نزولاً عند رغبات الأخوان
تم إعادة فتح الموضوع وتثبيـته
بعد حظر عضويات المتجاوزين حدودهم في الموضوع السابق

بارك الله لكم وفرّج الله عنكم ضائقتكم

وفيك يبارك أخوي رياض
حسب اللي قرأته قبل حذف موضوع فلحون أن النتائج قريبة جدًا
لكن ماحدد يوم معين
وأن مشكلة التأخير سببها تخصص معين
عندي إحساس أنه ماراح تطول عن اسبوعين

^
انا ما اسأل عن الترشيحات لأن رقمي ما طلع مع الدفعه الاولى

السؤال هنا ياخي هل يوجد في الموضوع السابق خبر عن دفعه جديدة للارقام

خاصتاً وان الوزارة كانت تخطط على مطابقة 13000 الف كما تزعم

وان المطابقين 4000 الف بس

وين الدفعه الالحاقيه ...

رياض .. خلي أملك بالله وحده
ولا الوزارة مهايطين بصـراحة ..

ويعطيك العافية سطـل ..

يارب وفقنا جميع من عاطلين الدبلومات بجميع اشكالها
يارب يارب يارب
وان شاء الله الفرج قريب
واتمنى من بعض الاعضاء الغاضبين على اخونا سطل كوسة ان يراجعون حسابتهم واقول لهم ان اخونا سطل كوسة يعمل مايطلب منه ولو احدنا مكانه سيعمل ماتتطلب منه الادارة
كل ادارة لها قوانين تعمل بها ومايعمله اخوي سطل هو ماتطلبه منه الادارة
اتمنى من الاخوان تقدير وضع اخونا سطل والابتعاد عن البغض والاحقاد واللي ماتعجبة سياسة هالمنتدى يشوف منتدى غيرة
اخيرا كل الدعاء بالتوفيق لنا كدبلومات ان شاء الله

خلونا نتكلم شوي بعقلانية
يعني بالله الحين لو بنتجمع ونقعد بالحر وغير صحيت الصبح
وقوة الهجولة والمشوار
يعني تتوقعون بالله بيجيب نتيجة
والله ما احد راح يفكر فيك
ديتنا يا المتجميع
دورتين وباص
لو انكم تبون وظائف ومسوي فيها وتتجمعون
روحوا وقت الملك يكون فيه يتقبل الزوار والمراجعين والمواطنين
اما انك تتجمع قدام الوزارة
وش بيدهم يعني بالله هم الي رافضين فتح باب القبول
لو افترنا
انهم فتحو الباب والله انها تسكيته لنا
يفتحون باب القبول ويالله استنى رقمك
انا اخوي مقدم على الديوان له 6 سنوات وماجاء له شي
اخزو ابليس وكل واحد يقعد في بيتة
وادعوا ربكم
وصلوا ركعتين
وأنا عارف اني طولت بردي لاكن العذر والسموحة

واحد ثالث الحمد لله املي بالله بغير الوزارة فالوزارة

طول هالسنيين مسكره على الوظائف لما تم استجواب الوزارة بكبرها

نطقو وقالو نحن مجرد وسيط

طيب انطقو قولو للاعلام ان الوزارت ما مدتكم بالشواغر مو صم بكم

أخوي رياض
الترشيح راح يكون على دفعات حسب ما ذكر بالتقرير اللي صدر على موقع الخدمة المدنية عند انتهاء التقديمات للعام الحالي
توقيتها بالضبط ليس لدي علم به
لكن حسب ما ذكر فلحون بأحد ردوده أن اللي فهمه أنه مافيه دفعة إلحاقية
وقبل يقولون راح يكون فيه تنظيم وترتيب لقوائم الترشيح من جديد بسبب تخصص معين
الله العالم .. !!
محد يملك معلومة مؤكدة للحين

لكن الأيام القادمة حبلى بالمفاجئات