السلام عليكم ورحمة الله وبركاته
يا أخوان والله تعبت من التفكير عندي موضوع أبي أطرحه لكم وأبغاكم تعطوني آرائكم عاد مالي بعد الله ألا أنتم موضوعي هو:
كان لي قبول مبدئي بالطائف بتاريخ 22/6 وردوني بسبب الطول
ناقص 2سم المشكله أنهم يعرفون أن طولي ناقص ودخلوني سويت مقابله سألني كم سؤال بعدين قالي ما أجتزت الطول حالولت فيه يمشيني لكن لا جدوى المهم طلعت من عندهم ورحت البيت وكتبت خطاب للأمير محمد بن نايف مضمون الخطاب بأن يعطيني أستثناء في الطول وشرحتله وضعي بأني أكبر أخواني ووالدي متوفى ومتزوج وعندي أطفال وأعول 11 شخص ووالدي كان يعمل في الأمن العام وأرفقت مع الخطاب صور مؤهلاتي وكل ما يثبت كلامي أرسلت الخطاب يوم الثلاثاء ووصلهم السبت أستفسرت عنه في وزارة الداخليه قالوا الخطاب أحيل من عندنا للأكادمية نايف للأمن الوطني بالرياض وأعطاني رقم المعامله وأتصلت على الأكادميه الي في عليشه وقالولي المعامله راحت القبول والتسجيل وأعطاني رقمها بعد تعب أتصال يومين لأن تعاملهم مع المتصلين يجيب الضغط وبعدها 4 أيام أتصل عليهم عشان اعرف أيش صار في المعامله يحولوني يمين ويسار ومرات يصكون الخط والله رفعو ظغطي حسيت أنهم يصرفوني مدري ليه المهم آخر أتصال قلت للموظف وين موقعكم في الرياض لي 4 ايام أتصل ما أفتوني بشي وأنا بجيكم من جده قالي في عليشه بس ايش موضوعك قلتله موضوعي أن لي معامله جتكم من الداخليه وأبغى أعرف أيش صار فيها قالي أستثناء قلتله ايه قالي ما في أستثناءات السنه هذي الله يرزقك في السنه الجايه قلتله طيب ما دام ما فيه ليش المعامله جتكم من الداخليه كان حفظت عندهم صح ولا لا قالي هذا روتين قلتله جتكم برقم وراحت للقبول والتسجيل برقم معناتها ماشيه قالي لازم يطلعلها رقم بس ما في أستثناءات وقفلت
أنا حسيت أنه يصرفني حتى لأن في موظف قبله قالي ما في أحد يتابعها لك في الرياض يعني ما يبغون أتصال

فأبغا رايكم في الموضوع فكرت أروح لهم أنا في جده والله مشوار أنا ما همني لو ارجع بفايده لكن أخاف اروح وأجي على الفاضي
فقلت خلني أطرح الموضوع بين أيديكم يمكن لعل وعسى أحصل شي يفيدني أو أحد يدلني على شي أكون غافل عنه والله لا يحرمني منكم
مع العلم ان المعامله وصلت لأكادمية نايف بتاريخ 3/7 ومؤهلي كليه تقنيه تخصص إداره مكتبيه
وأعذروني على الأطاله حاولت أختصر الموضوع وطلع أقل شي كذا

والله اللي سمعته ونا خوك ان الاستثنائات حقت المباحث راح يلغونها ..
اسوتاً بالقطاعات الاخرى ..

والله اخوي من كلامك الي قلته انهم يصرفونك
ومن جد كيف تروح من وزارة الدخلية وترسل الى القبول وبعدين الى واخرة
وبدون فايدة اذا ماتتكلف روح الرياض منت خسران شي
بدل الجلسة وانت حاط يدك على خدك
والله لو عندي كلام اكثر من كذا كنت افدك وسامحني على القصور
وانشالله تتوفق يارب

اممم الله يوفقك يالغلا لكن حاول تروح لهم يمكن الله يكتب لك فيها رزق ماتدري ...

انت اجتهد وسوي اللي عليك وخل الباقي على الله وعسى الله يرزقك ويوفقك.

الله يعينك

المالكي أحمد ما دام راح يلغونها ليش جت من الأساس كان
أنلغت من وزارة الداخليه من الأساس
الحربي ر مشكور على الرد
مريبد مشكور على الرد
أسنع عاطل أنشاء الله العود الأصفر يشوف الموضوع ويرد
علي في أسرع وقت

الزهراني اذ الله كاتب لك تد خل بالمباحث وهذا رزقك بتدخل ولكن تقول خطاب أستثناء والله غيرك أرسل وماعاد في أمل

.. ما اقدر افيد بشي معليش ..

مالي الا الدعاء لك : .. اسئل الله العلي العظيم ان يسهل امورك ويفرج همك وكربتك ويسدد خطاك ويقرب مبتغاك امين يارب العالمين



بالتوفيق إن شاء الله ماتشوف شر

الله يوفقك ويعينك