صبحكم / مساكم الله بكل خير .. أعزائي


بعد ما انهيت كل التزاماتي اليوم .. حبيت اتفرغ لكم .. و اكتب موضوع
لجميع أعضاء البطالة .. اللي اعرفهم و اللي ما اعرفهم ..


بالاول حبيت أبشركم أني توظفت بوظيفة مريحة من كل النواحي ..

توظفت مديرة قسم الإسكان الخيري بجمعية ....... الخيرية بالرياض

و الحمد لله المرتب فوق ما توقعت و الدوام مريح مره من 8 الصباح إلى 1 الظهر

صحيح اني كنت مقدمة على هالوظيفة من اكثر من سنة بس الحمد لله جت بوقتها ..


( و ياليت ما تحرجوني و تسألوني كيف قدمت لأني و الله يشهد علي قدمت عن

طريق البريد العادي و مااذكر رقم البريد و لا حتى الرمز البريدي اللي قدمت عليه

و السالفة ما فيها لا واسطة و لا شي ... بعد 6 شهور من قدمت كلموني ورحت

لهم وسويت مقابلةو الله الشاهد توهم يردون علي بالموافقة بعد سنة و كم شهر ) ..


و الوظيفة قدمت عليها مو عن طريق المنتدى لا و الله هو كان اعلان عن مناقصة

بالجريدة و قلت اجرب و ارسلت لهم و صابت اللهم لك الحمد و المنه ...


طبعا بتسألون وش مؤهلاتك بقولكم :

معي ماجستير تربية - بكالوريوس اجتماعيات تربية - دبلوم حاسب الي -

دبلوم انجليزي ...


والشي الثاني ان التوفيق كله جاء من الدعاء و رضا الوالدين اللهم لك الحمد ..

يعني لا واسطة و لا شي و ربي الشاهد ان الثلاث وظايف اللي احترت فيها هالفترة

كلها بدون واسطة ..

https://www.btalah.com/t21225.html


والشي الثالث أحب أشكر كل شخص من هالمنتدى شاركني بحرف .. واكيد

ماراح انساكم ابد و ابرد لكم شوي من اللي شلته لكم طوال الشهرين اللي راحت

باني راح انزل موضوع بالوظائف اللي بلاقيها بالمنتدى ...




و اخيراً ... دعواتكم اخواني و اخواتي لي و للجميع بالتوفيق و الفلاح ..



تحياتي للجميع //

أختكم / سارة العمران ... ( حلم سارة)

الف الف مبروك ,,,,,,,,,
والله يوفقك ويسدد خطاكِ..........
وتقبلي مروري,,,,,,,,

ألف ألف مبروك الوظيفة
وبالتوفيق في حياتك ان شاءالله

الله يبـــــــــارك لك
و
يزيدك من فضله