السلام عليكم ورحمة الله

طاب صباحكم ومسائكم وفجركم

على طاري الفجر ....ياجماعة الربع نصيحة ترون كلن له من اسمه نصيب بنتي سميتها فجر وكل يوم تصحيني الفجر

المهم ماعلاكم منها

خلونا في المفيد \\

اليوم كنت مع ولد اختي المهم الولد هذا شبه منحرف حتى من شدة الانحراف صاير يمشي على جنب ...طلع لي سيدي وحطه في البلايستشن ...طلع الشريط حق حرامي السيارات ....اقسم بالله ياجماعة الخير انه الشريط هو نقطة الانطلاق نحو الانحراف ********>تعب وهو يكتبها

اول شي يجيك الخال لابس طيحني ويبدا يهاجم الشرطة عشان يجمع اسلحة ويقدر يقاوم العصابات

افراد العصابات هم خوال واقفين على حافة الطريق في مجموعات تتكون من 3 الى 4 اشخاص

اذا حبيت تغير سيارتك ماعليك الا انك تضغط زر المثلث والخال يقوم بالواجب ...يفتح باب السيارة ويضرب السواق وينزله من السيارة وياخذها بالغصب...\

انا لعبت هاللعبة (والا من وين لي كل هالمعلومات) بس اكثر شي يقهرني الخال اللي لابس بنطلون احمر...من يوم يشوفني يلطشني بدون سبب ...

وفيه اماكن يدخلها ...فيه مراقص تجي وحدة ترقص عنده تبي تغريه ...ويدخل بقالة ويقتل اللي فيها عشان يشرب موية ...

وغيرها من المصايب....

حاطين عجوز تمشي المهم جيت انا وصدمتها بالغلط شافني ولد اختي راح قال لابوي اني صدمت عجوز وشردت ...ابوي يحسب ان السالفة من جد قالي لازم تروح تسلم نفسك للشرطة....

اكثر شي لفت انتباهي في الجزء الثاني...انه في ملاقيف

في الجزء الاول لو واحد مات الوضع يكون عادي جدا....لكن الجزء الثاني لو واحد يطيح تلقى الناس يجون جري يطالعون وبعدين كل واحد يروح في حاله
يعني عنف وجنس

انتبهوا الوضع خطير ولكنه تحت السيطرة
هذي صور للشريط
http://www.google.com.sa/images?hl=a...og&sa=N&tab=wi

هذا مافي جعبتي المتجعبة على اخر الليل

انتظروني في قصتي مع الملك لينكون بن علي (قلب الاسد)