بسم الله الرحمن الرحيم

السلام عليكم ورحمة الله وبركاته




الحمدلله والصلاة والسلام على رسول الله وعلى آله وصحبه أجمعين


أخواني الأعزاء


غداً بعون الله وقوته أول دوام لي في بنك الرياض ( قسم تمويل السيارات )

وحطوني بمسمى وظيفي ( إستشاري مبيعات ) وبراتب طيب الحمد لله

أفيدوني بطبيعه الوظيفة بارك الله فيكم




موفقين بإذن الله ... لك مني أجمل تحية .

والله ياخوك ماادري لكن حط شي ببالك ماراح يحطونك مباشره تدوام على البركه يعطونك دوره يعلمونك كل شي بالدوره

بالتوفيق للجميع

اخوي اذا كان نظام عقود مؤقته .. ما انصحك فيه لاني انا قدمت استقالتي من ذا البنك الخايس

تداوم من 8 الى 5 بـ 3000 ريال والله لو انهم شارينك



على العموم الله يوفقك

نصيحه اخويه لا تاخذ عقد مؤقت من شركه

[align=center]
وقبل كل هذا يا طويل العمر اسأل عن العمل في هذا البنك هل هو حرام ولا حلال قبل لا تسأل عن طبيعه العمل

وعسى الله يوفقك ويوفقني انا واخواني المسلمين قل امين
[/align]

بالله اخوي كم راتب موظفي بنك الرياض
تكفى ضرووووووووري

أهم شي تتأكد أن نشاط الوظيفة اللي بتشتغل فيها مباح أما اذا كان فيها شبهات اتركها وربي بيعوضك بأحسن منها ان شاء الله ( من ترك شيئاً لله عوضه الله خيراً منه )
الله يوفقك ويسهل لك أمرك

موفق اخوي

استشاري مبيعات مسمى وظيفي استحدثته بعض البنوك وشركات التسويق

وذالك فقط لجعل العميل يرتاح نفسياً للموظف الذي يسوق له المنتج

دورك الوظيفي هو بيع منتجات التمويل ( ممثل مبيعات) و ( خدمة عملاء) واي مهام توكل اليك من قبل المدير

هذا هو الحال في بنك الرياض 13 سنة والحمد لله ربنا رحمنا منه وافتكينا للافضل

نصيحة لو راتبك 10000 الف اتركة مافيها فايدة لحد يقولك حلال وفتوى وهيئة شرعية

لو البنك بيتعامل بالحلال عز الله ما جلس شهر الا وهو مقفل

وانت براحتك