كل هالدنيا ولا فيها حياة ... في عيوني صامته صمت القبور

والجمال بناظري فاقد حلاه ... مايحرك فيني احساس وشعور

والقمر عن ليلتي ضايع حلاه ... واظهرت شمسي وهي من غير نور

وضحكتي ماعاد تلقابي شفاه ... وافرغت من بهجتي معنى السرور

ودمعتي شق لو تسيل بسماه ... وآهتي لو تنطق شقت صدور

ماعرفت ان الوفا اسباب الوفاه ... والمحبه تظلم النفس وتجور

وماعرفت ان النور يذبح مداه ... والجواجز ماهي جبال وبحور

كل مجروح يبا يلقى دواه ... غير جرح موعده يوم النشور

من يدور شي بعمره لقاه ... غير حلمي والوهم ماله عثور

للشاعر ......... علي القهيدي