الاخ فلحون راح للوزارة اليوم ومر على فرع الديوان بالرياض وهذا نص رده ..

السلام عليكم :

اسف على التأخير لكن أنا توني جاي من الخدمة المدنية . .

في البداية مريت على الاستاذ علي عبدالله الغامدي الظاهر شكله مخرف هالشايب . .

سألته عن الترشيح وانك عطيتنا خبر انها الاسبوع الماضي واليوم السبت ومانزل شي . .

قال خلاص بدينا فيها من اليوم . قلت وشلون بديتوا فيها يعني نزل اعلان امس الجمعة ولا بينزل شي اليوم قال لاخلاص يمكن

ارسلوا رسائل على جوالاتهم واستدعوهم قلت طيب شكرا على المعلومة وانا ادري انه يتكلم على الفاضي ماعنده اي خبر . .

طلعت على مكتب نائب الوزير وطلبت مقابلته دخل عليه مدير مكتبه بعد ماسجل اسمي وموضوعي وبعد شوي يطلع

لي ويقول ان نائب الوزير ماعنده خبر لكنه اتصل على وكيل الوزراة وقالوا له انه في اجتماع في فرع الرياض عشان موضوعكم . .

وبعدها طلعت من عنده ورحت لفرع الديوان اللي بالرياض ولقيت نائب الوزير مع مدير الاعلانات الوظيفية موجودين في

الصالة اللي تتم فيها الترشيحات الخاصة فينا وعلى فكرة اربعة اشخاص فقط هم اللي شغالين على ترشيح الدبلومات الى الان وانا شفت هالشي بعد ماطلعوا من عندهم . .

بعدها دخلت على نائب مدير الفرع اللي هو فواز الفواز لان المدير في اجازة وسألته قالي حنا ملزمين انا نعلنها نهاية هالاسبوع

وانت شفت الوكيل جاي عشان هالموضوع قلت انت قلت الاسبوع الماضي انك بتنزلها بداية هالاسبوع . .

قال المشكلة خطأ تقني وحليناه لكن الان اذا ماصادفنا شي بنعلنها هالاسبوع والارقام زادت اربع اضعاف العدد اللي كان موجود عندنا . .

هذي خلاصة اليوم مع وزارة الخدمة وفرع الديوان بالرياض . . لكن ان شاء الله تعلن الاسماء هالاسبوع ونفتك منهم . .

والله يرزقنا واياكم بالوظيفة اللي نتمناها . .

شكرا للأخ فلحون ونقول له بيض الله وجهك

وشكرا للعضو واحد ثالث لنقل الموضوع

والله يرزق الجميع

https://www.btalah.com/t214557-4.html

[align=center]
جهود جباره من الاخ فلحون الله يجزاه كل خير
بس عندي استفسار وشلون زادت الارقام ارقام وظائف ولا ارقام مرشحين
[/align]

[marq]
مشكور وما قصرت
والله يجيب الخير
[/marq]

معليش بدون شك فى مصداقية الاخ فلحون لكن انا اشوف انة لو طولت عن هالاسبوع ربما يكون الاخ فلحون هو موظف بالوزارة معهم وربما يكون كما قلت اسلوب تخدير اسبوع فى اسبوع وان كان الرجل ماله يد بشئ جزاه الله بالف خير بالعكس لو كان صادق شوف كم شاب وشابه يكون ساعد فى رجوع البسمة لههم وفتح بيوت

شـكرا لك وبارك الله فيك... لك مني أجمل تحية .

سلام عليكم انا جديد اخواني على منتداكم بس انسان مخضرم بالعطاله .. لي خمس سنوات خريج معهد مراقبين .
قسم مساحه .. واقول للاخ فلحون الله يعطيك العافيه ويسدد خطاك .. بس بغيت استفسر هل يشمل الي يسأل عنهم الدبلوم الي مثلي علما ان دبلومي ثلاث سنوات.. ارجو الاجابه على سؤالي . وشكراً

كله كلآم فآضي ..

ثلآث سنوآت وحن على ذآ الحآل..

الله يجزآكم خير

الله يوفقكم ويفرج همكم

والشكر موصول للأخ فلحون

__________________
ومن يعمل من الصالحات وهو مؤمن فلا يخاف ظلما ولا هضما