السلام عليكم ورحمة الله وبركاته


مساء الخير --- صباح الخير لجميع






حبيت انزل مشكلتى يمكن عل وعسي الاقى منكم نتيجة واخلص من همى



انا رجل ابلغ من العمر 25 سنـة .


قدر الله على قبل أربع سنوات وسلبت خاتم ذهب قيمتة يمكن 200 ريال من محل بلغزة من الشيطان


المهم بعد ماخذتة تندمت ورحت أقرب مركز شرطة وقلت حصل هيك وهيك وهيك

وهاذة خاتم الذهب الى اخذتة دون قصد وانا معترف بكل شى سويتة خطأ

وسجنونى 3 ايام وطلعت بكفالة من الوالد الله يحفظة لى ان شاءالله


وتنازل صاحب الخاتم جزاة الله الف خير وحكم على الشيخ سجن حق عام خمس شهور ومئة جلدة


ومانفذت الحكم لحد الان ماحب دخول السجن نهائى وفيني عقدة منة


وصار على ها السالفة أربع سنوات وانا عاطل اسمى مسجل فى الجهاز تنفيد حكم حق عام


ورحت عندهم قالو مافى عفو لسرقات والقضية فى مركز السليمانية برياض وانا حاليا

ادور احد يفز لى لانى بجد كرهت حياتى وانا عاطل مع العلم انى معاي شهادة جامعه تخصص

كمبيوتر وشبكأت

وزي ماتعرفون العمر راح والى مثلى متزوج ومتوظف وحالتة ميسرة وانا مليت من العطالة


كل ماقدم وظيفة يقلون اسمك فى الجهاز تنفيذ حكم حق عام خمس شهور كل مافتح باب ينسك


لازم اخلص المحكومية الى على وصدقونى لو عندى واسطة كان خلصتها من اول شهر من المشكلة


لاكن مافى اليد حيلة


ياجماعه كتبت لكم ها الموضوع ابي استفيد ممن ردودكم وش تشيرون على فية وش اسوي

مع العلم اول مرة ادخل قسم شرطة وتسجل على حكم خمس شهور اول مرة الحمدالله ماعلى سوابق ولا شى ابد



شيرو على وش اســوي ؟

الله يفرجها عليك
امين ياب

الله يكوون بعووونك

و الله مشكلتك مشكلة
يا أخي حتى لو ما رجعت الخاتم تروح بنفسك و تعترف
لو تصدقت به او رجعته باى طريقة المهم ما تفضح نفسك و ربك ستار و يعلم
و جامعي الله يصلح حالك و تفكر في 200 ريال على كل حال مثل ما قلت أبليس
طيب الحكم لماذا حق عام و انت معترف و تنازل راعي الخاتم بدل ما يساعدونك و ينتهي كل شئ
لو جلد قلنا يعدي لكن سجن و تقول ما تتحمل ما أعرف وش حلك
غير البحث عن واسطة تلغي التنفيذ و تنتهي البلاغ
و كلها سجن و جلد و حق عام الواجب يسقط بعفوا
و لا هي حد أصلا مجرد تعزير شد حيلك و تجد من يسقطها

وربي ادعي لك من كل قلبي الله يعينك ويفرج لك همك ويعوضك ايام الهم اللي عايشها
اخوك عاطل

الله يفرج همك وييسر امرك
لك حل واحد ابرق برقية للامير سلمان وبين التفاصيل وروح انت وابوك للامارة وقل له الموضوع كيت كيت بس اهم شي تكون صادق في اللي قلته وصدقني انا متاكد ان يصدر لك اعفاء من سلمان لان هذا حق عام والحق العام بيد ولي الامر
الاخ راجو القحطاني
انا اعرف واحد ملازم في البحرية في سجن الدمام العام
قضيته سرقة كفرات سيارات ولد عمه زميل لي في العمل
نسال الله السلامة يارب لك الحمد

كان الله فعونك

يعينك الله الله يفرجها عليك...

والله مستغرب ،، ما دام اعترفت وصاحب الخاتم ما يبغى منك شيء ،،

المفروض الثلاثة ايام تكفي ،، بس الله يعينك ما بيد حل ،،

الله ييسر امورك يا رب ،،