السلام عليكم ورحمة الله وبركاته

ادرس حاليا بكرليوس علوم إجتماعية في جامعة الامام محمد بن سعود الإسلامية .

وأفكر اني ادرس في نفس الوقت مسائي , في كلية التقنية " الرياض " قسم حاسب / دعم فني " موازي "

لان عندي ميول للحاسب , ~

وميزتهم يبون صور من الشهادة " الموآزي "

ابي رايكم اخواني ,

هل هذا الشي راح يفيدني بشكل كبير بالسيفي حقي ؟ " يستآهل التعب .

راح اكون أفضل من غيري مثلا بالمنأفسه الوضيفيه ؟

وهل في مميزات ثانيه لي ,

او راح اضيع وقت وبس ..

وش تنصحوني فيه بحكم تجربة وخبرهـ ..

القبول راح يطلع بكره , يوم 17 ..

وفي كل الاحوال سيكون هذا الموضوع للفائده للجميع بالمستقبل , في محركات البحث وغيرها .

يطولي بأعمآركم .. وانتظركم .. (f) .

في الإنتظار .. ~

اذا انت بتقدم على الخدمة المدنية ماراح يقبلون شهادة الحاسب لانها قبل البكالوريوس لازم يكون تاريخها بعد البكالوريوس
اما باقي الوظائف اتوقع لا
وبالتوفيق

بالخدمة المدنية , مأ أعتقد
لكن كقوة سيرة ذاتية عند الشركات . طبعاً تفيدك خصوصاً وانهم يحرصون على أجادة الحاسب الالي
تخصصك بالبكالوريا لو دعمتها بدبلوم أدارة مكتبية يكون أفضل بكثير .
لكن لا بأس بالدعم الفني .

الله يحيك , اخوي ..

يعني تفضلون لوضعي إدارة مكتبيه أفضل ؟ اقصد من نآحية " توآفق الشهادات .

علماً اني أميل للحآسب .

وهل راح استفيد بشكل كبير او رآح اضيع وقت وبس .. من هذا الدبلوم ؟ او راح يضرني وبس

ارجوا الرد بشكل كآفي ومآلكم الا الدعآء القبول بيطلع بكره , وانا محتآآآآآآآآر مره ..

اخوكم

شوف ياغالي انا راح احطك بالصوره
انت الان تدرس بكالوريوس علم اجتماع وفي نفس الوقت دبلوم حاسب مسائي
طبعا ان شاء الله بعد التخرج في الثنتين راح يفتح التقديم للوظائف التعليميه والاداريه
لما تجي تقدم سواء في الوظائف الاداريه او التعليميه راح يطلب منك تدخل نوع البكالوريوس والخبرات او البلوم
راح تدخل شهاده البكالوريوس وايظا الدبلوم تبعا راح يرفض النظام لانه من شروطهم لابد ان تحصل الشهادات بعد التخرج من البكالوريوس سواء خبره من مدرسه اهليه ودراسه حاسب او دراسه لغه انجليزيه
راح تفيدك في شي واحد يعني لاقدر بعد التخرج من البكالوريوس وماحصلت وظيفه تقدر تقدم على شركه (وظيفه مؤقته) بشهاده الدبلوم على بال مايجيك التعيين
اما بالنسبه للقطاع الخاص والشركات بالعكس تفيدك وانت ادرى بتخصصك الجامعي هل هو مطلوب ؟

الله يجزاك خير اخوي ,

يعني اتوكل على الله وادرسها ؟

معناتها يمكن , يتجآهلون البكرليوس , واتوضف مؤقتاً على الدبلوم ,

الفائده فرصه اكبر للتوضيف بس يعني ؟

مراح يفيدني من ناحية , مرتبة وضيفه وغيرها ؟

وبالنسبه للشركات على حسب كلامك انه تفيد " ممكن تعملني مستوى الفائده هل هو كبير او لا ؟

يطولي بعمرك وانا انتظرك

في إنتظاركم ...

انا لو اني مكانك كان ادرس انجليزي احسن لي لانه يفيدك في تخصصك والإنجليزي لغة الحوار خاصة ان تخصصك علم اجتماع يعني يفيدك بأمور كثيرة

اوما الحاسب الآلي من كلية التقنية الدراسة ضعيفة جداً جداً جداً

وانا خريج حاسب آلي من كلية التقنية بالرياض

اتمنى انك تفكر وتستخير قبل التقدم على اي شي اللغه الإنجليزي تراها حلوه جداً جداً جداً

احسن لك ادرس دبلوم شبكات سنتين في جامعة الامام مسائي في عمادة خدمة المجتمع