31-07-2010, 09:10 AM
|
عضو جديد
|
|
تاريخ التسجيل: Jun 2010
المشاركات: 21
معدل تقييم المستوى: 34
|
|
|
نظام لـ 45 فتره الاستجدااد
بسم الله نبدا
كنت معلمكم ان طلع رقمي با الامن العام با الرياض
بتاريخ 11 7 1431هـ
والحمدلله يوم جا قبلها بيومين واروحخ واشتري ذيك الاغرااااض وذيك الشامبوات والملابس اللي هذا زينها
ـــ طبعاً اللون رصاااصي
ايوالله يوم جا طول الله اعماركم تاريخ 10 7 يوم الاثنين
قالوا الشله حنا نبي نوديك لــرياااض
قلت وتم طبعاً وخييني موضفين ولا ودي اخليهم يسحبون
يوم جا عصر الثلاثا وانا اقش قشيشي
واولم شونيطتي والاغراااض كامله
وبسم الله ونمشي
ونجي الرياااض انا اتحرا ها الموعد على احر من زفلت السااااعه 2 الظهر
واحاااول انام وعجزت مغير اهوجس
وتعدي هكا الليله بسلام ويجي الصبح
ويجوني الشله يقوموني يحسبوووني نااايم مادرو ان الليل كله هواجيس بها الدوره
الوكاد وقوم واخذلي ( فنجال شاهي وكاسه قهوه )
والله والبس اللون الرصااااصي
والجزمات السووود اللي اخت اسبوع وانا ادورهن >> الله يعزكم
والله ونمشي الموعد الساعه سبع
ومامشينا من الاستراااحه الى سبع وخمس
انا اقولهم بس يبووون يرجعوووني ليش متأخر
والشله يقووولون معليك يارجال وسع صديرك
الوكاد ونروح وفطور ومنا ومنا .....
ولا نجي مدينه التدريب الى 8 الى خمس
والله وانزل من اخوياااي اللحظات الاخير واهل هكا العبرة اللي يحبها قليبك
يوم جيت لا والله الناس داخله وماسكين طابور داخل اشوفهم قدام الشبك
والباب مسكر قلت بس يبون يرجعوني
معي ثلاثه متاخرين
الوكاد ويفتح الباب العسكري عقب 5 دقايق والله وندخل قالو يالله كل واحد ينزل
الجزمه ويقوس الطول
ونمشي لصاله الاجتماعات
ويعطونا ذيك الكلمه الحلوه ويعلمونا با التخصصات اللي موجوده
ويقسمونا كلن علا تخصصه >>> اللي مرور >>واللي شون تدريب
وكل مجموعه مع مدربهم
ولاكن من توفيق الله انا صرنا بمكان صاااد ومستقل عن بااااقي الميادين الكبيره
ونمشي ونمشي لين تكسرت رجيلاتنا
و النفسيه زفت
والله وندخل السكن ونرتب الاسره ةالدواليب
وهـ وهــ
والله وتبدا الشغل العدل بس ولله الحمد مافيه تعب كثير
البرنامج اليومي
الصحيان الساعه 2 ونص الفجر
وعلا الصلاه اذا خلصنا تبدا الحصه شويت هروله
وبعد فطور
وبعده حصه ثانيه وراحه الى قبل الظهر وعلا المصلى وبعده الصلاه شوي با الشمس وعلا الغدا
ولا فيه الا حصه مسائيه وهذا البرنامج الحلو
والخرووووج يوم الاربعااللي طاف 16 7 الظهر
وسلامتكم
حبيت اعلمك عشااان اللي عنده دوره يرتااااح ويطمئن والامور زينتن مره مره
ماهي مثل اللي كنا نسمع
طبعاً المصروووف
كنت اخذ معي 600 ريال وجاني 150
وكفني برااااحه
المعذره على الاسلوب الزفت والاخطا الاملائيه لاني كنت اكتب
الساعه سبع الصبح ومن شهوه النوووم ماشوف نص الحروووف .
ودمتم سالمين
|
العرض العادي
