السلام عليكم ورحمة الله وبركاته

اخواني اخواتي طرأت على بالي فكرة جددة وهي محل لبيع الهدايا التذكارية، يسمونه الغرب سوفنير، لكن اطمح الى تأسيسه بشيء من الابداع والتجديد بعيدا عن التكرار والتقليدية.

ففكرت في إضافة آلة طباعة على الكريستال لأضيف الصور والأسماء على الهدايا، احب اسمع من الاعضاء الكرام افكارهم الجديدة أو حتى اقتراحاتهم للهدايا المناسبة التي تبقي الذكرى. وجزاكم الله خير

برايي تسوي خدمة توصيل للهديه يعني مثلا يجي شخص ياخذ بوكي ورد ب 200 ريال و 50 ريال يوصلها لبيت الشخص لي بيهديه اياها
هذا رايي

حلو الله يوفقك وفكره حلوه التوصيل للمنازل

بس وين بتسويه؟؟ان شاءالله عندنا بالشرقيه

بس برأي شخص يهدي لزوجته يرسل احد عمال المحل لا ماتجي

حلوة فكرة محل هدايا توكل على الله وابدا


لكن فكرة التوصيل هدايا ماأنصح فيها ........... لانها مشاكل في مشاكل


تخيل توصل هدايا للغزلنجيين هههههههه

^^

ضحكتني واللــه ، مو تخييل ، يارجال بـ يعين خيييييييير منهم .. وبيصير بدر المسافر صاحب الموضوع عقب كم سنه ، مثل هاللي مكتوبين في موضوع اللي كانوا بسيطين ، وصاروا تجار ،، طبعاً بـ سبب الغزلنجيـــــــه ، ياكثرهم بسس

{ بدر المسافر .. كان صاحب محل هدايا بسيط ، ألآن يملك مصنـع لـ صناعة جميع انواع الهدايا ، واكبر المزارع في السعوديه لـ زراعة الورد }


ههههههههههههههههه ، لا تزعل مني بدر فديتـك ، بس رايق وفاضي .. إن شاء الله تكونون مثلي كلكم ، فديتكــُـم ..

واللــه يرزقك من حيث لا تحتسب ويجعل لك في كل خطوه خيـــــرر ..

يا جماعة فيدوني اكثر بافكاركم المبدعة

أفتكر في دورة للأستاذ خالد الزامل ( مدير حاضنات الأعمال في مركز سايتك في الشرقية ) ذكر واحد من شباب الشرقية شغال في الهدايا كانت طريقتة الإبداع في نفس الهدايا من القصص حق هذا الرجال بعد إنتهاء حرب الخليج فكر في الجنود الأمريكان إللي راجعين لبلدهم كيف يوفرلهم هدايا تبقى ذكر لهم لهذي الحرب فوجه شيء مو موجود عندهم .....




الشي هذا بعرت الجمل صممله علبه على شكل بيضاوي وحط البعرة بداخلها وحطها على قاعد خشبية وكتب عليها كمل شيت (بعرة جمل ) وبعدين يكتب تحتها من فلان إلى فلان حسب طلب الزبون .
الزبدة إنوا هذا الرجال مبدع في أفكار الهدايا .....
هذا ما لدي ...