28-08-2007, 07:28 AM
|
 |
عضو ماسي
|
|
تاريخ التسجيل: Jun 2007
الدولة: في تسبد أهلي
المشاركات: 1,554
معدل تقييم المستوى: 39
|
|
|
لي ونة يوم الخلايق نياما
~oO لي ونة يوم الخلايق نياماOo~
هذيقصيدهـ كتبها الشاعر بعد ما قتل زوجته!!قبل كم سنه اعتقد اكثر من 50 السنه ,, كان فيه واحد ,, اللي هو الشاعر ,, دايم يطلب من زوجته تربط الفرس ,, الى انصارت مثل العادهـ اللي ما تقدر تنساهاجاء يوم ونست تربطه وخافت من زعله عليهاانتظرت لحد ما نام ,, وطلعت تربطه ,, سمع الشاعر صوت عند الفرس وطلع يشوف منعندهـهو شاف احد يتحركـ واطلق النار على طول وما كان عارف انها زوجتهوبعدما عرف انها زوجته كتب الابيات هذي
البارحة يوم الخلايق نياما
بيحت من كثر البكا كل مكنون
قمت اتوجد وانثر الماء على ما
من فوق عين دمعها كان مخزون
ولي ونة من سمعهامايناما
كني صويب بين الأضلاع مطعون
وإلا كما ونة كسير السلاما
خلوهـ ربعه للمعادين مديون
في ساعة قل الرجا والمحاما
في ما يطالع يومهم عنه يقفون
وإلا كما ونة راعبية حماما
غاد ذكرها والقوانيص يرمون
تسمع لها بين الجرايد حطاما
من نوحها تدعي المواليف يبكون
وإلا خلوج سايبه للهياما
على حوار ضايع في ضحى الكون
وإلاحوار نشقوله شماما
وهي تطالع يوم جروه بعيون
يردون مثله والظوامي سياما
ترزموا معها وقاموا يحنون
وإلا رضيع جرعوه الفطاما
توفت امه قبل اربعينه يتمون
عليك يا شارب لكاس الحماما
صرف بتقدير من الله مأذون
جاهالقضاء من بعد شهر الصياما
صافي الجبين بثاني العيد مدفون
كسوه من بيض الخرق ثوب خاما
وقاموا عليه من الترايب يهلون
راحوا بها حروة صلاة الاماما
عند الدفن قاموا لها الله يدعون
برضاه والجنه وحسن الختاما
ودموع عيني فوق خدي يهلون
حطوه في قبر غطاه الهداما
في مهمة من عرب الامات مسكون
يا حفرة يسقي ثراك الغماما
مزن من الرحمة عليها يصبون
جعل البختري والنفل والخزاما
ينبت على قبر به العذب مدفون
مرحوم يالي ما مشي بالملاما
جيران بيته راح مامنه يشكون
ياوسع عذري وأن هجرت المناما
ورافقت من عقب العقل كل مجنون
أخذت أنا وياه سبعة اعواما
مع مثلهن في كيف مالها لون
والله كنة يا عرب صرف عاما
ياعونة الله صرف الأيام وشلون
وأكبر اهمومي من بزور يتاما
وإن شفتهم قدام وجهي يصيحون
وأنقلت لا تبكون قالوا iiعلاما
نبكي ويبكي مثلنا كل محزون
لاقلت وش تبكون ؟قالو iiيتاما
قلت اليتيم اياي وانتم تسجون
قمت اتشكا عند ربعا عدامــا
وجوني على فرقا خليلي يعزون
قالوا تزوج وانس لامه بلاما
ترىالعذارى عن بعضهم يسلون
قلت إنها لي وفقت بالولاما
ولو جمعتم نصفهن ما يسدون
ما ظنتي تلقون مثله حراما
ايضا ولا فيهن على السر مامون
وأخاف أنا من غاديات الذماما
اللي على ضيم الدهر ما يتاقون
أو خبلة ما عقلها بالتماما
تضحك وهي تلذغ على الكبد بالهون
توذي عيالي بالنهر والكلاما
وانا تجرعني من المــــر بصحون
والله لولا هالصغاراليتاما
وخايف عليهم من الدجه يضيعون
لقول كل البيض عقبة حراما
واصبركما يصبر على الحبس مسجون
عليه مني كل يوم سلاما
عدة حجيج البيت واللي يطوفون
وصلوا على سيد جميع الاناما
على النبي يللى حضرتواتصلون
لشاعــــر : نمر بن عدوان
التعديل الأخير تم بواسطة تعبت ادور ; 28-08-2007 الساعة 07:48 AM
|
العرض الشجري
