اخواني اخواتي
هذه مجرد اقتراح اقترحه علي نسيبي قبل سنتين او 3سنين يقول تلقى بيت شعبي عليه صك صغير مرة احيانا نصه بلك ونص طين يكون غرفتين تحت وغرفتين فوق مع دورة مياه يقول قيمته من 20 الف الى 30الف وتاجر الغرفة على العمالة ب 300الى400ميه في الشهر وانت مريح راسك والبيت بصك لو جاء ازالة او تطوير للاحياء الشعبية راح تاخذ تعويض
انا ما جربت ولا سالت عنها
قلت اطرح الفكرة في المنتدى للي يبغى يستفيد ويسال ويتحقق منها
او يكون فيه احد مجرب يعطينا رايه في الموضوع
واسال الله ان يوفقكم للي فيه خير لكم

السلام عليكم ورحمة الله وبركاته
والله انا اول مره اسمع عن هالشي
وياليت ان حصلت بهالسعر تعلمنا وحلاوتك محفوظه
لانه لابد من يوم يبي يجي عليهم قرار ازاله لانهم بوسط البلد

وين البيت الشعبي اللي بـ 20 الف او 30 الف ؟؟؟؟؟؟؟؟؟؟؟؟؟؟؟؟؟؟

هلابكم ياشباب
ابحث عن الحقيقة انا ما وقفت على بيت معين انا قلت هي فكرة من نسيبي
قلبي لربي
ترا ما هو بيت بالمفهوم اللي ببالك
هي صغيرة مرة يمكن بمساحة غرفتين واللي فوق يطلع لها بسلم حديد
وانا طرحت الفكرة للسؤال والتحقق
ادري بيجيني واحد بيقول وينها فيه
انا ما عندي شي انا بس قلت الفكرة
اللي مجرب يعطينا رايه
واللي مهتم يسال اهل العقار ويشوف ويتحقق
وبالتوفيق لكم

طال عمرك الحين البيوت الشعبية (100م2 - 120م2)
تسوى 80الف وطالع
بالنسبه لتثمين هذاك اول يعطونك مبلغ حلو واعرف ناس اصبحت من التجار بسببها
بس الحين مو مثل اول فيه تقييم ويكون قريب من السعر الحقيقي

حياك الله يالنيوزلندي
الله جابك
انت جربت هالشي وسالت عنه
ياليت لو توضح لي بالتفصيل الله لايهينك ترى المساحة صغيرة مرة حق غرفتين وفوق غرفتين
طبعا انا اتكلم منفوحة واللي ورى سوق الثميري والاحياء الشعبية مرة
وبالنسبة للتثمين الطمع ماهو في التثمين الطمع في الدخل الثابت والاصول المضمونة لان عليها صك
والبيوت اللي ب80 باي حي

هذا الكلام أيام زمان


الحين الأسعار على 120 ألف وطالع لبيوت شعبية مساحتها 100 متر فقط

هلابك اخوي الغرق في النور
ياليت تفيدنا
وين موقع البيوت اللي تقول وهل كان لك تجربة او تجارة فيها
يالربع نبي العلم الاكيد اللي باع وشرى فيها او سال عنها
وشكرا لكم

لآزم تسألون راعيين مكاتب العقار هم أعرف الناس بهالأمور
وجزاك الله خير يا عمر على الفكره