفائل التي كادت تنطئ

الحمد لله وصلت لهذه المرحلة طلب دفعات مالية بعد توقيعات وش كثرها حتى معرف وشو وقعت وش بصمت يعني لو تسألون يمكن وقعتي بيع حلالك كله اقولكم يجوز خخخخخخخخخ وهذا غير الروحات والجيات والمرمطة مع سواقين النهب
الحين عاد ابي همتكم معي تكفون قولولي يلي جربتو وش بعد ذا انتهت المعاناه والا لسه مطولين وياليت شويت تفصيل عن الاجراءت لتعم الفائدة

في عبارة محيرتني من لديه جواب يفيدنا ((جميع الأصول الثابتة ووسائل النقل تسجل باسم الصندوق وليس المستفيد و إلا اعتبر المبلغ عهدة يجب على المستفيد تسويتها)).

والي ما عنده شي يكفيني دعائه و صلاته آخر الليل وأول النهار وبعد كل فرض وصلة ركعتين قضاء الحاجة ... الله يوفقني ويوفقكم كلكم

موفقه بإذن الله ... لك مني أجمل تحية .
وقوليلنا اخر المستجدات

يعطيكم العافيه