بسم الله الرحمن الرحيم

من دون مقدمات راح احكي لكم المعاناة انا شخص متخرج من ثالث ثانوي بعد ماسحبت السنه اللي

طافت بسبب وفاة والدي الله يرحمه وابشركم تخرجت هالسنه بنسبة 93 وكان حلم ابوي يشوفني في كلية الظباط

وفعلا قدمت في الحرس الوطني ورفضوني
مايأست قدمت في كلية الملك فيصل الجويه وللاسف قوبلت ايضا بالرفض


انقبلت في جامعة ام القرى لكن للاسف ظروفي الاسريه بحكم اني اكبر واحد بالبيت انجبرت اني اتركها (البيت مافيه رجال بعدي )

واليحن انقبلت في جامعه الملك عبدالعزيز وللاسف ايضا هالجامعه سنه تحضيريه ومستقبل مجهول

وحددت الوجهه والمصير اكمل في الجامعه وانتظر التقديم في معهد الدراسات الفنيه بالظهران سمعت تتخرج من عندهم برتبة وكيل رقيب(والله ماودي بالعسكريه لكن الظروف الاسريه تجبرني مره ثاانيه على كذا)

تكفوون يالغوالي اللي ابيه منكم متى راح يبدا التقديم وياترى نسبتي تأهلني للقبول والا مثل الكليات العسكريه لازم لها ......فيتامين واو

لآ تيأس وآنـآ آخوك آنت قدم والبآقي على الله ..,

صدقني اللي كآاتبه لك ربك بيجيك لكن إصبر وإحتسب الآجر ..,

وإدُآ على الوآسطه وآسطة ربك آفضل من الوآسطآت .., صل لك ركعتين وإطلب ربك إنه يوفقك ..,

ولآ تنسى تخلي الوآلدهـ تدعيلك ..,

والله يوفقك ويحقق لك مبتغآك ..,


تمنيآتي لك بالتوفيق ..

اخوي موفق انشاء الله انت احمد ربك المستقبل قدامك مفتوح لكن غيرك نسبته ستين وش يسوي ؟ الله يعنيه

الله يوفقك ان شاءالله وربي يسعدك ويحقق امنياتك

الله يوفقك

انا من رأيي اذا طولك ووزنك تمام تنتظر اقرب تقديم على جندي لانك بتتخرج جندي بعد سنه بالكثير وراتبك قريب من راتب الي متخرج من معهد الدراسات الي ياخذون سنتين ونص في الدورة لان رواتبهم ماهي عاليه يعني الي عندهم وكيل رقيب تقريباً مثل الجندي في قطاعات وزارة الداخلية

وانت اصلاً بتكمل الجامعه يعني بدال ماتكملها الحين منتظم كملها وانت موظف وبكذا تكون موظف وتدرس في نفس الوقت انتساب في جامعة الملك عبدالعزيز

واذا دخلت تخصص حلو ومعدلك تمام اذا تخرجت على طول تتعين على التدريس واسحب على العسكرية

بس انا اقولك تسوي كذا عشان مثل ماتقول ظرووفك حالياً صعبه

وان شاء الله تتيسر امورك ويفرجها الله عليك

مجرد رأي لآ أكثر

بالتووفيق

8
كلام الاخ سليم راتب الوكيل رقيب مو اكثر من الجندي بالامن العام المباحث الدفاع المدني بعدين وكيل رقيب تنكر سنتين او ثلاث ومكافاه وربطه الامن تسع شهور وانت ضارب الباب وراتب حلو نصيحه من اخ لاخوه في الله قدم على الامن العام جندي واول ماتخلص دورتك قدم انتساب على الجامعه وباذن الله كم سنه وانت ماخذ البكالوريا وبعدها ارم بدلتهم عليهم

بالتوفيق

شوف اخوي معهد الدراسات حلو جدا اطلق من الامن العام , انا قدمت عليهم وكان وزني زايد وقبلوني
والله العظيم المهم وسجلت بالجامعه جامعه الامام وقبلوني واستخرت ربي وكمل الدراسه ,
معهد الدراسات وميزاته الراتب زين وحليو , ومرفه حالك حال الظابط ,
والدراسه بالانجليزي اذا عندك إنقلش تمام خش ولا تتردد ,
تحياتي لك ,,

وفقك الله اخي في الله ومالك الا الدعاء من قلب ونحن ندعو لك

طيب
كلام الأخوان حلو ومنطقي

بس انا رح أعكس إتجاه وجهة النظر

"واضح أنك العائل الأكبر لأهلك"
وأنت رجال وتنحط تاج على الرأس
الله يحميك
شوف يالغالي

أنت ماقلت من أي مدينه
لكن واضح أنك من الرياض
والله أعلم

نصيحتي لك
لاتفكر بالعسكرية
على جندي أبد
لو يسير فيك مهما يسير
أبوك أكيد له راتب تقاعد
أنت بتدخل الجامعه أن شاء الله وإلا الكلية الصحيه
على حساب الموارد البشرية
أو الصندوق الخيري ورح يعطونك مكافئه 1000 ريال شهرياً
مع راتب التقاعد حق أبوك
قول بتوصل 4000 ريال
الوظائف بالقطاعات الخاصه كثير
حاول تشوف لك فندق
أو مطعم
وتشتغل فيه
راتبك لايقل عن 1500 ريال
يعني بيصير دخلكم
5500 ريال
كلها سنتين ونص
بالكثر ان شاء الله
وانت ممرض بالمستشفيات الحكوميه
أو تدخل مسشتفى عسكري

وترتاح من وجع الرأس
وإذا ناوي تكمل طب
والله أهنيك على صمودك
بس أرجع أذكرك
لاتدخل عسكرية على جندي

الله بكتب الي فيه الخير